Megrunarvatn

  Eitthvað það hollasta sem við getum gert fyrir heilsuna er að byrja daginn á því að drekka 640 ml af vatni.  Það er ótrúlega erfitt.  Samt er enginn vandi að drekka þetta magn af bjór.  Það virkar ekki eins vel á fastandi maga.  Er samt skemmtilegra.  Næst er að fá sér máltíð eftir þrjú korter og drekka ekkert vatn í næstu tvo klukkutíma þar á eftir.  Það er ekkert erfitt.  

  Vatn er ekki sama og vatn.  Íslenskt kranavatn er eitt það besta í heimi.  Þeir sem hafa ekki sama aðgang að góðu vatni og við Íslendingar spyrja sig:  Hvaða vatn er best að drekka?  Svarið er:  Dietvatn.  Vatn sem inniheldur ekki kolvetni, hitaeiningar eða annað varasamt.  Nú fer diet vatn eins og stormsveipur um vatnsmarkaðinn.

 

  Dietvatn er byltingarkennd lausn á heilsuvandamálum heimsins.  

  Markaðssetning á vatni sem megrunarvatni er snilld. Hún virkar rosalega vel.  Diet er málið.  

  Þessu skylt er markaðssetning á hinni ýmsu matvöru fyrir grænmetisætur.   Matvöru sem inniheldur ekkert hráefni úr dýraríkinu.  Þar ber hæst gervisvínakjöt með kjúklingabragði:  

 

 

 

 

 

 

 

 

 

 

 

 

 

  Því næst er það grænmetiskjúklingur.  

 

Athugasemdir

[E (IP-tala skráð) 30.7.2014 kl. 04:55]

Það étur hver upp eftir öðrum lygina um gæði íslenska kranavatnsins. Sá hinn sami hefur aldrei séð tengivinnu í veitulagnaskurðum á Íslandi, þar sem menn standa upp í klof í samblandi af neysluvatni og innihaldi skolpræsa og súpan látin renna óhindruð inn í lagnirnar. Enda kvarta t.d. læknar á Landsspítala yfir því að neysluvatn sé orðið svo mengað, að það sé ekki óhætt að drekka það án þess að sjóða það fyrst. Þetta er á Landsspítalanum, takið eftir! Nú, það er hægt að fá neysluvatn í flöskum á Íslandi, en það er skattlagt eins og brennivín, meira að segja lagður á það sykurskattur, þótt í því sé ekki arða af þeim óþverra. Þessi snilld var tekin upp að frumkvæði Ögmundar Jónassonar á sínum tíma. Ég er að nota þar sem ég bý geislað, hlandvolgt yfirborðsvatn sem neysluvatn. Varla að maður þori að þvo sér upp úr því. Af hverju haldið þið að Legionellan eigi lögheimili í Vatnsveitu Reykjavíkur?

[Kristinn J (IP-tala skráð) 30.7.2014 kl. 13:11]

"Íslenskt kranavatn er eitt það besta í heimi." Þvílíkt bull Jens Gud

Jens Gud: Þú meinar íslenskt MENGUNARVATN , eða er það ekki ? (Sem vatnsvirki veit ég sitthvað um íslenska vatnið) Skora á þig að lesa þig um "gæði" íslenska vatnsins og kynna þér staðreyndir. Líka yfirborðsvatnið..............

[Sigurður I B Guðmundsson, 30.7.2014 kl. 18:31]

Ætli ég haldi mig þá bara ekki við bjórinn!!

[Jens Guð, 30.7.2014 kl. 21:28]

E, þú ert að miða við höfuðborgarsvæðið. Ég er fæddur og uppalinn í útjaðri Hóla í Hjaltadal. Þar er vatnið svo gott að enginn óáfengur drykkur kemst með tærnar þar sem það hefur hælana.

Þannig er vatnið víðast utan höfuðborgarsvæðisins. Ég ferðast töluvert um landið og smakka vatnið á hverjum stað. Reyndar er vatnið á Grænlandi og í Færeyjum betra en það íslenska. Munar samt ekki miklu.

Í Reykjavík og erlendis held ég mig við átappaða Icelandic Glacial vatnið frá Þorlákshöfn. Það er gott vatn.

[Jens Guð, 30.7.2014 kl. 21:35]

Kristinn J, ég veit ekki hvar upplýsingar er að finna um íslenska kranavatnið. Hitt veit ég að nýverið (fyrir 15 - 20 árum) las ég niðurstöður úr samanburðarrannsókn á kranavatni í hinum ýmsu löndum. Allt var mælt og vegið (hlutfall steinefna, mýkt vatnsins o.s.frv.) eftir kúnstarinnar reglum.

Niðurstaðan var sú að finnska kranavatnið fékk hæstu einkunn. Íslenska vatnið var í 12. sæti. Það heitir að vera eitt besta kranavatn í heimi.

[Jens Guð, 30.7.2014 kl. 21:36]

Sigurður I.B., ég styð þig í því.