Saltið er saklaust

  Löngum hefur fólk staðið í þeirri barnslegu trú að salt sé bölvaður óþverri.  Saltur matur framkalli yfirgengilegan þorsta.  Margir kannast við þetta af eigin raun:  Hafa snætt heldur betur saltan mat og uppskorið óstöðvandi þorsta - með tilheyrandi þambi á allskonar vökva.

  Á börum liggur iðulega frammi ókeypis snakk í skál.  Fyrst og fremst brimsaltar hnetur.  Þetta er gildra.  Viðskiptavinurinn maular hneturnar.  Þær framkalla þorsta sem skilar sér í bráðaþorsta.  Lausnin er að þamba nokkra kalda með hraði.

  Í framhjáhlaupi:  Hneturnar í skálinni eru löðrandi í bakteríum eftir að ótal óhreinar lúkur hafa káfað áfergjulega á þeim.

  Nú hefur fengist niðurstaða í merkilegri rannsókn á salti.  Sú var framkvæmd af evrópskum og amerískum vísindastofnunum á áhrifum salts á geimfara.  Þátttakendum í rannsókninni var skipt í tvo hópa.  Annar lifði um langan tíma á saltskertu fæði.  Hinn á venjulegu fæði þar sem salt var ekki skorið við nögl.

  Í ljós kom að síðarnefndi hópurinn sótti mun síður í vökva en hinn.  Þetta hefur eitthvað að gera með starfsemi nýrnanna.  Segiði svo að nýrun séu óþörf.  

salt  


« Síðasta færsla | Næsta færsla »

Athugasemdir

1 identicon

Vel saltað beikon með eggi og ristað brauð með söltuðu smjöri er tóm hollusta og sæla fyrir bragðlaukana - Burt séð frá því, þá finnst mér futningur Rolling Stones á þessu frábæra lagi sínu Salt Of the Earth mun flottari en þessi flutningur Joan Baez.

Stefán (IP-tala skráð) 14.5.2017 kl. 19:18

2 Smámynd: Sigurður I B Guðmundsson

Held ég salti þetta blogg með handgerðu vestfirsktu flögusalti frá Saltverki!! (Sjálfbær framleiðsla frá Reykjanesi í Ísafjarðardjúpi).

Sigurður I B Guðmundsson, 14.5.2017 kl. 19:43

3 Smámynd: Jens Guð

Stefán,  vissulega er þetta hið glæsilegasta lag á bestu plötu Stóns,  Beggars Banquet.  Að vísu ekki vel sungið.  En kemur ekki að ráði að sök í hráu og blúsuðu kassagítar/píanólagi.  Við hæfi að Keith syngi þetta sönglag sitt sem hann samdi til heiðurs föður síns sem var verkalýðsforingi eða eitthvað álíka.

  Joan Baez er betri söngvari en Keith.  En hefði mátt halda í blússtemmninguna fremur en poppa lagið.  Samt alltaf gaman að heyra nýja og öðruvísi fleti á góðu lagi.      

Jens Guð, 15.5.2017 kl. 18:31

4 Smámynd: Jens Guð

Sigurður I B,  eigi skal gráta Björn bónda heldur salta hann í tunnu.

Jens Guð, 15.5.2017 kl. 18:31

5 identicon

Keith syngur vissulega með sínu nefi, sem nú er orðið ótrúlega stórt og þrútið. Margt misjafnt hefur sogast í gegnum það nef, m.a. hluti af karli föður hans, honum Bert Richards sem starfaði sem verkstjóri í rafmagnstækjaverksmiðju. 

Stefán (IP-tala skráð) 15.5.2017 kl. 19:07

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband