Horfði á fótinn lengjast

  Þessa dagana kryddar danskur kraftaverkapredikari tilveru Færeyinga.  Hann heitir Hans Berntsen og fer eins og stormsveipur um eyjarnar með fyrirbænir og kraftaverk.  Fréttamaðurinn Snorri Brend segir á Fésbók frá heimsókn sinni til predikarans á þriðjudaginn.  Sá greindi þegar í stað að annar fóturinn væri nokkrum cm styttri en hinn.  Það kallaði á bæn og kraftaverk.  

  Svo bænheitur var Hans að Snorri horfði með eigin augum á fótinn lengjast um 4 cm.  Síðan hefur hann sofið værar um nætur en í langan tíma.  Áður hafði hann ekki hugmynd um að fæturnir væru mislangir.  

.


« Síðasta færsla | Næsta færsla »

Athugasemdir

1 identicon

Derren Brown tekur á þessu svindli :) https://www.youtube.com/watch?v=cpz_9_KalFY

DoctorE (IP-tala skráð) 24.3.2017 kl. 13:50

2 identicon

Ég hef trú á því að nefið hafi lengst á þessum ,, kraftaverkapredikara " fyrir framan bláeyga og trúgjarna færeyinga.

Snorri Óskarsson hvað ?

Stefán (IP-tala skráð) 24.3.2017 kl. 14:47

3 Smámynd: Sigurður I B Guðmundsson

Ætli hann geti lengt á mér........stóru tánna!!!!!!!!!!

Sigurður I B Guðmundsson, 24.3.2017 kl. 17:27

4 Smámynd: Wilhelm Emilsson

Mér finnst Benny Hinn alltaf bestur.

https://www.youtube.com/watch?v=8kkgccLG1Gg

Wilhelm Emilsson, 25.3.2017 kl. 08:15

5 Smámynd: Jens Guð

DoctorE,  þú lætur að því liggja að danski predikarinn  sé ekki allur þar sem hann er séður. 

Jens Guð, 25.3.2017 kl. 14:49

6 Smámynd: Jens Guð

Stefán, og var þó nefið stórt fyrir.

Jens Guð, 25.3.2017 kl. 14:49

7 Smámynd: Jens Guð

Siguður I B,  mér skilst að hann geti lengt allt.

Jens Guð, 25.3.2017 kl. 14:50

8 Smámynd: Jens Guð

Wilhelm,  hann er kóngurinn í þessum bransa.

Jens Guð, 25.3.2017 kl. 14:51

9 Smámynd: Siggi Lee Lewis

Ég heyrði einhverntíma svipaða sögu nema þá "lengdi" kraftaverkagaurinn fót hins um of, kannski um 4-5 cm. Fórnalamið tók hinsvegar ekki eftir því fyrr en runnið var af honum og tók þá eftir að hann hafði beðið um að lengja rangann fót, svo það var orðið nánast ómögulegt að standa í lappirnar. Daginn eftir þegar sá hinn ólánsami staulaðist niður í lobby á hótelinu til að biðja kraftaverkamanninn um að taka þetta til baka var hann farinn.

Siggi Lee Lewis, 25.3.2017 kl. 15:57

10 Smámynd: Jens Guð

Siggi Lee,  þetta hefur gerst oftar.  Líka gerðist það eitt sinn um jól að sjóræningi með tréfót bað kraftaverkapredikara um að breyta honum í lifandi fót.  Það var eins og við manninn mælt:  Tréfóturinn varð umsvifalaust fagurgrænt jólatré með stórum greinum og þéttu barri.  Gárungar voru snöggir að hengja á það allskonar jólaskraut.  Þegar rann af sjóræningjanum eftir jól skammaðist hann sín og fjarlægði jólaskrautið af fætinum.    

Jens Guð, 26.3.2017 kl. 16:56

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband