Þannig sleppur þú við sumarpláguna

frjókorn

 

 

 

 

 

 

 

 

  Eins skemmtilegt og sumarið getur verið þá fylgja því einnig ókostir.  Ekki margir.  Aðeins örfáir.  Sá versti er frjókornaofnæmi.  Verra er að þeim fjölgar stöðugt sem þjást af þessu ofnæmi - eins og flestum öðrum ofnæmum.  Margir vita ekki af þessu.  Þeir skilgreina einkennin sem flensu.  Tala um bölvaða sumarflensuna.  Sífellda nefrennslið, rauð augu,  særindi í hálsi, hnerri...

  Góðu fréttirnar eru þær að auðveldlega má verjast frjókornunum.  Meðal annars þannig:

- Forðist garðslátt og heyvinnu.

- Halda sig sem mest innandyra.

- Loka öllum gluggum rækilega.

- Ekki þerra þvott utandyra. 

- Fjarlægja öll gólfteppi úr húsinu.

- Losa sig við alla loðfeldi.

- Skúra öll gólf daglega.

- Ryksuga sófasett og önnur húsgögn sem mögulega geta hýst frjókorn.

- Vera með sólgleraugu.  Einkum þar sem hætta er á sólarljósi.

- Fara í sturtu eða bað fyrir háttinn.  Mikilvægt að þvo hár og skegg rækilega.

- Skola nasir og augu með léttsöltuðu vatni.

- Vera með súrefnisgrímu utandyra.

súrefni


« Síðasta færsla | Næsta færsla »

Athugasemdir

1 identicon

Svona ofnæmisviðbrögð brjótast fram hjá mér þegar ég sé og heyri þingmenn Framsóknarflokksins tjá sig á skjánum og mér þykir bara vænt um frjókorn miðað við þau ósköp.

Stefán (IP-tala skráð) 27.5.2017 kl. 18:46

2 Smámynd: Jens Guð

Skiljanlega!

Jens Guð, 31.5.2017 kl. 03:11

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.