Falsanir Sleep Shepherd

 Það eru ekki aðeins uppbelgdir og hrokafullir íslenskir embættismenn sem níðast á Færeyingum þessa dagana. Bandarísku hryðjuverkasamtökin Sleep Shepherd fara einnig mikinn.  Forsprakki SS,  Paul Watson,  er töluvert yfirlýsingaglaðari og kjaftforari en aðrir SS-liðar.  SS hafa staðið vakt í Færeyjum í allt sumar án tíðinda. Í gær klúðraðist vaktin vegna þess að SS-liðar sváfu á meðan hvalur var veiddur fyrir framan trýnið á hrjótandi hópnum. Í dag kom upp smá órói þegar hvalur var veiddur.  Það gekk samt allt ljúft fyrir sig. SS-liðar voru handjárnaðir og fjarlægðir snöfurlega.

  Forsprakki SS,  Paul Watson,  heldur því fram að fullyrðingar Færeyinga um að veiðar á marsvínum (grind) sé sjálfsbjargarviðleitni en ekki í ábataskyni standist ekki skoðun.   Máli sínu til stuðnings birtir hann ljósmyndir úr kjötborði færeyskrar matvöruverslunar.  Þar sést glöggt að til sölu er hvalkjöt merkt hvalbiff.  Það sem Paul og félagar fatta ekki er að hvalbiff er norkst heiti á hvalkjöti.  Þetta er norskt hvalkjöt.  Ekki færeyskt.  

 

norskt hvalbuff

norskt hvalbuff A


« Síðasta færsla | Næsta færsla »

Athugasemdir

1 identicon

Meira að segja frá Lófóten. En sjálfsagt þekkja ekki þessir SS-liðar þann stað.

Haukur Már Haraldsson (IP-tala skráð) 31.8.2014 kl. 12:55

2 Smámynd: Axel Jóhann Hallgrímsson

SS hefur aldrei látið sannleikann eða staðreyndir flækjast fyrir sér og spila á fáfræði fólks. Reyndar eru þeir ekki einir um það.

Axel Jóhann Hallgrímsson, 31.8.2014 kl. 13:15

3 Smámynd: Jens Guð

Haukur Már, áreiðanlega vita SS-liðar ekki einu sinni að Noregur sé til.

Jens Guð, 2.9.2014 kl. 21:53

4 Smámynd: Jens Guð

Axel Jóhann, vel mælt!

Jens Guð, 2.9.2014 kl. 21:54

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband