Nýtt framboð og kosningasvindl

  Gríðarmikill áhugi er fyrir því á meðal stuðningsmanna Sigmundar Davíðs Gunnlaugssonar að hann stofni nýjan Framsóknarflokk.  Bjóði fram í komandi alþingiskosningum og snúi þannig aftur sem sigurvegari.  Hann hefur aldrei kynnst því að vera "lúser".  Alltaf verið sigurvegari.  Þangað til á flokksþingi Framsóknarflokksins um helgina.  Niðurstaðan var svo óvænt, ný og brött að hann kunni ekki að höndla niðurlæginguna: Að vera "lúser".  Hann klappaði ekki fyrir sigurvegaranum.  Þess í stað tók hann á sprett út af flokksþinginu og hljóp í felur.  Fór í fýlu.

  Illar tungur herma að hann skorti kjark til að bjóða fram undir nafni nýs flokks.  Hann velji alltaf öruggu leiðina:  Að þiggja 1. sæti Framsóknarflokksins í NA-kjördæmi og kyngi niðurlægingunni á flokksþinginu.

  Sveinn Hjörtur Guðfinnsson forseti Framsóknarfélags Reykjavíkur og fleiri játa að svindlað hafi veri gróflega í formannskjörinu.  Samt dugði það ekki til.  Sigmundur Davíð tapaði.  Vigdís Hauksdóttir sakar Litlu gulu hænuna um að hafa skreytt sig með stolnum fjöðrum.  Tími til kominn að flett sé ofan af illfyglinu.

  Nýtt framboð Sigmundar Davíðs og stuðningsmanna hans er spennandi hugmynd.  Það er þörf á Nýja Framsóknarflokknum.  Eða eitthvað svoleiðis.        


mbl.is „Þekkjum ekki taparann Sigmund Davíð“
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Eyjólfur Jónsson

Þetta kallast víst Rússnesk kosning ef ég man rétt og ef hún er komin hingað til að vera er það samasem að Bananalíðveldis flokkur hafi verið kosinn!

Eyjólfur Jónsson, 4.10.2016 kl. 00:02

2 Smámynd: Wilhelm Emilsson

Eins og skáldið sagði:

 


Að sigra heiminn er eins og að spila á spil
með spekingslegum svip og taka í nefið.

 


(Og allt með glöðu geði
er gjarna sett að veði.)

 


Og þótt þú tapir, það gerir ekkert til,
því það er nefnilega vitlaust gefið.

Wilhelm Emilsson, 4.10.2016 kl. 07:56

3 Smámynd: Jens Guð

Eyjólfur,  hann fékk rússneska kosningu í leiðtogasæti á eyðibýli í NV-kjördææmi.  

Jens Guð, 4.10.2016 kl. 16:25

4 Smámynd: Jens Guð

Wilhelm,  Steinn Steinarr hitti naglann á höfuðið.  

Jens Guð, 4.10.2016 kl. 16:25

5 Smámynd: Jens Guð

Í #3 "kommenti" ðátti að standa NA-kjördæmi.

Jens Guð, 4.10.2016 kl. 16:32

6 identicon

Takk fyrir góðan pistil.

thin (IP-tala skráð) 4.10.2016 kl. 18:28

7 Smámynd: Sigurður I B Guðmundsson

Ætli Haukur Ingibertsson hafi talið atkvæðin!!! 

Sigurður I B Guðmundsson, 4.10.2016 kl. 19:19

8 Smámynd: Jens Guð

Sigurður I B,  það hlýtur að vera.  Hann er sá eini í hópnum sem kann það.  

Jens Guð, 5.10.2016 kl. 04:29

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.