Tölvan segir nei

  Samfélagið okkar er að mjakast í mannlegri átt.  Hægt og hljótt.  Mannúð og samkennd sækja á.  Lög og reglur eru leiðbeinandi.  Þau eru mannanna verk.  Þau eru ekki sett til að níðast á börnum.  Af og til koma hinsvegar upp þær aðstæður að lög og reglur stangast á við þarfir barna.  Þá reynir á mannlega þáttinn.  Þá vegur neyðarréttur þyngra.

  Það er aum framkoma gagnvart börnum í vanda að yppa öxlum og skýla sér á bak við reglur.  "Tölvan segir nei,"  er vinsæl klisja í sjónvarpsþáttunum Litla Bretland.  Það er gott grín og lýsandi fyrir starfsfólk Wow á dönskum flugvelli sem skildi þrjú börn eftir í reiðuleysi.  Líka fyrir starfsfólk Fellaskóla sem neitaði stelpu um að snæða pizza-sneið með skólasystkinum sínum.

  Barnaheimlin í Breiðavík og Kumbaravogi tilheyra fortíðinni. Blessunarlega. Látum hin dæmin einnig tilheyra fortíðinni. Verum í nútímanum 2016.  


mbl.is Þrjú börn urðu eftir á Kastrup
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Reglur eru fyrir aðra er algengt viðhorf hjá Íslendingum. Þeir undrast að þurfa að fara að reglum við innritun í flug og furða sig á því að skólar skuli ekki kaupa aukaskammta til að hafa til taks ef einhver sem ekki á pantaðan mat verður svangur. Þeim þykir það ópersónulegt og hreinasta mannvonska að vera ekki undanþegnir þeim reglum sem liggja ljósar fyrir og aðrir fara vandræðalaust eftir.

Vagn (IP-tala skráð) 14.2.2016 kl. 14:02

2 Smámynd: Jens Guð

  Vagn,  ég flýg ekki sjaldnar en 10 sinnum á ári.  Oft mun oftar.  Bæði innan lands og utan. Ég hef aldrei orðið var við annað en röð og reglu í hvívetna við innritun. 

Jens Guð, 14.2.2016 kl. 15:40

3 identicon

Reglur WOW eru skýrar. Börn yngri en 12 ára mega ekki ferðast án fylgdar. Það að þessir foreldrar hafi áður komist upp með að senda krakkana eina eða að tölvukerfið leyfi að pantað sé far fyrir barn án þess að fylgdarmaður sé nefndur breytir því ekki að reglurnar eru skýrar. Þessi stórkostlega hneykslun foreldranna á að ekki hafi tekist að svindla á kerfinu í þetta skiptið er dæmigerð fyrir "reglurnar eiga ekki við mig" hugarfarið. Auðvitað hefði starfsmaðurinn getað brugðist öðruvísi við, t.d kallað á lögreglu eða barnaverndaryfirvöld þegar í ljós kom að krakkarnir voru þarna í reiðileysi. 

Sólveig (IP-tala skráð) 14.2.2016 kl. 17:41

4 Smámynd: Sindri Karl Sigurðsson

Nákvæmlega Sólveig. Í einu orðinu er sagt að börn megi ekki vera nema í fylgd fullorðinna (ég man reyndar eftir því að vera skráður í vegabréf foreldra minna)og svo kemur fólk, eins gáfulegt og það er, fram sem kvartar yfir því að það sé farið eftir reglum.

Síðan eru allir fjölmiðlar norðan við miðbaug fullir af fréttum af mannsali og þvíumlíku.

Eitt er að mæta með börn í flug og óska eftir fylgd, annað að skilja þau eftir til að redda sér sjálf.

Sindri Karl Sigurðsson, 14.2.2016 kl. 18:43

5 Smámynd: Jens Guð

Sólveig, ég er ekki að deila á reglurnar. Ég gagnrýni hinsvegar hvernig útfærslan var:  Að börnum var sparkað út úr innritun og skilin eftir vandalaus í reiðuleysi.

Jens Guð, 14.2.2016 kl. 19:46

6 Smámynd: Jens Guð

Sindri Karl,  það skiptir öllu að börn séu ekki skilin eftir í reiðuleysi á flugvöllum.  

Jens Guð, 14.2.2016 kl. 19:56

7 identicon

Fjölbreytt einelti mun hafa tíðkast lengi í Fellaskóla og nokkur slík tilfelli hafa ratað í fjölmiðla að undanförnu.

Stefán (IP-tala skráð) 15.2.2016 kl. 08:35

8 Smámynd: Jens Guð

Stefán,   ég hef tekið eftir því.

Jens Guð, 16.2.2016 kl. 09:39

9 identicon

Börnin komu sér sjálf á flugvöllinn, ein og um langan veg, þannig að þau hefðu átt að geta komið sér sjálf þaðan; hafi þau ekki fyllst af vesöld við að horfast í augu við reglurnar.

Tobbi (IP-tala skráð) 17.2.2016 kl. 08:48

10 Smámynd: Jens Guð

Tobbi,  nákvæmlega!  

Jens Guð, 17.2.2016 kl. 17:03

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband