Hverjir selja iðnaðarsvið?

  Melabúðin á Hagamel auglýsir grimmt að þar séu seld ekta svið.  Á þann hátt - og reyndar fleiri máta - sker Melabúðin sig frá ýmsum öðrum matvöruverslunum.  Matvörubúðir sem reknar eru af óprúttnum náungum selja gervisviðakjamma,  svokölluð iðnaðarsvið.  Ég veit ekki í hverju munurinn liggur.  Kannski í aðferðinni við að svíða hausana.  Varla koma þarna við sögu Egils salt og appelsín.

  Salt jarðar kallar Keith Richards verkafólk,  eins og föður sinn sem var verkalýðsforingi.  Þetta lag samdi hann til heiðurs föður sinum og verkafólki.  Iðnaðarmenn eru iðnaðarsalt jarðar.  

  

„Áttum að krefjast vottorða“

Athugasemdir

[Elías (IP-tala skráð) 17.1.2012 kl. 03:05]

Takk fyrir.

[Sólrún (IP-tala skráð) 17.1.2012 kl. 03:18]

Eg man aðeins eftir þegar afi var að svíða hausa yfir

kolaeldi á smiðjunni.

Það eru alvöru svið.

Síðan komu til sögunnar kosan gastækin

sem svíða mun hraðar.

Hin rómuðu Vopnafjarðar svið eru verkuð þannig.

Þau eru víst fljót að seljast upp.

Ekki ótrúlegt að þau séu í Melabúðinni

Iðnaðar sviðum er rumpað af í einum grænum með logsuðutækjum.

Og það þykir víst ekki mikið í þau varið.

[Kári Hafsteinn Sveinbjörnsson, 17.1.2012 kl. 08:18]

Það skrítnasta við sviðin sem fást í dag er hvað kjammarnir hafa minnkað. Maður varð vel saddur af kjammanum hér á árum áður en nú þarf maður helst tvo .

Hef verið hugsa hvort það sé eins með kindahausana að þeir þurfi að passa í einhverjar maskínur og tól, eins og kjúklingarnir og því sé búið að staðla eitthvert smælki.

[Þórður (IP-tala skráð) 17.1.2012 kl. 08:19]

Á Vopnafirði eru þau líka þvegin upp úr vatni á meðan "Iðnaðarsviðin" fara á færibandi í gegnum klórblöndu.

[Jens Guð, 17.1.2012 kl. 13:40]

  Elías,  takk fyrir innlitið.

[Jens Guð, 17.1.2012 kl. 13:40]

  Sólrún,  takk fyrir upplýsingarnar.

[Jens Guð, 17.1.2012 kl. 13:41]

  Kári,  þetta er dularfullt.  Kannski skreppa þeir saman við að vera gasaðir.

[Jens Guð, 17.1.2012 kl. 13:42]

  Þórður,  takk fyrir þennan fróðleiksmola.

[DoctorE (IP-tala skráð) 17.1.2012 kl. 21:24]

Kjammarnir eru ekkert minni í dag, það eruð þið sem eruð feitari og gráðugri :)

[Jens Guð (IP-tala skráð) 17.1.2012 kl. 22:10]

  DoctorE,  þetta er eflaust rétt hjá þér.  Líka er sennilegt að minningar frá barnæsku um stóra sviðakjamma spili inn í.

[Jens Guð, 17.1.2012 kl. 22:11]

  DoctorE,  þetta er eflaust rétt hjá þér.  Líka er sennilegt að minningar frá barnæsku um stóra sviðakjamma spili inn í.