Maður giftist hænu

 

  Í nóvember giftist Japani nokkur við hátíðlega athöfn internetkonu úr Nintendo tölvuleiknum "Ást Plús".  Á dögunum giftist maður í Kóreu sæng með mynd af konu.  Mig minnir að Indverji hafi um svipað leyti einnig gifst kodda með mynd af konu.  Rétt í þessu var tæplega þrítugur kóreanskur maður að giftast hænu.  Við athöfnina var hænan klædd brúðarslöri.  Maðurinn tekur hænuna með sér hvert sem hann fer:  Á veitingahús,  í kvikmyndahús,  í tívolí og og svo framvegis.  Hænan situr í eigin sæti og á matsölustöðum fær hún að snæða af sínum diski og drekka úr sínu vatnsglasi. 

  Maðurinn heldur því fram að hænan sé jafn ástfangin af honum og hann af henni.   Hænan hefur ekki þrætt fyrir það.

  Hænurnar á ljósmyndinni hér fyrir ofan eru ógiftar.

Athugasemdir

[Jón Steinar Ragnarsson, 19.3.2010 kl. 11:53]

Þetta á náttúrlega að vera frjálst ef fólk er virkilega ástfangið nema náttúrlega þegar um samkynhneigða er að ræða. Það er algerlega óboðlegt. Spurðu bara Jón Val og þá kristlinga, sem geta ekki haft nasaborurnar af bremsufarinu í brókum samkynhneigðara, já raunar fólks yfirleitt. 

[Ómar Ingi, 19.3.2010 kl. 12:25]

Menn giftast oft hænum , hvað er þetta

[Helga Kristjánsdóttir, 19.3.2010 kl. 14:11]

 Íslenskt dægurlag byrjar svona:"Ég vildi ég væri hænu hana grey".Textahöfundi kanski eins innanbrjósts. Gott að sjá hamingjuna,jafnvel þó spaugileg sé,svona rétt á meðan hún er skrítin.

[Grefillinn Sjálfur - Koma svo! (IP-tala skráð) 19.3.2010 kl. 15:09]

Fylgdi það fréttinni hvort þau hyggðust fjölga sér?

[Siggi Lee Lewis, 20.3.2010 kl. 02:35]

Hænan er nú betri en mörg kvensan! Nei ég segi svona

[Jón Steinar Ragnarsson, 20.3.2010 kl. 04:39]

Afkvæmið hlýtur að verða skýrt Eggert.

[Jón Logi (IP-tala skráð) 20.3.2010 kl. 08:11]

Hæna nokkur var lukkudýr hjá breskri fallhlífarhersveit í seinna stríði. Hún fékk að fara með í æfingarstökk einum sex sinnum, og var þá sleppt nokkru áður en fallhlífarhermaðurinn lenti á jörðinni. Fékk hún þar smávægilega flugstund án þess þó að skaða sig í lendingu.

Síðasta stökk hennar var haustið 1944 yfir Hollandi. Hún lifði af lendinguna, en fórst skömmu síðar. Enda voru hörð átök...í Arnhem.

Sönn saga.

[Sigurbjörg Sigurðardóttir, 20.3.2010 kl. 13:18]

jahjérna.

[sæunn (IP-tala skráð) 21.3.2010 kl. 01:19]

æti verið leiðinlegt að djamma með þeim "óttarlegir hænuhausar"með áfengi