Nýtt og stórfenglegt þjóðhátíðarlag

  Ólafur F. Magnússon,  læknir og fyrrverandi borgarstjóri Reykjavíkur,  hefur sent frá sér nýtt lag og myndband.  Það heitir Bláhvíti fáninn.  Sannkallað og stórglæsilegt þjóðhátíðarlag,  samið til heiðurs Einari Ben. og Hvítbláanum.  Ljóðið er fallegt og tígulegt.  

  Vilhjálmur Guðjónsson hefur útsett lagið í þróttmikla hátíðarútgáfu.  Elmar Gilbersson syngir af myndugleika.  Allt eins og best verður á kosið.  Fullkomið þjóðhátíðarlag.  Það mun um alla framtíð hljóma í útvarpsstöðvum, sjónvarpi og á netsíðum á 17. júní,  1. des. og oftar.  

  Ólafur var í skemmtilegu og fróðlegu viðtali hjá Arnþrúði Karlsdóttur á Útvarpi Sögu í gær.  Ástæða er til að hlusta á það með því að smella HÉR

  Í fyrra sendi Ólafur frá sér plötuna Ég elska lífið.  Umsögn um hana má lesa með því að smella HÉR  

   

Athugasemdir

[Númi (IP-tala skráð) 15.6.2017 kl. 21:21]

Bara stórfínt.punktur.Takk Ólafur.

[Jens Guð, 16.6.2017 kl. 03:17]

Númi, ég tek undir þín orð. 

[Sigurður Bjarklind (IP-tala skráð) 16.6.2017 kl. 07:37]

Þetta lag snertir hörpu mína.

Skarfurinn.

[Jens Guð, 16.6.2017 kl. 10:03]

Sigurður,  það sama segi ég.

[Stefán (IP-tala skráð) 16.6.2017 kl. 15:09]

Ólafur F Magnússon sendi frá sér gaisladisk á síðasta ári. Ég hef ekki enn séð eintak af honum í Góða Hirðinum, sem segir mér að fólki líki að hlusta á hann. Í Góða Hirðinum má hinsvegar gjarna sjá geisladiska með Sálinni hans Jóns míns og Gunnari Waage, sem fólk fær greinilega leið á og hendir í gáma eða ruslafötur.

[Stefán (IP-tala skráð) 16.6.2017 kl. 15:12]

Ólafur F Magnússon sendi frá sér geisladisk á síðasta ári. Ég hef ekki enn séð eintak af honum í Góða Hirðinum, sem segir mér að fólki finnist gaman að hlusta á hann. Í Góða Hirðinum má hinsvegar gjarnan finna diska með Sálinni hans Jóns míns og Gunnari Waage, sem fólk fær greinilega leið á og hemdir í gáma.

[Jens Guð, 16.6.2017 kl. 15:35]

Stefán,  tónlist Ólafs F.  Magnússonar er vel tekið;  disknum jafnt sem myndböndum.  Gott og göfugt hjarta hefur verið spilað næstum 8 þúsund sinnum á youtube.  Ferðabæn nálgast hálft fimmta þúsund. Ekki láta þá sökkva um tvö þúsund.  Splunkunúja lagið, sem pistillinn segir frá, hefur verið spilað 632 sinnum á tveimur dögum!  Þess verður ekki langt að bíða að það fljúgi yfir 1000 spilana múrinn.