Úps! Bíræfinn þjófnaður!

 

 

 

 

 

 

 

 

 

 

 

 

 

 

 

 

 

 

  Vörumerki (lógó) þarf að vera einfalt.  Afar einfalt.  Því einfaldara þeim mun betra.  Vegna þess að merkið er tákn.  Myndskreyting er annað.  Þessu tvennu rugla margir saman.  Þumalputtareglan er sú að hver sem er geti teiknað merkið án fyrirhafnar og þjálfunar.  

  Best þekktu vörumerki heims hafa þennan eiginleika.  Það er ekki tilviljun.  Aðrir eiginleikar hjálpa.  Svo sem að merkið sé fallegt og táknrænt.  Haldi fullri reisn í svart-hvítu.  Afskræmist ekki í vondri prentun og lélegri upplausn.  Hér fyrir ofan eru dæmi um góð merki.  

  Merki stjórnmálaflokka eru eðlilega misgóð.  Sum eru rissuð upp af leikmanni.  Þau bera það með sér.  Eru ljót og klaufalega hönnuð.  Önnur hafa upphaflega verið rissuð upp af leikmanni en verið útfærð til betri vegar af grafískum hönnuði.  Útkoman fer eftir því hvað leikmaðurinn leyfir þeim síðarnefnda að leika lausum hala.  Að öllu jöfnu eru bestu merki hönnuð frá grunni af fagfólki.

  Merki Miðflokksins er ætlað að segja mikla sögu.  Það hefur lítið sem ekkert vægi fyrir gæði merkis að útskýra þurfi í löngu og flóknu máli fyrir áhorfandann hvað merkið tákni.  Ef hann sér það ekki sjálfur án hjálpar þá geigar merkið sem tákn.  Engu að síður getur merkið verið brúklegt án þess.

  Merki Miðflokksins lítur ágætlega út.  Það er reisn yfir prjónandi hesti.  Merkið er ágætt sem myndskreyting.  En of flókið sem lógó.  Að auki er það stolið.  Þetta er merki Porsche.  Ekki aðeins er hugmyndin stolin.  Merkið er einfaldlega "copy/paste".   

 

   

Athugasemdir

[Gunnar Th. Gunnarsson, 5.10.2017 kl. 09:09]

Merkið er greinilega ekki copy/paste en allt of líkt Porsche merkinu.

[Stefán (IP-tala skráð) 5.10.2017 kl. 09:24]

Ég held að heiðarleiki verði nú hvort sem er seint eða aldrei aðalsmerki Miðflokksins.

[Gunnar (IP-tala skráð) 5.10.2017 kl. 10:03]

Strákar, þetta er reyndar merki Ferrari.  

[Sigurður I B Guðmundsson, 5.10.2017 kl. 10:19]

Þetta merki er "merki-legt"!!!!

[Bjarni Gunnlaugur (IP-tala skráð) 5.10.2017 kl. 11:59]

Spurning hvort þetta lógó væri ekki betra? (þræl stolið af neti)

[Vagn (IP-tala skráð) 5.10.2017 kl. 12:54]

Sigmundur sagði mér að merkið væri ekki stolið og ætti ekkert skylt með merki Ferrari. Þetta væri ekki einu sinni hestur heldur illa teiknuð geit með illa teiknuðum hring í kring. Hann sagði alla vera á móti sér og þetta væri bara enn ein árás óvildarmanna sem stöðugt gera að honum atlögur. Hann sagðist einnig vera að athuga með málsókn gegn fjölmiðlum og Ferrari. Því hann segir allar ásakanir tilhæfulausar og heiðarleika sinn rómaðan vítt um veröld alla þó ekki sé hann eins laginn við skreytingar og Bjarni B.

[Stefán (IP-tala skráð) 5.10.2017 kl. 13:33]

Góður Vagn !  Mér skilst að þessi flokkur ætli ekki bara að naga Framsóknarflokkin að innan, heldur líka herja á fylgi Sjálfstæðisflokksins, sem formaðurinn ku eiga eitthvað sökótt við.

[Bjarni Bjarnason (IP-tala skráð) 5.10.2017 kl. 15:23]

Þú varst annars ekki búinn að segja okkur þetta eða hvað hr. Guð Færeyjafróði að flokkur með þessu nafni sé í Færeyjum?

https://www.facebook.com/midflokkurin/

[Jens Guð, 5.10.2017 kl. 16:33]

Gunnar Th., ég kannaði málið.  Hesturinn er upphaflega gamalt skjaldarmerki Stuttgart.  Í áratuganna rás hefur hann verið kóperaður ótal oft og prentaður á pappír, tau, járn, gúmmístimpla o.s.frv.  Ég vann til fjölda ára á auglýsingazstofu.  Stöðugt var verið að kópera merki og fikta örlítið í þeim eftir því hvar átti að nota þau.  Þannig er það með hestinn.  Á meðfylgjandi sýnishorni er bringa og andlit hans eins og á merki Miðflokksins (á myndinni í færslunni eru bringa og andlit örlítið teiknaðra).    

    

[Jens Guð, 5.10.2017 kl. 16:39]

Stefán,  enda ætlast enginn til slíks af SDG.  

[Jens Guð, 5.10.2017 kl. 16:49]

Gunnar (#3),  vissulega er Ferrari-hesturinn kópía af Porsche-hestinum - sem er kópía af gömlu skjaldarmerki Stuttgart.  Fótaburðurinn er samt ekki alveg eins.  Fætur Porsche-hestsins snertast ekki.  Fætur Ferrari-hestsins fléttast hinsvegar saman í skuggamyndinni. Jafnframt eru fleiri teiknaðar hvítar línur á skrokki hans.   

  

[Jóhannes (IP-tala skráð) 5.10.2017 kl. 20:41]

Porsche á nú varla einkarétt af öllum teiknuðum myndum af prjónandi hesti eða hvað?

Hvað er hægt að teikna margar útgáfur af prjónandi hesti áður en þær fara líkjast einhverri annari?

[Halldór Egill Guðnason, 6.10.2017 kl. 02:22]

 Hvað er svona Miðflokkslegt við prjónandi hest? Roy Rogers?

 Barasta skil ekki þetta merki nýja flokksins. Er þetta Skagfirskur hestur, eða yfir höfuð hérlendur? 

 Spyr sá sem ekki veit.

 Góðar stundir, með kveðju að sunnan.

[Jens Guð, 6.10.2017 kl. 09:37]

Sigurður I B,  stórmerkilegt!

[Jens Guð, 6.10.2017 kl. 09:37]

Bjarni,  þetta merki væri beint í mark!

[Jens Guð, 6.10.2017 kl. 09:38]

Vagn,  og ekki lýgur hann!

[Emil Hannes Valgeirsson, 6.10.2017 kl. 13:13]

Ef merkið væri af heilum svörtum prjónandi hesti á gulum skjaldarmerkjagrunni og þá væri merkið sennilega stolið. Miðflokkshesturinn er hinsvegar hvítur á marglitum kassalaga grunni og sýnir bara hluta hestsins. Auk þess er teikningin ekki sú sama. Þannig að þetta er ekki copy/paste, hvað sem má annars segja um frumlegheitin og útfærsluna.

[Jens Guð, 6.10.2017 kl. 16:38]

Stefán (#7),  Miðflokkurinn er að taka fylgi frá Sjálfstæðisflokknum.  Skoðanakannanir staðfesta það.  Einnig að í gær eða fyrradag var áður virkur félagi í Sjálfstæðisflokknum að færa sig þaðan og yfir til Sigmundar.  Man í augnablikinu ekki nafnið á kauða.  

[Jens Guð, 6.10.2017 kl. 16:52]

Bjarni (#8),  ég hélt að færeyski Miðflokkurinn væri svo vel kynntur á Íslandi að ekki kallaði á frekari kynningu.  Forsprakki hans,  Jenis av Rana,  hefur margoft ratað í fréttir hérlendis.  Til að mynda þegar hann neitaði að sitja til borðs með þáverandi forsætisráðherra Íslands,  Jóhönnu Sigurðardóttur,  í opinberri heimsókn hennar til eyjanna.  Þá hefur hann predikað á samkomum íslenskra sértrúardsafnaða.  Á sínum tíma vakti hann athygli utan Færeyja fyrir að leggja blessun yfir að hommar væru lamdir.  Um svipað leyti varð hann uppvís af því að hafa beitt þöggun varðandi barnaníð innan trúfélags hans.  

  Færeyski Miðflokkurinn er stjórnmálaarmur trúfélags.  Er jafnan með 2 - 3 þingmenn á Lögþinginu.  

[Jens Guð, 6.10.2017 kl. 17:05]

Jóhannes,  það eru til milljón ólíkar teikningar af prjónandi hesti.  Porsche á ekki einkarétt á neinni þeirra.  Ekki einu sinni þessari sem Miðflokkurinn kóperaði.  Þann hest kóperaði Porsche af gömlu skjaldarmerki Stuttgart.  Höfundarréttur er fyrndur fyrir löngu síðan.  Þess vegna má finna hestinn á netsíðum sem bjóða upp á ókeypis "cope/paste" merki, tákn, skuggamyndir og fleiri teikningar.  Svo sem umferðarmerkingar og allskonar þess háttar án höfundarréttar.  

Merki Miðflokksins af útlenda hestinum er tekin af síðunni Open Clipart.   

[Jens Guð, 6.10.2017 kl. 17:07]

Halldór Egill,  þetta er útlenskur hestur.  Þýzkur af arabískum stofni.  

[Jens Guð, 6.10.2017 kl. 17:13]

Emil Hannes,  sjá komment mitt # 20.  Það er ekki alnákvæmt að segja merki vera stolið þegar teikningu án höfundarréttar er hnuplað.  En svo sannarlega er aðferðin copy/paste.    

[Jósef Smári Ásmundsson, 6.10.2017 kl. 17:56]

Er þetta hestur? Er þetta ekki bara Sigmundur Davíð sjálfur?

[Anna Sigríður Guðmundsdóttir (IP-tala skráð) 6.10.2017 kl. 19:17]

Jens. Nú hefur hrossakaupmanninum Finni Ingólfssyni kannski hlotnast nýtt hross?

En hvað er málefnanlegt takmarkið sem hrossið á að boða?

Ég hef ekkert vit á alls konar merkjum, en mér finnst skorta umræðu um málefnin á Íslandi, og stefnurnar á bak við merkin?

Ég er nú bara fávís ómenntuð kona úr sveit, og ekki von til að ég skilji svona flókin og "MERKILEG" brellublekkingar tækninnar brögð.

Það hefur víst gleymst alveg, að það þarf að stjórna þessu Íslandsríki á siðmenntaðan og löglegan Stjórnarskrárvarinn hátt? Með eða án flokkaklíkumerkja og fjölmiðla-málssóknar-torfærandandi foringja? Þetta er ekki persónulega né illa meint gegn einum eða neinum. Bara sjónarhorn til umræðunnar.

Ég skil alltaf minna og minna, eftir því sem ég lifi fleiri daga hér á jörðinni. Enda er ég ekki með viðurkennda jarðar háskólanna siðaðra vísindanna "menntun". Einn dag tekur þessi jarðvistar lífreynsluskólaganga enda. Og bara í boði að þrauka þangað til, með öllum eigin ábyrgðar höppum, óhöppum, föllum, og þar af leiðandi samtvinnuðum ótal feilskrefum vanþroska sálarinnar fortíðar:).

M.b.kv.

[Jens Guð, 6.10.2017 kl. 19:55]

Jósef Smári,  eru Sigmundur Davíð og útlendi graðhesturinn ekki eitt og hið sama þegar öllu er á hvoft?  Og þarf jafnvel ekki að hvolfa neinu. Nema til gamans.   

[Jens Guð, 6.10.2017 kl. 20:15]

Anna sigríður,  ætíð bestu þakkir fyrir þínar skemmtilegu vangaveltur.  

[Maria (IP-tala skráð) 7.10.2017 kl. 09:16]

Merki Miðjuflokksins líkist hvorki Ferrari merkinu að formi né lit þannig að það er hæpið að um þjófnað sé að ræða. Í vesturhluta þýskalands notuðu margar aðalsættir á borð við Welf hvítan hest í merkjum sínum. M.a konungsríkið Hannover sem var lagt af 1866. Allir voru sáttir við sín merki enda er skjaldamerkjafræðin fræði um aldagamlar reglur og hefðir sem hingaðtil hefur verið gert gys af hér á Íslandi og notkun slíkra merkja meðal Íslendinga varlasést. Hinsvegar eru ákveðin vörumerkjalög sem hindra að keppinautar geti notað áþekk vörumerki.
https://de.wikipedia.org/wiki/Sachsenross

[Jens Guð, 8.10.2017 kl. 10:37]

María, sjá komment # 20.