Vondandi verður Álfheiður Ingadóttir sett út

  Á sama tíma og heilbrigðisyfirvöld í útlöndum eru að hvetja fólk til að stunda regluleg sólböð þótti Álfheiði Ingadóttur brýnasta verkefni snemmsumars að banna 18 ára Íslendingum og yngri að fara í sólbað.  Vonandi verður hún sett úr ráðherrastóli við þær breytingar sem nú er verið að ræða á stjórnarfundi.  Það eru kannski ekki miklar líkur á að snöfurlegur og frjálslyndur ráðherra taki við af henni.  En þangað til annað kemur í ljós má vona að sá eða sú taki af skarið og aflétti ólögunum áður en beinþynning,  þunglyndi,  húðsjúkdómar,  tannleysi,  krabbamein,  bakverkir og aðrir slíkir fylgifiskar sólarleysis verða verulegt vandamál.

  Svo skemmtilega vill til að um leið og Álfheiður bannaði sólböð þá gáfu stjórnvöld í Íran út tilkynningu um að sólböð væru bönnuð.  Konur í Íran sem eru staðnar að því að hafa laumast í sólbað eru kærðar og þeim refsað,  samkvæmt lögum um sómasamlegt útlit.  Írönsk kona með sólbrúna húð telst vera fleðuleg.  Í lögum Álfheiðar Ingadóttur sem banna sólbað er tekið fram að bannið varði sólbað í fegrunarskini.

  Ég held að það sé vont að Ragna sé sett út.  Gylfi varð að fara.  Sennilega hefur verið einhver pæling um að það kæmi illa út að setja hann einan af.  Það kæmi öðru vísi út ef Rögnu væri líka fórnað. 

 

  Þessi íranska kona braut lög um sómasamlegt útlit.  Hún hafði laumst í sólbað.  Þvert á lög Álfheiðar Ingadóttur og íranskra stjórnvalda.  Löggan lamdi konuna til blóðs.

Gylfi og Ragna hætta í stjórn

Athugasemdir

[Ásdís Sigurðardóttir, 31.8.2010 kl. 19:30]

Ég deili skoðun þinni með Álfheiði

[Árni Karl Ellertsson (IP-tala skráð) 31.8.2010 kl. 20:25]

Burt með Álfinn hana Álfheiði.

[Hólímólí (IP-tala skráð) 31.8.2010 kl. 20:31]

Ég er alfarið á móti sólböðum. Tilgangslausari iðju er vart hægt að hugsa sé. Unglingar sem aldir eru upp við að það sé einhvers virði að liggja í sólbaði missa gjörsamlega sjónar á raunverulegum tilgangi lifsins og verða mun síður þátttakendur í verðmætasköpun þjóðfélagsins. Hins vegar er mér alveg sama hvort Álfheiður fari eða veri.

[hilmar jónsson, 31.8.2010 kl. 20:39]

Eitt er "natural " sólbað, og annað er stórhættulegir ljósabekkir, Jens..

[Jón Flón (IP-tala skráð) 31.8.2010 kl. 20:43]

Mér finnst kaldhæðnislegt að Álfheiður sjálf sé nokkurs konar sortuæxli innan ríkisstjórnarinnar. Slíkt er væntanlega æskilegast að fjarlægja. Svo segir að minnsta kosti húðlæknirinn minn.

[Jens Guð, 31.8.2010 kl. 20:47]

  Ásdís,  það hljóta margir að vera sammála okkur. 

[Jens Guð, 31.8.2010 kl. 20:48]

  Árni Karl,  ég kvitta undir það.

[Ómar Ingi, 31.8.2010 kl. 20:57]

Bjartsýnn ertu Jens minn , en mikið vona ég að þú hafir rétt fyrir þér með það.

[Jens Guð, 31.8.2010 kl. 21:11]

  Hólímólí,  flest sem fólk gerir utan þess að vinna eða læra eða sinna heimilisstörfum og öðru sem þarf að gera er tilgangslaus iðja.  Hvort sem það er að hanga í tölvuleikjum,  í símanum eða horfa á heilasljógvandi sjónvarpsefni.

  Svo er það önnur tilgangslausa iðjan sem gerir fólki gott.  Til að mynda að stunda sund,  jafnvel bara heitu pottana,  leika sér í boltaleikjum eða fara í sólbað.  

  Það passar ekki að fólk sem fer í sólbað verði síður verðmætaskapandi þjóðfélagsþegnar.  Þá á ég við að í sólbaðinu eflir fólk andlega heilsu og jákvæðni,  styrkir bein og tennur og vinnur gegn ýmsum sjúkdómum.  Þar með töldum flestum krabbameinum,  exemi,  sóríasis,  bólum og svo framvegis.

[Jens Guð, 31.8.2010 kl. 21:24]

  Hilmar,  ljósabekkir eru um margt heppilegri en sólbað úti undir berum himni.  Í fyrsta lagi er ljósastyrkur bekkjanna nokkuð jafn.  Reyndar aðeins sterkari þegar perur eru nýjar.  En styrkur sólarinnar er mjög misjafn.  Bæði eftir tíma dags og árs,  veðurfari og fleiru.  Þá hefur ýmislegt í umhverfinu áhrif á virkni sólarljóssins.  Til að mynda vatn og annað sem endurkastar birtunni.

  Í öðru lagi eru ljósatímar í mesta lagi 20 mín.  Úti í sólinni tekur fólk aldrei tímann þegar það sólar sig.  Yfirleitt hangir það í sólbaðinu þangað til húðin er orðin rauð.

  Í 3ja lagi fær viðskiptavinurinn góð ráð hjá starfsfólki sólbaðsstofa og lumar á ýmsu á staðnum.  Dæmi:  Rauðhærðri manneskju með mjög hvíta húð er ekki í fyrst ljósatíma send í bekk með nýjum perum.  Eða þá að hún fær krem með vörn og hálfan ljósatíma.  Ef viðskiptavinur finnur til óþæginda vegna hita í húðinni er skellt á hann kælandi efnum og hann látinn taka með sér meira af því heim í nesti.

  Þar fyrir utan:  Margir sem þurfa á sólarljósi að halda finna enga sól úti þegar þannig stendur á.  Þetta á við um fólk með húðsjúkdóma,  bólur,  þunglyndi,  bakverki og svo framvegis.

  Þess vegna eru göngudeildir Samtaka sóríasis og exem-sjúklinga með ljósabekki,  sem og geðdeildir með ljósalampa fyrir þunglynda.  Bara svo tvö lítil dæmi séu nefnd.  

[Jens Guð, 31.8.2010 kl. 21:25]

  Jón Flón,  þetta var vel að orði komist hjá þér.

[Jens Guð, 31.8.2010 kl. 21:26]

  Ómar Ingi,  maður verður að synda á bjartsýninni.  Það er skemmtilegra.

[hilmar jónsson, 31.8.2010 kl. 21:26]

Ég mæli með því Jens, að þú berir þessar fullyrðingar undir húðsjúkdómalækni, en ég lofa ekki góðum undirtektum..

[Jens Guð, 31.8.2010 kl. 21:57]

  Hilmar,  flestir sem nota ljósabekki vegna sóríasis, exems og annarra húðsjúkdóma gera það vegna áeggjan húðsjúkdómalækna.  Einnig veit ég til þess að unglingar með bólótta húð hafi verið af húðlæknum sendir í ljósabekki. 

  Áður en ljósabekkir komu til sögunnar var fjölmennum hópum fólks með húðsjúkdóma flogið til sólarstranda ár eftir ár.  

  Ég vann í mörg ár í leiguhúsnæði sem var í eigu þáverandi formanns Samtaka sóríasis og exem sjúklinga.  Ég spjallaði mikið við kallinn um þetta, fylgdist vel með starfi samtakanna og hékk oft á skrifstofu þeirra:  las fréttablaðið þeirra samviskusamlega og það allt.  

[hilmar jónsson, 31.8.2010 kl. 22:02]

Hmm..

[Jens Guð, 31.8.2010 kl. 22:12]

  Hilmar,  ég hef fylgst vel með umræðu um sólböð í aldarfjórðung.  Ég rak heilsubúð,  var áskrifandi að ótal heilsublöðum,  sótti ráðstefnur og sýningar út um allan heim,  sat undir ótal fyrirlestrum.  Ég fylgist ennþá náið með umræðunni og veit lengra en nef mitt nær í þessum efnum.

[Hannes, 31.8.2010 kl. 23:51]

Ég er viss um að kellingarnar í VG geti lært ýmislegt af Írönum þegar kemur að kvennrétindum og allmennum mannrétindum borgaranna.

[Númi (IP-tala skráð) 1.9.2010 kl. 00:42]

Jens,þú ágæti getur verið að þú flytjir inn krem eða álíkar vörur sem notaðar eru gagnvart ljósabekkjum.?Þú ert eitthvað tengdur Aloha Wera vörum eða er ekki svo.?

[Sigurbjörn Friðriksson, 1.9.2010 kl. 00:59]

Ég vil alls ekki Álfheiði Ingadóttur út úr ríkisstjórninni. 

Burt með Rögnu dómsmálaráðherra og inn með Kolbrúnu Halldórsdóttur sælla minninga til að kóróna vitleysuna.  Hún gæti sett lög um að öll nýfædd börn á fæðingardeildum yrðu klædd í svartar "búrka" svo ekki sjáist hvers kyn þau eru.

Ég tek undir með Hannesi í nr. 17 að VG geti tekið Írani sér til fyrirmyndar gagnvart almennum mannréttindum.  Þær væru góðar hlið við hlið Álfheiður og Kolbrún eða hitt þó heldur. 

Síðan nýjar kosningar í vor og kjósa Jón Gnarr og hans lið, ekki geta þeir verið verri en það sem við höfum nú.  Allavega gætum við hlegið að vitleysunni.

Kveðja, Björn bóndi  

[Hólímólí (IP-tala skráð) 1.9.2010 kl. 01:51]

Sólböð eru ekki bara holl fyrir húð, hár, tennur, bein og skapsmuni, heldur einnig félgslega hvetjandi. Þannig á brúnt fólk með hvítar tennur og sterklegan skrokk mun auðveldara með öll samskipti, þökk sé sjálfstraustinu sem sólbrúnkunni fylgir. Hver hefur t.d. áhuga á beinaberum, snjakahvítum væskli með gular tennur, vörtur og húðsjúkdóma þegar valkosturinn er heilbrigður, brúnn og glansandi flottur skrokkur?

Inn með sólböð - út með Álfheiði.

[Ómar Sigurðsson (IP-tala skráð) 1.9.2010 kl. 02:19]

Góð grein hjá þér Jens. Nýlega las ég grein eftir þekktasta krabbameinssérfræðing Breta Giowannucy heitir hann að eftirnafni og starvar við Haarward. Hann mælti sérstaklega með að fólk stundaði ljósabekkina og sagði að á móti hverjum einum sem fær húðkrabbamein bjargast þrjátíu á að stunda ljós. D vítamín er nefnilega þekktasti hemillinn á að fólk fái krabbamein Ristilkrabbi er til dæmis óþekktur í ristli þar sem nóg D vítamín er. Út með Álfheiði

[Gsss (IP-tala skráð) 1.9.2010 kl. 10:01]

Mér skilst á mbl.is að Álfurinn sé að fjúka

[Jens Guð, 1.9.2010 kl. 10:30]

  Hannes,  hún Álfheiður þarf ekkert að læra af Írönum.  Forsjárhyggju- og bannáráttan virðist vera henni í blóð borin.  Nú er hún viðþolslaus að gera ráðstafanir til að draga úr neyslu rígfullorðinna Íslendinga á B-vítamínríku öli úr byggi, maís,  humlum og bráðhollu íslensku fjallavatni.  Hún vill BANN.  Enn eitt BANNIÐ.  Að þessu sinni vill hún BANNA Íslendingum að sjá og heyra auglýsingar um óáfengt öl.  

  Nái þetta BANN fram að ganga hefur hún kitlað forsjárhyggju- og bannáráttu með því að 18 ára Íslendingar verða formlegir tvöfaldir glæpamenn ef þeir laumast í sólbað og fyrir augu þeirra ber auglýsing um óáfengt öl.  

  Þetta þurfa Íranir og talibanar ekki að kenna Álfheiði. 

[Jens Guð, 1.9.2010 kl. 10:36]

  Númi,  ég sel Banana Boat sólkrem.  Þar með talið hreint Aloe Vera gel.  Þessar vörur eru aðallega keyptar af fólki sem fer á sólarstrendur.  Sólvarnarstuðlarnir eru hærri en þeir sem notaðir eru i ljósabekkjum.  Sólvörn #8 - #30 eru vinsælastar. 

  99% af allri sölu á Banana Boat hérlendis er í apótekum,  heilsubúðum og Fríhöfninni.  Söluhæsta einstaka varan er svokallað Body Lotion (kroppskrem).

[Jens Guð, 1.9.2010 kl. 10:38]

  Björn bóndi,  það var terta á borðum þegar Kolbrún Halldórsdóttir hrökklaðist af þingi.  Langar okkur aftur í tertu?

[Jens Guð, 1.9.2010 kl. 10:46]

  Hólímólí,  allt er þetta rétt hjá þér og slagorðið er sérlega gott:  Inn með sólböð - út með Álfheiði!

  Rannsóknir hafa leitt í ljós að í öllu dýraríkinu laðast kvendýr mest að þeim karldýrum sem hafa góða D-vítamínstöðu.  Góð D-vítamínstaða táknar styrk og heilbrigði.  Manneskjan hefur ekki nægilega sterkt lyktarskin til að nema mun á D-vítamínstöðu einstaklinga.  Hinsvegar hafa rannsóknir sýnt að bæði konur og karlar laðast fremur að sólbrúnum einstaklingum en fölum.

  Ein slík rannsókn gekk þannig fyrir sig að fólk var látið skoða hundruð ljósmynda af öðru fólki.  Fyrirsæturnar á myndunum voru mun færri en myndirnar.  Með fótósjopp tækni var fólkið haft mismikið sólbrúnt eða fölt á myndunum.  Niðurstaðan var ótvíræð.  Myndirnar sem sýndu sólbrúnasta fólkið skoraði hæstu einkunnir en föla fólkið naut ekki hylli. 

[Jens Guð, 1.9.2010 kl. 10:46]

  Ómar,  takk fyrir þetta.

[Jens Guð, 1.9.2010 kl. 10:47]

  Gsss,  guðirnir láti gott á vita að rétt sé.

[Hannes, 1.9.2010 kl. 22:56]

Jens. Þeir munu kennna henni hvernig á að framfylgja þessum heimskulegu lögum á Íranskan hátt.

[Jens Guð, 1.9.2010 kl. 23:24]

  Hannes,  mér virðist af fréttum sem ósk mín muni rætast um brotthvarf hennar úr ríkisstjórn.  Álfheiður getur þá snúið sér að því að leggja írönskum stjórnvöldum lið með því að benda þeim á sitthvað sem hægt er að banna.

[Hannes, 2.9.2010 kl. 18:41]

Jens það eru góðar fréttir að vera laus við nokkra ráðherra en verra að aðrir ömurlegir komi í staðinn.

[Hólímólí (IP-tala skráð) 2.9.2010 kl. 19:15]

Ég velti því stundum fyrir mér hvað sé svona merkilegt við ríkisstjórnir umfram aðrar stjórnir að ríkisstjórnin fái nánast allt það fréttapláss sem til er í landinu? Af hverju eru aldrei sagðar fréttir af t.d. stjórn Fiskbúðar Hafliða ... eða netagerðarinnar Ingólfs ... hvort tveggja afar mikilvægar stjórnir sem mega ekki vamm sitt vita og eru öllum öðrum stjórnum til fyrirmyndar. Væri ekki skemmtilegra að fá fleiri fréttir af þeim og færri af ríkisstjórninni?

[Jens Guð, 2.9.2010 kl. 19:27]

  Hannes,  mestu skipti að Álfheiður er farin úr ráðherrastól.  Fátt toppar þá ánægjulegu frétt.  Það er útilokað að ömurlegri ráðherra komi í staðinn.  Þar fyrir utan hefur ráðherrum nú verið fækkað úr 12 í 10 og boðað að þeim verði á næstunni fækkað niður í 9.  Ráðuneyti fyrir þetta fámenna þjóð hafa verið alltof mörg með tilheyrandi risakostnaði bara utan um það eitt að fyrirbærið sé ráðuneyti.

[Jens Guð, 2.9.2010 kl. 19:33]

  Hólímóli,  ástæðan fyrir því að ríkisstjórnir fá meira pláss í fjölmiðlum en Fiskbúð Hafliða er sú að öll ráðuneytin,  ríkisstjórnarflokkar og sjálf ríkisstjórn hafa á fullum launum útsmogna svokallaða tussufína spunameistara.  Það er að segja fjölmiðlafulltrúa (PR),  einnig kallaða almannatengla.  Þetta lið hefur þann eina starfa að fylla fréttarými fjölmiðlana daginn út og inn af frásögnum af ríkisstjórn.

  Fiskbúð Hafliða hefur engan PR mann.  Þar liggur munurinn.

[Sigurbjörg Sigurðardóttir, 3.9.2010 kl. 18:31]

jahhhhooo hún er farinn.