Grallaragangur á Fésbók

  Í gær barst mér njósn af furðulegri síðu á Fésbók.  Síðan ber yfirskriftina  "Nei,  nú hringi ég í Jens".  Í  "haus"  hennar er ljósmynd af mér.  Sú sama og hér á þessari bloggsíðu.  Í skilaboðakerfi síðunnar fylgir myndin jafnframt skilaboðum frá þeim sem halda um stjórnvöl síðunnar:  http://www.facebook.com/#!/pages/Nei-nu-hringi-eg-i-Jens/287639844796?ref=nf .

  Síðan er mér algjörlega óviðkomandi.  Engu síður hef ég gaman af.  Ekki síst vegna þess að nokkrum klukkutímum eftir stofnun síðunnar voru skráðir aðdáendur hennar orðnir yfir 2300.  Sjálfur er ég ekki með nema rúmlega 1300 skráða Fésbókarvini sem hafa safnast á meira en hálfu ári.  Þannig að þetta er allt hið undarlegasta dæmi.

  Kann einhver hér á það hvernig hægt er að finna út hver stofnar svona síðu?

 

Athugasemdir

[Þórarinn Baldursson, 16.3.2010 kl. 12:22]

Þetta er ljóta bullið! það hlítur að vera hægt að komast að þessum spaugara í gegnum ip töluna

[Fóstbróðir (IP-tala skráð) 16.3.2010 kl. 15:15]

Þarna er verið að vísa í Fóstbræðraatriði og mynd af þér hefur væntanlega komið upp þegar "Jens" var google-að í leit að mynd sem að passaði.

[Ómar Ingi, 16.3.2010 kl. 18:23]

Getur kvartað til Fébook admin og sagt söguna þína ætti að vera lokuð stuttu eftir

[Hannes, 16.3.2010 kl. 18:52]

Hahaha þetta er meiri þvælan. Spurning hvort að þú þurfir ekki inn á Klepp Jens ásamt honum Ómari.

[Facebookari (IP-tala skráð) 16.3.2010 kl. 23:01]

vill koma því hér framm jens, að þú ert goðsögn. engin ástæða til að láta loka þessu, þetta er bara snilldin ein:)

[Jens Guð, 16.3.2010 kl. 23:11]

  Þórarinn,  hvernig finn ég IP-tölu viðkomandi?

[Jens Guð, 16.3.2010 kl. 23:13]

  Fóstbróðir,  það er rétt hjá þér.  Þetta er sígildur frasi úr Fóstbræðra-skets.  Í mínum kunningjahópi hefur margur maðurinn tileinkað sér þennan frasa. 

[Jens Guð, 16.3.2010 kl. 23:15]

  Ómar Ingi,  þetta böggar mig ekki á neinn hátt.  Þvert á móti hef ég gaman að þessu.  Mig langar ekkert til að láta loka síðunni.  Hinsvegar varð ég mjög hissa þegar ég frétti af þessu.  Þótti þetta skrýtið.  En þetta er bara skemmtilegt.   

[Jens Guð, 16.3.2010 kl. 23:16]

  Ómar Ingi,  hvað varð um færsluna þar sem þú spáðir um úrslit í Óskarnum?

[Jens Guð, 16.3.2010 kl. 23:17]

  Hannes,  ég á erindi á Klepp alveg burt séð frá þessu tilfelli.

[Jens Guð, 16.3.2010 kl. 23:22]

  Facebookari,  ég hef enga ástæðu til að láta loka þessari síðu.  Alls ekki.  Ég er eiginlega að verða montinn vegna þessarar síðu.  Rétt áðan voru yfir 2300 skráðir aðdáendur síðunnar.  Þetta er nú meira sprellið.  Aftur á móti langar mig virkilega til að vita hvaða grínari stendur fyrir sprellinu. 

[Hannes, 16.3.2010 kl. 23:23]

Jens taktu Ómar með þér ef þú verður lokaður þar inni.

[Jens Guð, 17.3.2010 kl. 00:41]

  Hannes,  ég tek með mér inn á Klepp alla sem ég þekki.