Jón Þorleifsson - V

  Hér fyrir neðan eru hlekkir á fyrri frásagnir af Jóni Þorleifssyni,  verkamanni og rithöfundi.  Það er ástæða til að fletta upp á þeim í réttri röð fyrir þá sem ekki þekktu þennan merka mann áður en lengra er haldið.  Og kannski líka fyrir þá sem þekktu hann.

  Jón hafði andúð á stjórnmálastéttinni eins og hún lagði sig.  Hann mætti jafnan á kjörstað og tók sér góðan tíma í að skrifa á kjörseðil skilaboð til stjórnmálastéttarinnar í bundnu formi.  Þó brá svo við eitt sinn að hann greiddi atkvæði.  Þegar Jón var að yfirgefa kjörstað hitti hann einn af frambjóðendum Alþýðubandalagsins.  Ég man ekki hver það var.  Mig hálf rámar í að það hafi verið Magnús Kjartansson.  Samt er ég ekki viss.  Sá kastaði kveðju á Jón og spurði hvort hann væri búinn að kjósa.

  Jón játti því.  Sagðist í fyrsta skipti í langan tíma hafa merkt við framboðslista.  Viðmælandinn spurði hvort að Jón hefði kosið rétt.  Jón svaraði:  "Ég veit það ekki.  Ég kaus Alþýðubandalagið."

  Viðmælandinn tók í hönd Jóns og þakkaði honum fyrir atkvæðið.  Jón svaraði:  "Þetta var mér nauðung.  Eina ástæðan fyrir því að ég kaus Alþýðubandalagið var að fá tækifæri til að strika yfir þitt nafn.

---------

Afmælishóf Dagsbrúnar

http://jensgud.blog.is/blog/jensgud/entry/1196152

Kastaði kveðju á forsætisráðherra

http://jensgud.blog.is/blog/jensgud/entry/1197159

Illa leikinn af verkalýðsforingja

http://jensgud.blog.is/blog/jensgud/entry/1198212

Verkalýðsforingi hrekktur 1. maí

http://jensgud.blog.is/blog/jensgud/entry/1198926

Hverju er verið að mótmæla?

 

  Ég mætti kátur og hress í mótmælastöðu á Austurvöll í kvöld.  Ég vissi ekki alveg hverju var verið að mótmæla.  Það var góð stemmning.  Með mér í för var Vestur-Íslendingur frá Kanada.  Hann vissi ekki fremur en ég hverju við vorum að mótmæla.  Það skipti þó litlu máli.  Við mótmæltum einhverju.  Og Vestur-Íslendingurinn hefur tekið þátt i mótmælum í Bretlandi,  Kanada og víðar.  Þar var augljósara hverju var verið að mótmæla.

  En þetta var gaman.  Við mótmæltum öllu sem var í boði til að mótmæla:  Burt með spillingu,  burt með ríkisstjórn,  burt með stjórnmálastéttina,  burt með Alþingi,  burt með aðgerðarleysi,  burt með Geir Haarde og Ingibjörgu Sólrúnu,  burt með skjaldborg auðmanna,  burt með samspillingu,  burt með Sjálfstæðisflokkinn,  Framsóknarflokkinn,  Samfylkinguna,  Vinstri Græna og burt með allskonar.   Burt með fjórflokkinn,  burt með AGS,  burt með spillta verkalýðsforingja,  burt með verðtrygginguna,  burt með ESB...

  Bylting lá í loftinu 2009 og enn er hrópað á byltingu.  Heimilum  blæðir .  Glæpamenn fá milljarða afskrifaða.  Kúlulánakóngar og kúlulánadrottningar drottna á Alþingi.  Sérlegir efnahagsráðgjafar hrunsins blása sig út sem þá sem vita og geta.  Öllum öðrum betur. 

  Og hvað svo?  Kosningar strax?  Kosningar fyrsta laugardag hvers mánaðar?  Þjóðstjórn?  Utanþingsstjórn (undir forystu Gylfa Magnússonar og Rögnu)?  Einræði?  Stjórnleysi (anarkisma)?  Besta flokkinn og Frjálslynda flokkinn á þing?   

  Af hverju var lögreglan grýtt með steinum og allskonar drasli?  Af hverju tók Óli Björn Kárason brjálæðiskast í stað þess að fara heim og láta renna af sér?  Þó ekki sé nema örlítið.  

  Svona er Ísland í dag.  Mikið fjör.   "Föss" gítarsándið hjá Lennon er skemmtllegt þó George hafi hatað það.

Réttlæti og heiðarlegt uppgjör

Pönkbyltingin

  Á hippárunum á seinni hluta sjöunda áratugarins talaði ungt fólk stundum með tilhlökkun um það þegar "68-kynslóðin",  hipparnir,  myndu taka við stjórn landsins.  Fólkið sem mótmælti stríði,  sagðist kúka á kerfið,  boðaði frjálsar ástir og dópaði.  Það yrði fjör.  Það var heldur ekkert langt í að Davíð Oddsson yrði borgarstjóri,  forsætisráðherra,  Seðlabankastjóri,  ritstjóri Moggans;  Ásta Ragnheiður Jóhannesdóttir,  DJ-drottning,  yrði alþingiskona og allskonar;  rokkstjarnan Óttar Felix Hauksson - sem rokkaði með nakinni kvenmannsgínu - yrði formaður Sjálfstæðisfélags Kópavogs;  Már Guðmundsson yrði Seðlabankastjóri... Og svo framvegis.  Og svo framvegis.  Tony Blair varð forsætisráðherra Bretlands.  Bill Clinton varð forseti Bandaríkjanna.

  Vissulega urðu miklar breytingar á vestrænum samfélögum.  Frjálsræði jókst og gömul gildi úreltust.  En samt.  Þetta varð ekki eins og vonir stóðu til.  "Eitt sinn hippi,  ávalt hippi" varð meira þannig að "nú er hann orðinn kótelettukarl".

  1976/77 bylti pönkið hipparokkinu og ný kynslóð,  pönkkynslóðin,  varð ráðandi afl með nýjum viðhorfum.  Gerðu-það-sjálf/ur (Do-it-yourself) var hugmyndafræðin;  að kýla á hlutina.  Fræbbblarnir og Sex Pistols hraunuðu yfir hippana.  Anarkismi var málið.

 

  Nú hefur það gerst sem fáa óraði fyrir:  Pönkbyltingin er orðin staðreynd í borgarstjórn Reykjavíkur.  Jón Gnarr var áberandi í pönksenunni.  Myndin hér efst er af pönksveit hans,  Nefrennsli.  Óttar Proppe,  forsprakki hinnar frábæru pönksveitar Rass,  er kominn í borgarstjórn:

   Líka Einar Örn.  Hann er orðinn formaður Sorpu bs.

  Og Dr.  Gunni er þarna einnig.  Hann er orðinn formaður Strætó bs.

 

Jón Gnarr með lyklavöldin

"Hún getur ekkert!"

  Það var rosalega gaman að taka þátt í atkvæðatalningu í Ráðhúsinu í borgarstjórnarkosningunum um helgina.  Ég var svokallaður "Umboðsmaður framboða".  Nokkru munaði að þarna var nóg og gott að bíta og drekka:  Lambalæri,  smurbrauð af öllu tagi,  úrval gosdrykkja,  kökur,  súkkulaðikex,  hnetumix,  kaffi,  te,  bjór,  Breezer,  koníak,  viský...  Æ,  þarna tók óskhyggjan völd.  Síðasttöldu drykkirnir voru ekki í boði.

  Því miður varð ég ekki var við eina einustu vísu.  Gamalreyndir talningamenn undruðust vísnaleysið.  Þess í stað var áhugavert að skoða ógilda atkvæðaseðla.  Ýmsir höfðu merkt ákveðið við tiltekinn flokk en strikað yfir nafn eða nöfn hjá öðrum flokki.  Það má ekki.  Það má einungis eiga við þann lista sem viðkomandi kýs.  

  Skemmtilegasti ógildi seðillinn sem ég sá var þannig að kyrfilega var merkt við H-listann en við nafn Hönnu Birnu á D-lista hafði verið skrifað skýrum stöfum:  "Hún getur ekkert!"

  

  

Besti og Samfylking ræða saman

Flestir strikuðu út nafn Gísla Marteins

  Gríðarmikið var um útstrikanir á atkvæðaseðlum Sjálfstæðisflokksins í Reykjavík.  Með lauslegri talningu telst mér til að nafn féboðsþegans drjúga og knáa,  Gísla Marteins Baldurssonar,  hafi verið strikað út á um það bil fimmta hverjum atkvæðaseðli Sjálfstæðisflokksins.  Margir strikuðu einnig yfir nöfn Júlíus Vífils Ingvarssonar og Kjartans Magnússonar.

  Gallinn er sá að í sveitastjórnarkosningum þarf um það bil helmingur kjósenda að strika yfir nafn eins og sama frambjóðandans til að fella hann niður um sæti.  Þessu þarf að breyta.  Eðlilegra er að 20% útstrikanir hafi þessi áhrif. 

  Af kjósendum Samfylkingarinnar í Reykjavík var töluvert um að strikað væri yfir nafn Dags B. Eggertssonar.    Líklega hátt í á tíunda hverjum seðli.

  Nokkur fjöldi kjósenda Vinstri grænna strikaði yfir nafn Sóleyjar Tómasdóttur. 

  Yfirstrikanir á atkvæðaseðlum Besta flokksins voru undarlegar.  Kjósendur hans strikuðu margir hverjir yfir nöfn frambjóðenda í neðstu sætum.  Sætum sem voru verulega fjarri því að viðkomandi yrði svo mikið sem vara,  vara,  vara,  vara... borgarfulltrúi.  Svo virðist sem grínarar hafi verið í stuði er þeir kusu Besta flokkinn. 

Flestar breytingar á D-lista

Glæsilegur kosningasigur Sigurjóns Þórðarsonar og Frjálslynda flokksins

  Þvers og kruss um landið urðu sviptingar í pólitíkinni í nótt.  Fjórflokkurinn fékk víða skell og rótgrónir meirihlutar féllu kylliflatir.  Fyrir utan stórsigur Besta flokksins í Reykjavík og Lista fólksins á Akureyri vekur athygli glæsilegur kosningasigur Sigurjóns Þórðarsonar,  formanns Frjálslynda flokksins,  í Skagafirði.  Frjálslyndi flokkurinn hefur ekki áður átt þar bæjarfulltrúa.  Nú er Frjálslyndi flokkurinn með næstum 12% meira fylgi í Skagafirðinum en Samfylkingin. 

  Ég vissi að Sigurjón nýtur mikils persónulegs fylgis í Skagafirðinum.  Þar starfar hann sem heilbrigðisfulltrúi.  Úrslitin koma mér því ekki á óvart.  Ég er úr Skagafirðinum og þekki til vinsælda Sigurjóns meðal minna gömlu sveitunga.  Þetta eru engu að síður tíðindi. 

  Frjálslyndi flokkurinn vann sömuleiðis kosningasigur á Ísafirði.  Þar bauð flokkurinn fram í samfloti með fleirum undir merki Í-lista.  Í-listinn náði inn 4 bæjarfulltrúum af 9.  Líklegt er að Kristján Andri Guðjónsson og félagar í Í-listanum myndi meirihluta á Ísafirði ásamt bæjarfulltrúa Framsóknarflokksins. 

  Það er góð sveifla á Frjálslynda flokknum.

   

Mætti á margar möppumessur

Hvað er til ráða?

  Vítt og breitt um land gráta menn (og nokkrar konur) fögrum tárum yfir því að geta ekki kosið annað en fjórflokkinn.  Fólkinu svíður þetta óréttlæti.  Það er í uppnámi og veit ekki sitt rjúkandi ráð.  Sumir íhuga að mæta ekki á kjörstað.  Aðrir íhuga að skila auðu.  Ég hef hvatt þetta fólk til hleypa andanum á skeið og setja saman vísu.  Það má vera hvort sem er staka eða limra.  Vísuna skal rita á kjörseðilinn.  Þannig má koma skilaboðum á framfæri skýrar en með því að skila auðu eða sitja á gólfinu heima hjá sér.

  Reykvíkingar eru lausir við þetta vandamál.  Hér stendur valið á milli þriggja álitlegra framboða:  H-lista,  framboð um heiðarleika og almannahagsmuni;  F-lista Frjálslynda flokksins;  og Ælist-a Jóns Gnarrs og félaga.

  Leiðtogi H-lista,  framboðs um heiðarleika og almannahagsmuni,  Ólafur F. Magnússon,  hefur fyrir löngu síðan sannað að hann er gegnheill hugsjónamaður.  Hann hefur aldrei þegið féboð (mútur).  Spilling er eitur í hans beinum.  Hann hefur barist eins og ljón fyrir áframhaldandi staðsetningu flugvallarins í Vatnsmýri.   Hann hefur staðið einarður gegn því að eigur og auðlindir almennings lendi í höndum fégráðugra siðblindra braskara.  Bara svo fátt eitt sé nefnt.  Þar fyrir utan er Ólafur skemmtilegur og litríkur stjórnmálamaður sem hefur oft lífgað hressilega upp á sjórnmálaumræðuna.  Til að mynda er hann mælti af munni fram á borgarstjórnarfundi á dögunum þetta kvæði um borgarfulltrúa Björgólfsfeðga,  Hönnu Birnu:

Gírug í ferðir,  gráðug í fé

grandvör hvorki er hún né 

gætir hófs í gerðum sínum

gjafir fær frá banka fínum

Auðmjúk er við auðvalds fætur

ávallt að þess vilja lætur

Velferð viljug niður sker

víða hnífinn fína ber

sjaldnast nálægt sjálfri sér

sárt í annars bakið fer

Laugaveg,  flugvöll láttu kjurrt

lata Hanna farðu burt

í Valhöll heim að vefja þráð

með vinum þínum í síð og bráð

 

  Það getur verið hollt að rifja upp hvernig umræðan var fyrir tveimur árum:  

Kjörstaðir opnaðir klukkan 9

Heiðarlegur frambjóðandi

  Er ekki eitthvað að þegar fólk segir eftirsjá vera af mútuþega í pólitík?  Er afsögn mútuþega ekki fagnaðarefni?  Þetta er áfangasigur í baráttunni gegn spillingu.  Afsögn Steinunnar Valdísar setur þrýsting á Dag,  Gísla Martein,  Guðlaug Þór og Hönnu Birnu.  Það er bannað með lögum að taka við mútum.

  Ólafur F. Magnússon leiðir H-listann,  framboð um heiðarleika og almannaheill.  Hann er með lengsta starfsaldur í borgarstjórn af þeim sem eru í framboði nú.  Það hefur aldrei hvarflað að Ólafi F.  að þiggja mútur.  Hann er heiðarlegur stjórnmálamaður.

     

 

 

 

 

 

 

 

 

 

 

 

 

Eftirsjá af Steinunni Valdísi

Missið ekki af

  Kosningabaráttan hefur verið í daufara lagi.  Það er doði yfir öllu.  Fólk er eins og dofið eftir allar upplýsingarnar um gengdarlausa spillingu,  grófar einkavinavæðingar,  mútur,  keypta stjórnmálamenn,  bankarán,  siðblindu og það allt.  Og sér hvergi fyrir enda á svindlinu og svínaríinu.  - Þó varaformannsefni Sjálfstæðisflokksins,  Ólöf Nordal,  stappi stálinu í flokksbræður sína með hughreystandi ummælum á borð við:  "Þessi Rannsóknarskýrsla og þetta allt saman er að þvælast eitthvað fyrir okkur tímabundið."  Gagnrýni á spillinguna líður hjá eins og hver annar þynnkuhausverkur.  

  Á milli klukkan 4 og 5 í dag verður spennandi dagskrá á Útvarpi Sögu.  Þar munu etja kappi Ólafur F.  Magnússon,  leiðtogi H-lista,  framboðs um heiðarleika og almannahagsmuni,  og Einar Skúlason,  frambjóðandi Framsóknarflokksins.  Mér segir svo hugur að þetta verði hressilegur þáttur.  Ég spái því að Ólafur muni leggja Einar á hné sér og hýða hann á bossann með upprifjunum um margháttaða grófa spillingu Framsóknarflokksins í Reykjavík (eins og víðar). Af nógu er að taka.

 

 

 

 

 

 

 

 

 

  Fyrir þá sem ekki vita sendir Útvarp Saga út á FM 99,4 á suð-vestur horninu.  Ég veit ekki með aðra landshluta.  Áreiðanlega er hægt að finna upplýsingar um það á www.utvarpsaga.is.  Það er sömuleiðis hægt að hlusta á stöðina beint af þeirri heimasíðu.

.

.  

Skattar munu hækka eitthvað

Frjálslyndir í meirihluta

  Samkvæmt skoðanakönnun er meirihluti Sjálfstæðisflokks og Framsóknarflokks fallinn á Ísafirði.  Þar er listi Frjálslyndra og óháðra ásamt fleirum (Samfylkingu og Vinstri grænum) kominn með yfirhöndina.  Það er allt komið á blússandi siglingu og mikillar uppstokkunnar að vænta þvers og kruss um landið.  Fjórflokkurinn á víða undir högg að sækja sem slíkur.  Þetta er spennandi. 

.

L-listinn stærstur á Akureyri samkvæmt könnun