Kind dauðans

 

  Mér hefur borist njósn af því að í Fjarðarbyggð sé tekin til starfa blúshljómsveit sem talin er vera ein sú allra besta á landinu.  Í henni er söngkonan Jóhanna Seljan,  trommuleikarinn Pétur Hallgrímsson (oft kenndur við hljómsveitina þjóðsagnakenndu Amon Ra og plötubúðina Tónspil) og gítarleikararnir Guðmundur Höskuldsson (var í þungarokkssveitinni Þreki og blúshljómsveitinni EC) og Jón Hilmar Kárason.  Bassaleikari er Sigurður Ólafsson.

  Jón Hilmar er talinn í hóp með bestu gítarleikurum heims. 

 

  Jóhanna er dúndurfín söngkona.  Í tónspilaranum mínum hér á síðunni er hægt að heyra hana syngja "Ætlarðu að hringja á morgun?"

 

  Einn liðsmanna þessarar nýju hljómsveitar er alræmdur fyrir að vera sjúklega hræddur við kindur.  Það mun vera afleiðing þess að lambhrútur stangaði hann sem barn.  Hljómsveitin er skýrð í höfuðið á þessari kindafælni og kallast Kind of Death.  Mikilvægt er að orðið kind sé borið fram á íslensku en ekki ensku (kænd).   Hljómsveitir sem kenna sig við kindur eru nefnilega alltaf góðar,  samanber pönksveitina frábæru Rollu. 

.

  Myndin hér að ofan sýnir kind dauðans.  Hún stangaðist á við sjálfa sig og fékk glóðarauga.  Hún þurfti að ganga með sólgleraugu næstu daga.  Rifjaðist þá upp fyrir mér þegar einn af sonum Björns á Löngumýri kýldi mig í auga á unglingsárum í Varmahlíð og ég fékk svona kindarlegt glóðarauga.  Það var hressandi.

  Myndin hér fyrir neðan er af Jóhönnu Seljan.

Athugasemdir

[Jens Guð, 4.10.2008 kl. 00:54]

  Vefslóðin sem þú gafst upp virkar ekki.

[jóhann sæmundsson (IP-tala skráð) 4.10.2008 kl. 00:59]

http://www.sudurlandid.is/Eyjafrettir/?p=101&id=24129&PHPSESSID=265161b779cf4774f54c9ff177202ec7

[jóhann sæmundsson (IP-tala skráð) 4.10.2008 kl. 01:08]

Afsakaðu Jens að ég skuli nota síðuna þína til æfinga, en hún  er bara svo góð.

Gaman af svona, jaðar böndum og fott beat hjá drummer.

[Jens Guð, 4.10.2008 kl. 01:32]

  Jóhann,  gaman að þessum orðaleikjum með fé.  Notaðu síðuna mína eins og þú getur undir æfingar. 

[Hertogionn á Bjarti NK (IP-tala skráð) 4.10.2008 kl. 05:18]

Sæll Jens.Bassaleikarinn í Kind of Death heitir Sigurður Ólafsson.Veit ekki til þess eða heyrt að Jón Hilmar sé í þessari hljómsveit en ef svo er þá eru þeir þrír sem spila í bandinu,Þröstur Rafnsson heitir sá þriðji.Hann er mörgum að góðu kunnur,spilaði með mörgum hljómsveitum hér  í Neskaupstað fyrir allmörgum árum.Sagan segir að hann hafi kennt Jóni Hilmari allt það sem hann kann í dag.Sel ekki söguna dýrari en ég keypti hana!!! En góður er hann Þröstur.

[Jakob Bragi Hannesson (IP-tala skráð) 4.10.2008 kl. 09:12]

Gaman að þessu! Tími kominn til að heyra almennilega blúshljómsveit. Það var dálítil gróska þegar Blúsbarinn var og hét sællar minningar! Er ekki kind með sólgleraugu töffarinn í hópnum!

[Res (IP-tala skráð) 4.10.2008 kl. 09:46]

Þetta er eitthvað sem Einar Bragi gæti vitað um,hann er jú að spila með Jóni Hilmari stundum

[Haukur Nikulásson, 4.10.2008 kl. 09:58]

Mér finnst þetta flott útsetning á laginu. Eini gallinn er fade-out sem mér leiðist. Þetta má alveg gefa út.

[Ómar Ingi, 4.10.2008 kl. 11:28]

Kindarlegt

[Anna Ólafsdóttir (anno) (IP-tala skráð) 4.10.2008 kl. 12:28]

Líst vel á þessa söngkonu. Takk fyrir kynninguna. Nú er bara að halda áfram að fylgjast með og sperra kyndareyrun í hvert skipti sem maður heyrir þessa rödd á öldum ljósvakans

[Jakob Bragi Hannesson (IP-tala skráð) 4.10.2008 kl. 13:57]

Lgið með Jóhönnu er náttúrulega einginn blús og frekar leiðinleg vella. Hæfileikar hennar í blúsinum koma ekki bient fram þarna!

[Jakob Bragi Hannesson (IP-tala skráð) 4.10.2008 kl. 13:58]

Átti auðvitað að standa enginn blús

[Jens Guð, 4.10.2008 kl. 23:58]

  Jakob,  vissulega er lagið í tónspilaranum ekki blús.  Þetta er ballaða með einkennum Phils Spectors - þó hann hafi hvergi komið nærri. 

  Hertoginn á Bjarti,  takk fyrir þessar upplýsingar.  Ég heyrði bara af þessari blúshljómsveit á hlaupum og þekki lítið til músíksenunnar á Austurlandi.  Ég ætla að skella nafni bassaleikarans inn í færsluna.  Mér heyrist á þér að Þröstur sé líka gítarleikari.

  Res,  veit Einar Bragi eitthvað um músík?

  Haukur,  mikið er ég þér sammála með "fade outið".  Í lang flestum tilfellum er það "ódýr" lausn á lokakafla lags.

  Ómar,  já.  Hehehe!

  Anna,  Jóhanna er frábær söngkona.  Þetta er ung kona úr Mývatnssveit sem nú er nýflutt á Reyðarfjörð (þar sem faðir hennar býr,  Þóroddur Seljan,  skólastjóri).  Mér virðist hún bara vera alltof hlédræg.  Þess vegna setti ég lagið með henni í tónspilarann.  Það ætti að vera komið út á safnplötu.

[Hertoginn á Bjarti NK (IP-tala skráð) 5.10.2008 kl. 04:18]

Sæll Jens.Það er rétt hjá þér,Þröstur er gítarleikari og hefur spilað með flestum hljómsveitum héðan sem eru nú nokkuð margar í gegn um tíðina.Og mikið starfað með Blúskælúbbnum hér á staðnum en gerðost liðhlaupi fyrir mörgum árum og flutti af landi brott en sneri aftu á fornar slóðir.Gera þeir það ekki allir alltaf á endanum?

[Einar Bragi Bragason., 6.10.2008 kl. 02:30]

sko veit í raun lítið um þetta band......En Jón Hilmar er einn besti gítarleikari landsins........og besti vinur minn...og nei Jens ég veit ekkert um músik.....en samt meira en þú he he