Stórkostlegar myndir af vatni (í 3 heimsálfum)

  Vatn er besti svaladrykkur í heimi.  Einkum ef það er ískalt og íslenskt,  svo ekki sé minnst á færeyskt eða grænlenskt.  En vatn getur líka glatt augað.  Heldur betur svo.  Ljósmyndin hér fyrir ofan er af skemmtilegu fyrirbæri sem kallast Þórsbrunnur og er í Oregan í Bandaríkjum Norður-Ameríku.  Það hefur ekkert verið átt við þessa mynd í "fótósjopp" eða öðrum græjum.

  Þessi magnaði hellir er í Víetnam.  Ef vel er að gáð má greina manneskju á myndinni niðri til hægri.  Hún gefur til kynna stærð hellisins.  Eins áhrifamikið og þetta listaverk er þá væri hellirinn ekki svipur hjá sjón án lindarinnar.

  Hvað væri varið í þetta sólarlag án vatnsöldunnar sem ramma það inn?

  Íslenskt landslag skartar mörgu listaverkinu þar sem vatn leikur stóra hlutverkið.  Jökulsárlón er gott dæmi.

  Íslenskar ár eru ekkert fallegar út af fyrir sig.  En þær einkenna íslenska dali.  Þær hlykkjast um lægsta punkt fyrir miðju dalsins.  Úr fjarlægð setja árnar skemmtilegan svip á landslagið.

  Færeyskir lækir setja ennþá skemmtilegri svip á færeyskt landslag:

  Færeyskir lækir eru flottir.  Þeir dreifa sér yfir breiðar klappir.  Þeir úðast léttilega niður eftir klöppunum fremur en að fossa eins og íslenskir lækir.  Við minnstu gjólu fjúka færeysku lækirnir í loft upp.  það er fögur sjón:

  Þegar maður snýr sér við í Færeyjum og lítur út á sjó blasir við fegursta hafsýn:

  Hana má einnig sjá á myndinni í "hausnum" á þessari bloggsíðu.  Sú ljósmynd var tekin á hljómleikum Týs í ströndinni á Götu á Austurey. 

Jón Þorleifsson - VI

  Ég held áfram að rifja upp sögur af rithöfundinum og verkamanninum Jóni Þorleifssyni.  Fyrir neðan eru hlekkir á eldri sögur af Jóni.  Það er eiginlega nauðsynlegt að lesa þær fyrst til að átta sig á þessum merka manni.  Á gamals aldri fór hann að skrifa bækur.  Þær bækur eru fjölbreyttar.  Allt frá ljóðabókum til sjálfsævisöguminninga og skáldsagna.

  Jón sótti um inngöngu í Rithöfundasambandið.  Guðrún Helgadóttir,  þingkona og vinsæll barnabókahöfundur,  lagðist af þunga gegn félagsaðild Jóns.  Hún taldi bækur hans vera hatursáróður gegn nafngreindum mönnum en ekki verðugar bókmenntir.  Þess ber að geta að Guðrún kannaðist lítið við þetta í einkasamtölum við Jón.  En hann hafði áreiðanlega heimildarmenn fyrir því hvernig þetta gekk fyrir sig.  Þorgeir Þorgeirsson,  rithöfundur,  staðfesti í mín eyru að Jón færi rétt með framgöngu Guðrúnar í að hindra félagsaðild Jóns að Rithöfundasambandinu.

  Umsókn Jóns var hafnað.  Það er ljótur blettur á sögu Rithöfundasambandsins.  Jón tók þetta nærri sér og var afar ósáttur.

  Eitt sinn í jólaös var boðið upp á skemmtidagskrá í verslun Máls og Menningar á Laugarvegi.  Þarna komu fram tónlistarmenn og lesið var upp úr bókum.  Ég vissi ekki af þessu en átti leið hjá.  Það var troðið út úr dyrum.  Þegar ég kom að voru tónlistarmenn að ljúka sinni dagskrá.  Kynnir gekk að hljóðnema og kynnti Guðrúnu Helgadóttur,  sem var að senda frá sér bók.  Kynnirinn endaði kynninguna á orðunum:  "Við bjóðum Guðrúnu Helgadóttur velkomna á svið!"

  Áheyrendur klöppuðu og Guðrún steig á svið.  Þá heyrðist Jón - í þvögu áheyrenda -  hrópa hátt og snjallt (hann myndaði "gjallarhorn" með lófunum):  "Það bjóða ekki allir hana velkomna!  Það bjóða ekki allir hana velkomna!  Stattu fyrir máli þínu ef þú þorir!"

  Það var eins og einhverjir hefðu átt von á þessu upphlaupi Jóns (kannski hafði eitthvað þessu gerst áður).  Tveir stæðilegir menn stukku eldsnöggt að Jóni og hentu honum út á götu.  Þar hitti ég Jón.  Hann var ánægður og sagði sigri hrósandi:   "Mér tókst að eyðileggja stemmninguna fyrir helvítis kellingunni!" 

-------------------------------

Fyrri frásagnir:

Afmælishóf Dagsbrúnar

http://jensgud.blog.is/blog/jensgud/entry/1196152

Kastaði kveðju á forsætisráðherra

http://jensgud.blog.is/blog/jensgud/entry/1197159

Illa leikinn af verkalýðsforingja

http://jensgud.blog.is/blog/jensgud/entry/1198212

Verkalýðsforingi hrekktur 1. maí

http://jensgud.blog.is/blog/jensgud/entry/1198926

Á kosningadag

http://www.jensgud.blog.is/blog/jensgud/entry/1219978

Virkilega spennandi plata - og gott málefni

 

  Í næstu viku kemur út í Evrópu merkileg og spennandi plata.  Mjög svo spennandi.  Hún kom út í Norður-Ameríku (samt ekki í Grænlandi) í síðustu viku og hefur vakið rokna mikla athygli og líflegar umræður.  Málstaðurinn er að auki afskaplega góður.  Platan heitir Chimes of Freedom.  Það er mannréttindahreyfingin Amnesty International sem gefur plötuna út.  Hún inniheldur 75 krákur (cover songs) á sönglögum Bobs Dylans (plús 1 lag í flutningi Dylans sjálfs).  Sönglög sem flestir þekkja. 

  Flytjendur eru allt frá táningsaldri (Miley Cyrus, 19 ára) til aldargamals (Pete Seeger, 120 ára).

  Hér er heildarlistinn yfir lögin (ég hefði ekki byrjað á að pikka listann inn ef ég hefði áttað mig á hvað það tók langan tíma.  Ég fann hann ekki til að copy/paste):

1.

Johnny Cash með The Avett Brothers - One Too Many Mornings

2.

Raphael Saadiq - Leopard--Skin Pill-Box Hat

3.

Patti Smith - Drifter's Escape

4.

Rise Against - Ballad Of Hollis Brown

5.

Tom Morello The Nightwatchman - Blind Willie McTell

6.

Pete Townshend - Corrina, Corrina

7.

Bettye LaVette - Most Of The Time

8.

Charlie Winston - This Wheels On Fire

9.

Diana Krall - Simple Twist Of Fate

10.

Brett Dennen - You Ain't Goin' Nowhere

11.

Mariachi El Bronx - Love Sick

12

Ziggy Marley - Blowin' In The Wind

13

Silversun Pickups - Not Dark Yet

14. 

The Gaslight Anthem - Changing Of The Guards

15

My Morning Jacket - You're A Big Girl Now

16.

The Airborne Toxic Event - Boots Of Spanish Leather

17.

Sting - Girl From The North Country

18.

Mark Knopfler - Restless Farewell

19.

Queens Of The Stone Age - Outlaw Blues

20

Lenny Kravitz - Rainy Day Woman #12 & 35

21.

Steve Earle w/Lucia Micarelli - One More Cup Of Coffee (Valley Below)

22.

Blake Mills featuring Danielle Haim - Heart Of Mine

23.

Miley Cyrus - You're Gonna Make Me Lonesome When You Go

24.

Billy Bragg - Lay Down Your Weary Tune

25.

Elvis Costello - License To Kill

26.

Angelique Kidjo - Lay, Lady, Lay

27.

Natasha Bedingfield - Ring Them Bells

28.

Jackson Browne - Love Minus Zero/No Limit

29.

Joan Baez - Seven Curses

30.

The Belle Brigade - No Time To Think

31.

Sugarland - Tonight I'll Be Staying Here With You (Live)

32.

Jack's Mannequin - Mr. Tambourine Man1.01

33.

Oren Lavie - 4th Time Around

34.

Sussan Deyhim - All I Really Want To Do

35.

Adele - Make You Feel My Love (Live At WXPN)

36.

K'NAAN - With God On Our Side

37.

Ximena Sarinana - I Want You

38

Neil Finn með Pajama Club - She Belongs To Me

39.

Bryan Ferry - Bob Dylan's Dream

40.

Zee Avi - Tomorrow Is A Long Time

41.

Carly Simon - Just Like A Woman

42.

Flogging Molly - The Times They Are A-Changin'

43.

Fistful of Mercy - Buckets Of Rain

44.

Joe Perry - Man Of Peace

45.

Bad Religion - It's All Over Now, Baby Blue

46.

My Chemical Romance - Desolation Row

47.

RedOne með Nabil Khayat - Knockin' On Heaven's Door

48

Paul Rodgers & Nils Lofgren - Abandoned Love

49.

Darren Criss og Chuck Criss of Freelance Whales - New Morning

50

Cage the Elephant - The Lonesome Death Of Hattie Carroll

51.

Band of Skulls - It Ain't Me, Babe

52.

Sinead O'Connor - Property Of Jesus

53.

Ed Roland og The Sweet Tea Project - Shelter From The Storm

54.

Kesha - Don't Think Twice, It's All Right

55.

Kronos Quartet - Don't Think Twice, It's All Right

56.

Maroon 5 - I Shall Be Release

57.

Seal & Jeff Beck - Like A Rolling Stone

58.

Carolina Chocolate Drops - Political World

59.

Taj Mahal of The Phantom Blues Band - Bob Dylan's 115th Dream

60.

Dierks Bentley - Senor (Tales Of Yankee Power)

61.

Mick Hucknall - One Of Us Must Know (Sooner Or Later)

62.

Thea Gilmore - I'll Remember You

63.

State Radio - John Brown

64.

Dave Matthews Band - All Along The Watchtower

65.

Michael Franti - Subterranean Homesick Blues

66.

We Are Augustines - Mama, You Been On My Mind

67

Lucinda Williams - Tryin' To Get To Heaven

68.

Kris Kristofferson - Quinn The Eskimo (The Mighty Quinn)

69

Eric Burdon - Gotta Serve Somebody

70.

Evan Rachel Wood - I'd Have You Anytime

71.

Marianne Faithfull - Baby Let Me Follow You Down

72.

Pete Seeger with The Rivertown Kids - Forever Young

73.

Outernational - When The Ship Comes In

74.

Silverstein - Song To Woody

75.

Daniel Bedingfield - Man In The Long Black Coat

76.

Bob Dylan - Chimes Of Freedom

 .

  Þessu skylt,  sem ekki allir vita:  Lag Johns Lennons  Imagine  er eign AI.  AI fær óskipt öll höfundarlaun þess lags.  Hvort sem það er spilað í útvarpi eða gefið út á plötum með John Lennon eða krákað af öðrum.

 

Hvaða Bítlasonur er líkastur pabbanum?

  Bítlarnir eignuðust aldrei nein börn saman.  Allir eignuðust þeir þó börn.  Og allir eignuðust þeir syni.  Færra var um dætur.  Allir synir Bítlanna bera sterkan svip af föður sínum,  eins og sjá má í myndbandinu.  Það bendir til þess að Bítlarnir hafi ekki haldið framhjá eiginkonum sínum meira en gerist og gengur. 

  Nú eru Bítlasynir (og Bítlaekkjur) orðnir tíðir gestir á Íslandi.  Þeir eru miklu oftar hérlendis en fjölmiðlar greina frá.  Engu að síður eru fjölmiðlar farnir að ræða um strákana sem tengdasyni Íslands. 

  En hver Bítlasona er líkastur föður sínum?

  Sean Lennon á röltinu með Rakel Ósk.

 

  Dhani Harrison á röltinu með dóttur Kára Stefánssonar.

Gaman að rifja upp

  Söngvarinn og söngvahöfundurinn Þórður Bogason var áberandi í íslensku tónlistarlífi á níunda og tíunda áratug síðustu aldar.  Eða reyndar fyrr því að hann var rótari hjá hljómsveitum Péturs heitins Kristjánssonar á áttunda áratugnum,  hvort sem þær hétu Paradís eða Póker eða Pícassó eða eitthvað annað.  Svo stofnaði Þórður þungarokkshljómsveitina Þrek,  sem naut töluverðra vinsælda en sendi aldrei frá sér lag á plötu.

  Á einhverjum tímapunkti breyttist Þrek í hljómsveitina Þrym.  Eflaust var það í kjölfar einhverra mannabreytinga í hljómsveitinni.  Þrymur sendi frá sér lagið  Tunglskin.  Það getur að heyra í myndbandinu hér fyrir ofan.  Það kom út á safnplötu sem ég man ekki hvað heitir.  Á henni voru einnig lög með Grafík,  Tappa tíkarrassi og Sverri Stormsker.

  Auk söngvarans Þórðar voru í Þrymi þeir  Halldór Erlendsson gítarleikari, Þórður Guðmundsson bassaleikari, Kjartan Valdimarsson hljómborðsleikari og Pétur Einarsson trommari.

  Þekktasta hljómsveit Þórðar Bogasonar er sennilega Foringjarnir.  Þeir komu laginu  Komdu í partý á vinsældalista.  Myndbandið við það var spilað grimmt í sjónvarpinu.  Af öðrum hljómsveitum sem Þórður hefur sungið í má nefna Skytturnar,  Warning,  Rickshow,  DBD,  Rokkhljómsveit Íslands og Mazza. 

  Hér fyrir neðan er skemmtilegt jólalag sem Þórður samdi og söng með hljómsveitinni F (kannski ekki alveg rétti árstíminn fyrir þetta lag.  En samt gaman að rifja upp): 

  Hljómsveitirnar Kiss og Foringjarnir spiluðu eitthvað saman.  Foringjarnir voru áberandi miklu betri hljómsveit.  Hér eru söngvarar þessara hljómsveita,  Paul Stanley og Þórður Bogason,  að fara yfir málin:

Klúður í kosningabaráttu

 

 

 

 

 

 

 

 

 

 

 

  Í útlöndum - ekki öllum,  en sumum - er til siðs aðstjórnmálamenn velji sér einkennislag í kosningabaráttu.  Iðulega er þetta þekkt og grípandi lag.  Nafn lagsins og texti í viðlagi er jafnan eitthvað sem innifelur æskileg skilaboð.  Einkennislagið er spilað í upphafi og endi framboðsfunda,  í sjónvarps- og útvarpsauglýsingur og hvar sem því er viðkomið.

  Af hverju fá frambjóðendurnir ekki vinsæla poppara til að semja fyrir sig sérstakt kosningalag?  Jú,  það eru til dæmi um slíkt.  Kosturinn við hina leiðina er að hún gefur útvarpsstöðvum,  plötusnúðum og fleirum möguleika á að spila gamla vinsæla lagið án þess að það sé skilgreint sem eiginlegur kosningaáróður.  

  Einhverra hluta vegna hafa íslenskir stjórnmálamenn gert lítið af þessu.  Ég man þó eftir því að Alþýðuflokkurinn gerði út á lagið  18 rauðar rósir.  Í því tilfelli var það krákað (cover song) af Stuðmanninum Jakobi Magnússyni og Stebbi Hilmars söng.  Einnig krákaði Ingibjörg Sólrún lagið  Borg mín borg  ásamt Ríó tríói.  Egill Ólafsson (og kannski fleiri?) söng eitt sinn frumsamið lag eftir Árna Sigfússon,  þáverandi frambjóðanda í Sjálfstæðisflokksins í Reykjavík.  Framsóknarflokkurinn var í einhverri kosningabaráttunni með frumsamið lag eftir bróðir Magnúsar Kjartanssonar (man ekki nafn mannsins).  Við erum best,  söng Besti flokkurinn,  slagara úr smiðju Tinu Turner.

  Margrét Thatcher gerði á sínum tíma út á lag Johns Lennons,  Imagine.  Yoko brást við með því að gefa lagið til Amnesty International - í með - til að lagið væri ekki notað af stjórnmálamönnum.

  Bandarískir stjórnmálamenn eru duglegir við að velja sér einkennislag í kosningabaráttunni.  Einkennislag Bills Clintons var  Don´t Stop Me Now  með Fleetwood Mac.   Ronald Reagan sótti sitt einkennislag til Brúsa frænda,  Born in the USA.  Brúsi gaf leyfi til þess með því skilyrði að Reagan myndi hlusta á plötu hans,  Nebraska,  þar sem sungið er um hlutskipti bandarísks verkafólks.  

  Einhverra hluta vegna hafa ótrúlega margir bandarískir stjórnmálamenn lent í tómu klúðri við val á einkennislagi.  Þeir - eða starfsmenn þeirra - hafa ekki gengið nægilega vel frá formlegu leyfi fyrir notkun lagsins.  Plötuútgefandinn hefur kannski gefið grænt ljós en höfundur og flytjandi lagsins verið ósáttur þegar á reynir.  Einkum hefur þetta komið frambjóðendum rebbanna í koll.  En demókratar hafa líka lent í klúðri.

  Núna síðast er forsetaframbjóðandi rebba,   Gingrich,  í klúðri.  Einkennislag hans er  How You Like Me Now  með bresku hljómsveitinni The Heavy.  Hljómsveitin er afar ósátt og krefst þess að Gingrich hætti þegar í stað að nota þetta lag.  

  Áður voru Tom Petty og Katrína and The Waves búin að stöðva notkun annars frambjóðanda rebba,  Michele Bachman, á sitthvoru laginu með þeim.  Gott ef hún datt ekki út úr forvalinu í kjölfar leiðinda vegna þessa (og einhvers fleira).

  Tom Petty stoppaði á sínum tíma stoppað notkun Brúsks (Bush yngri) á öðru lagi eftir sig,  I Won´t Back Down.  Það er kannski skiljanlegt að svona klúður komi upp þegar bandarískir stjórnmálamenn nota bresk popplög með leyfi frá bandarískum plötuútgefanda þeirra.  Það er klaufalegra þegar rebbar nota lög eftir yfirlýstan frjálslyndan,  eins og Toms Pettys.   Tom Petty er mun stærra nafn í Bandaríkjunum en við verðum vör við hér á Íslandi.  Hann er svo sem ekki mjög pólitískur en vill ekkert púkka upp á republikana.

  2008 stoppaði hljómsveitin Heart notkun Söru Pálínu á laginu  Barracuda.  Sama ár lenti John McCain í klúðri.  Jackson Browne fékk dómstóla til að stöðva notkun hans á laginu  Running On Empty.  Sjaldnast þarf þó dómstóla til.  John Mellemcamp dugði að krefjast þess án atbeina dómstóla að stöðva notkun Johns McCains á tveimur lögum eftir sig.  Til gamans má geta að lengst af kallaði John Mellemcamp sig John Cougar Mellemcamp.  Liðsmenn Sykurmolanna upplýstu hann um að millinafnið Cougar hljómar illa á íslensku í íslenskum framburði.  Mellemcamp var svo brugðið að hann "droppaði" millinafninu með það sama.

  Það er nánast þumalputtaregla að bandarískir stjórnmálamenn sem lenda í klúðri með einkennislag tapa slagnum.  Þeir heltast úr lestinni og verða ekki forsetar.

  Gaman væri að velta fyrir sér hvaða þekkt íslensk lög íslenskir stjórnmálamenn geta tekið upp sem sitt einkennislag.  Ósmekklegar tillögur:  Silfurskotturnar hafa sungið fyrir mig  með Megasi fyrir Jóhönnu.  Þrjú hjól undir bílnum  með Ómari Ragnarssyni fyrir Steingrím J.  Eða  Taxman  með Bítlunum?  Er til eitthvað vafningslag fyrir Bjarna Ben?  Eða bara  Money,  Money,  Money  með Abba?  Sveitaball  með Ómari Ragnarssyni fyrir Sigmund Davíð?

Fleiri skemmtilegar ljósmyndir af glysgjörnum

 

  Í gær setti ég inn nokkrar broslegar ljósmyndir af glysgjörnum beljum.  Fleiri eru glysgjarnir og sækja í flott hálstau.  Þar á meðal þessi:

  Þetta er eiginlega toppur á flottu hálstaui.  Ef dúfur finna heila fransbrauðssneið þá éta þær allt nema skorpuna.  Hana smeygja þær upp á háls sér og eru rígmontnar.

  Á einhverjum svæðum í Asíu þykir flott að hlaða málmhringjum um háls stúlkna.  Fyrstu hringjunum er komið fyrir þegar stelpurnar eru aðeins 5 ára gamlar.  Svo er nýjum hring bætt við ár hvert.  Þetta þykir mjög flott.  Því fleiri málmhringi sem stúlkurnar bera þeim mun merkilegri þykja dömurnar.   Ein rökin fyrir þessu hálsskrauti eru að rándýr, tígrisdýr, ljón og villisvín,  geti ekki bitið stelpurnar á háls. 

  Verra er að eiginmenn þessara kvenna eiga það til að klippa af þeim hálsskrautið í refsingarskini fyrir meint framhjáhald.  Þá er hálsinn of veikbyggður til að bera höfuð þeirra.  Þær verða álútnar og dauði er vís - þó að þær geti tímabundið borið haus með því að halda honum í skorðum með höndunum. 

  Þessi er bandarískur og var að mótmæla einhverju með heimatilbúnu háls/höfuðskrauti.  Ég man ekki hverju maðurinn var að mótmæla en nágrönnum hans þótti höfuðskrautið asnalegt og ljótt.

  Víða í Afríku þykir flott að vera með hjólbarða eða eitthvað í þá veru um hálsinn.  Það er stöðutákn.

  Breskir stjórnmálamenn skreyta sig iðulega með dekkjaslöngum þegar þeir funda með útlendingum.  Í seinni tíð sækja Bretarnir meira í einskonar dekkjaslöngulíki úr skærlitum tauefnum.  Helst úr silki.  

Æðislega flottir hljómleikar í Norræna húsinu. Eivör með hljómleika í Langholtskirkju í kvöld

  Færeyska djasshljómsveitin Yggdrasil hélt frábæra hljómleika í Norræna húsinu í gærkvöld.  Með í för voru íslenski saxafónleikarinn Eyjólfur Þorleifsson og grænlenski trommudansarinn og leikarinn Miké Thomsen.  Báðir fóru á meiriháttar kostum og áttu stjörnuleik.  Yggdrasil er mjög góð hljómsveit sem ég hef fylgst með í þrjá áratugi.  Eyjólfur og Miké ljáðu djassi Yggdrasils nýja vídd.  Miké er magnaður leikari;  túlkaði á áhfrifaríkan hátt hesta,  fugla, Indíana o.fl.  Trommudans hans smellpassaði einkar vel við tónlist Yggdrasils.

  Í kvöld er Eivör með hljómleika í Langholtskirkju.  Eivör er þar ein með kassagítarinn sinn.  Þannig er hún flottust.

Spennandi færeyskir hljómleikar um helgina

 

  Í kvöld (laugardag) klukkan hálf níu (20.30) verða heldur betur spennandi hljómleikar í Norræna húsinu með vestnorrænu hljómsveitinni Yggdrasil. 

  Þessi hljómsveit var stofnuð fyrir 30 árum af Færeyingnum Kristian Blak,  píanóleikara og tónskáldi.  Hann er reyndar margt annað.  Hann er potturinn og pannan í færeysku tónlistarlífi.  Þar rekur hann stærsta plötufyrirtækið,  Tutl (sem gaf m.a. út plötuna frábæru  Baldur  með Skálmöld).  Hann rekur einnig plötuverslun og stendur fyrir ótal tónlistarhátíðum í og utan Færeyja.  Hann spilar með fjölda hljómsveita af ýmsu tagi.  Bara svo fátt eitt sé nefnt.

.

  Kristian Blak er fæddur í Danmörku en hefur búið í Færeyjum í næstum fjóra áratugi.  Honum skilgreinir sig eðlilega sem Færeying burt séð frá fæðingarstaðnum.

.

  Yggdrasil var upphaflega samnorræn hljómsveit sem blandaði saman þjóðlegri músík (etnískri) og djassi.  Liðskipan Yggdrasil hefur aldrei verið fastnegld niður.  Í dag eru í Yggdrasil hljóðfæraleikarar sem voru ekki fæddir þegar ferill Yggdrasils hófst.  Eivör var söngkona Yggrasils um 2ja ára skeið. 

.

  Yggdrasil hefur sent frá sér plötu á hverju ári.  Þar af tvær með Eivöru. 

  Á hljómleikunum í Norræna húsinu verða með í hljómsveitinni grænlenskur trommudansari og íslenskur saxafónleikari.  Yggdrasil er töluvert djassaðri en í þeim tóndæmum sem hér fylgja.  Þetta er aldeilis frábær hljómsveit,

  Miðaverð á hljómleikana er aðeins 1000 kall.

  Með í för er undrabarnið og fiðlusnillingurinn Angelika Nielsen.  Hún er rétt um hálf þrítug í dag.  Á barnsaldri var hún strax undrabarn á fiðlu og dúxaði á öllum sviðum.  Meðal annars í frönsku og skrautskrift.  Þegar hún sem barn mætti á skrautskriftarnámskeið hjá mér þá missti hún af fyrsta kvöldinu.  En það var eins hún hefði aldrei gert annað en skrifa skrautskrift.  Hún náði öllu í fyrstu atrennu.  Hún þurfti enga tilsögn.  Ég hef aldrei kynnst öðrum eins hæfileikum í skrautskrift. Hún var og er undrabarn.  Það kom ekki á óvart að uppgötva hvað hún er frábær fiðluleikari.

 

  Kristian Blak sagði mér frá því þegar hann setti hana sem ungling inn í að spila djass.  Hún spilaði í fyrstu atrennu eins og hún hefði aldrei gert annað en spila djass.  Hún þurfti enga tilsögn.  Samt hafði hún ekkert hlustað á djass.   

 

  Angelika Nielsen er með hljómsveit sem heitir Kvönn (nafnið Angelika þýðir kvönn).  Þar eru innanborðs Kristian Blak og bassasnillingurinn Mikael Blak,  sem einnig eru í Yggdrasil.  Mikael Blak hefur oft spilað á Íslandi.  Meðal annars með Clickhaze (súper grúppu Eivarar) og pönksveitinni 200).   

.

  Í leiðinni vek ég athygli á hljómleikum Eivarar í Langholtskirkju annað kvöld (sunnudag). 

.

.

  Eivör er besta og flottasta söngkona heims í dag. 

Íslenskar og færeyskar plötur áberandi í áramótauppgjöri

  Netmiðillinn All Scandinavian hefur birt uppgjör sitt fyrir árið 2011.  Íslenskar plötur vega þungt á listanum.  Fjórar slíkar eru í 18 efstu sætunum.  Þar af ein í 2. sæti og önnur í því fjórða.  Þetta er óvenju hátt hlutfall íslenskra platna ef tekið er mið af því að Skandinavar eru næstum 30 milljónir og Íslendingar aðeins um 1,2% af hópnum. 

  Ennþá betri er árangur færeyskra platna á listanum.  Þær eru 2 af 19 efstu.  Færeyingar eru 0,17% af Skandinövum. 

  Samtals eiga Íslendingar og Færeyingar fjórðung bestu platna sem út komu í Skandinavíu 2011 (þar af 3 af 4 í efstu sætunum) en eru innan við 2% af íbúafjöldanum.  Djöfulsins snillingar!

  Svona er listinn:

Jonathan Johansson (sænskur)
Klagomuren

  Klagemuren þýðir grátmúrinn. 

Sólstafir (íslensk)
Svartir Sandar

  Svartir sandar  með Sólstöfum á svo sannarlega að vera í það minnsta önnur tveggja bestu platna 2011.  Hún var það á mínum áramótalista.  Það kom ekki á óvart að sjá þessa plötu tróna í efstu hillum finnskra plötubúða um jólin.

  Þannig er plötunni lýst í All Scandinavian:  "The whole album, in fact, is brilliant and trying to describe it with words is really a pointless exercise. It’s weird, dark, unpredictable, psychedelic and full of agony, yearning, amazing vocals and stuff that will make you go “What the hell was that?!”

ORKA (færeysk)
Óró

  Þetta er önnur plata Orku.  Hljómsveitin brúkar ekki hefðbundin hljóðfæri heldur þau verkfæri sem hendi eru næst á sveitabæ rétt hjá Götu á Austurey í Færeyjum.  Orka hefur tvívegis haldið hljómleika í Norræna húsinu á Íslandi.  Það er meiriháttar upplifun að sjá Orku á hljómleikum.  Á plötu hljómar hún í ætt við þýskt krautrokk (Einsturzende Neubauten) en á sviði er eins og að fylgjast með iðnverkstæði.  Strákarnir spila á slípirokk,  olíutunnur,  hamar,  sög,  kaðalspotta og svo framvegis. 

Dead Skeletons (íslensk)
Dead Magick

  Ég er ekki vel kunnugur þessari hljómsveit Jóns Sæmundar (Nonni Dead,  þekktur fyrir fatahönnun og að vera eyðnismitaður),  Henriks Björnssonar (Singapore Slim) og Ryans Carlsons Van Kriedt.

Regina (finnsk)
Soita Mulle

Siamese Fighting Fish (dönsk)
We Are The Sound

Kaizers Orchestra (norsk)
Violeta Violeta Volume 1

Klak Tik (dönsk)
Must We Find A Winner

Honningbarna (norsk)
La Alarmane Gå

K-X-P (sænsk)
K-X-P

11: I’m From Barcelona (sænsk) – Forever Today

12: Kvelertak (norsk) – Kvelertak

13: Apparat Organ Quartet (íslensk) – Pólýfónía

  Þessi plata var ofarlega á listum í uppgjöri íslenskra fjölmiðla fyrir árið 2010.  Hún hefur verið eitthvað seinna í umferð í hinum Norðurlöndunum. 

14: When Saints Go Machine (dönsk) – Konkylie

15: Lykke Li (sænsk) – Wounded Rhymes

16: Einar Stray (norskur) – Chiaroscuro

17: The Interbeing (dönsk) – Edge Of The Obscure

18: Dad Rocks! (íslenskur) – Mount Modern

 

  Ég er ekki alveg klár á því en held að Dad Rocks sé allt að því sólóverkefni Snævars Njáls Albertssonar.

19: Petur Pólson (færeyskur) – Transit

  Pétur Pólson er mikill snillingur.  Hann er margverðlaunaður í bak og fyrir í Færeyjum sem söngvahöfundur og söngvari.  Hann var í færeysku súper-grúppunni Clickhaze ásamt Eivöru,  Jóni Týril,  Mikael Blak,  Jens L. (forsprakka Orku),  Högna Lisberg og Boga gítarhetju.  Clichaze hélt nokkra frábæra hljómleika á Íslandi 2002.  Pétur Pólson endurtók leikinn hérlendis í fyrra. 

  Ég nota tækifærið og minni á hljómleika færeysku djasshljómsveitarinnar Yggdrasil í Norræna húsinu í Reykjavík á laugardaginn.  Þar spilar Mikael Blak á bassa.  Eivör var söngkona Yggdrasil um tveggja ára skeið í upphafi síðasta áratugar.  Meira um það á morgun.  Og einnig um hljómleika Eivarar í Langholtskirkju á sunnudaginn.  Færeyska bylgjan,  Fairwaves,  sem skall af fullum þunga á Íslandsstrendur 2002 gengur ennþá á með háöldum.

20: Dead By April (sænsk) – Incomparable