Gríðarmikill áhugi á landsþingi

  Landsþing Frjálslynda flokksins verður haldið um helgina á Hótel Cabin í Reykjavík.  Það er spenna í loftinu.  Formaður síðustu 7 ára og þingmaður síðan 1999,  Guðjón Arnar Kristjánsson,  gefur ekki kost á til áframhaldandi formennsku en sækist eftir áframhaldandi setu í miðstjórn.  Sigurjón Þórðarson,  fyrrverandi alþingismaður.  hefur látið undan gífurlegum þrýstingi um að gefa kost á sér til formanns.  Svo virðist sem einhugur ríki um framboð Sigurjóns.

  Ásta Hafberg gefur kost á sér til varaformanns.  Grétar Mar,  fyrrverandi alþingismaður,  gefur einnig kost á sér til varaformanns.  Það er spurning hvað sitjandi varaformaður,  Kolbrún Stefánsdóttir,  gerir.

  Formaður fjármálaráðs,  Helgi Helgason,  gefur ekki kost á sér til endurkjörs. 

  Það er mikil stemmning fyrir landsþinginu.  Samkvæmt skoðanakönnun á www.visir.is telja um 30% Frjálslynda flokkinn eiga brýnt erindi í íslenskri pólitík í dag.  Helstu stefnumál flokksins njóta stuðnings meirihluta landsmanna.  Sjá: www.xf.is.   

  Á annað hundrað manns (101) sóttu landsþing Frjálslynda flokksins á Stykkishólmi fyrir ári.  Mér segir svo hugur að ennþá fleiri sæki landsþingið á Hótel Cabin.

Athugasemdir

[Hannes, 18.3.2010 kl. 23:53]

Það er aldrei að vita nema að afturgangan lifni aftur við.

[Hamarinn, 19.3.2010 kl. 00:03]

Áríðandi að leiðrétta!!!!!!!

Þú sem flokksbundinn (er það ekki) í frjálslynda flokknum ættir að vita betur.

Guðjón Arnar var kosinn formaður 2003, og hefur þar af leiðandi verið formaður í 7 ár ekki 11.

Bara varð!

[Jens Guð, 19.3.2010 kl. 00:18]

  Hannes,  flokkurinn hefur alla burði til að koma sterkur til leiks.  Stefnumál hans njóta stuðnings meirihluta landsmanna.

[Jens Guð, 19.3.2010 kl. 00:19]

  Hamarinn,  bestu þakkir fyrir að leiðrétta mig.  Ég hef ruglað saman að GAK settist á þing 1999.  É#g ætla að laga þetta í færslunni.

[Steingrímur Helgason, 19.3.2010 kl. 00:29]

Ég næ öngvum fiðríngi í mínar tær til að mæta & danza með ...

[Grefillinn Sjálfur - Koma svo! (IP-tala skráð) 19.3.2010 kl. 00:36]

Verða einhver skemmtiatriði?

[Dexter Morgan, 19.3.2010 kl. 02:49]

Ætlið þið "báðir" að mæta. Get ekki ímyndað mér neitt gaman eða gagnlegt sem kemur út úr fundi hjá stjórnmálasamtökum sem kjósendur "ráku" fyrir u.þ.b. ári síðan. Þessi flokkur á sér ekki von, hvorki í sveitastjórnarkosningum, hvað þá kosningum til alþyngis í framtíðinni. Alveg sama hverjir vera "dankaðir" upp í að að vera þar í forsvari. Lít á þetta sem tímasóun og illa farið með fé.

[Gjagg (IP-tala skráð) 19.3.2010 kl. 09:09]

Já...thad má nú segja.  Allar staerstu erlendu fréttathjónustur leggja svo mikla áherslu á fréttaflutning af thessum stórvidburdi ad meirihluti starfsmanna theirra sinnir verkefnum lútandi ad honum.

[Árni Gunnarsson, 19.3.2010 kl. 10:05]

Dexter Morgan veit sem er að það er á brattann að sækja. Ríkisstjórnin er óhemju vinsæl og hefur unnið mörg kraftaverk á skömmum tíma.

Síðan er stjórnarandstaðan og þar sýnist mér að þjóðin hafi fest trú á Sjálfstæðisflokkinn. Engum ætti að koma það á óvart. Flokkurinn hefur af óvenju mörgum pólitískum afrekum að státa.

Meðal annars er hann talinn eiga stóran þátt í hruninu mikla sem reið yfir heiminn haustið 2008 og sér ekki fyrir endann á.

Fáir treysta sér til að neita því að pólitísk stefna flokksins hafi sett Ísland í verstu fjármálastöðu vestrænna þjóða og tala margir um þjóðargjaldþrot.

Þar að auki eru fjöldamrgir? fulltrúar flokksins inni á Alþingi núna sem tiltölulega lítið eða jafnvel ekkert hafa verið bendlaðir við vafasöm viðskipti.

Já, það er sko á brattann að sækja.

[Hermann (IP-tala skráð) 19.3.2010 kl. 10:34]

Gríðarlegur áhugi? Flokkurinn mælist ekki einu sinni í könnunum !

[Yngvi Högnason, 19.3.2010 kl. 11:07]

Takk fyrir að láta mig hvar þetta er haldið, ég vissi að þetta átti að vera á veitingastað og ætlaði niður á Prik. Við Rannveig höfum gríðarlegan áhuga. Hún á þessu og ég á einhverju öðru.

[Jens Guð, 19.3.2010 kl. 11:26]

  Steingrímur,  fiðringurinn blossar upp hjá þér þegar nær dregur.  Sannaðu til.

[Jens Guð, 20.3.2010 kl. 12:01]

  Grefill,  dagskráin samanstendur af skemmtiatriðum og engu öðru.  Fjölbreyttum og góðum.

[Jens Guð, 20.3.2010 kl. 12:06]

  Dexter,  það vantaði aðeins hársbreidd upp á að Frjálslyndi flokkurinn héldi kjörfylgi (4 þingmönnum) í fyrra.  Aðstæður voru hinsvegar sérstæðar.  Búsáhaldabyltingin og stemmningin var þannig atkvæði  untan fjórflokksins dreifðust einnig yfir á Borgarahreyfinguna og Lýðræðishreyfinguna.  Því fór sem fór.

  Nú segja 30% í skoðanakönnun á visir.is að Frjálslyndi flokkurinn eigi bráðnauðsynlegt erindi í íslensk stjórnmál.  

[Jens Guð, 20.3.2010 kl. 12:07]

  Gjagg, helstu fréttamiðlar landsins fylgjast spenntir með.  Ég veit ekki með þá útlensku.  Ég mun að minnsta kosti halda þeim færeysku upplýstum.

[Jens Guð, 20.3.2010 kl. 12:12]

  Árni,  þetta er góð greining hjá þér að vanda.

[Jens Guð, 20.3.2010 kl. 12:14]

  Hermann,  jú,  á visir.is var spurt hvort Frjálslyndi flokkurinn eigi erindi í íslenskri pólitík.  30% sögðu svo vera.  Í öðrum tilfellum væri talað um að 30% sýndu mælingu.  Og það glæsilega.

[Jens Guð, 20.3.2010 kl. 12:15]

  Yngvi,  það var aldeilis heppilegt að ég náði að leiðrétta þig með fundarstaðinn.  Annars sætir þú á Priki núna.

[Hamarinn, 20.3.2010 kl. 12:26]

Mættuð þið allir tveir, eða báðir þrír á þingið?

[Jens Guð, 20.3.2010 kl. 19:41]

  Hamarinn,  þetta var um hundrað manna hópur.  Góður hópur.  Það skiptir mestu máli.