Dularfullt hvarf Færeyinga

  Tveir ungir Færeyingar hurfu á dularfullan hátt í Kaupmannahöfn á þriðjudaginn.  Lögreglan hefur síðan leitað þeirra.  Án árangurs.  

  Færeyingarnir áttu bókað flugfar til Færeyja.  Þeir skiluðu sér hinsvegar ekki í innritun.  Það síðasta sem vitað er um þá er að annar ræddi við vin sinn í síma nokkru fyrir flugtak.  Hann sagði þá vera á leið út á Kastrup flugvöll.  

  Annar drengjanna ætlaði að flytja aftur til Færeyja.  Hinn ætlaði aðeins að kíkja í heimsókn.

  Frá því að hvarf þeirra uppgötvaðist hefur verið slökkt á símum þeirra.  Jafnframt hafa þeir ekki farið inn á netið.

  Uppfært kl. 15.50:  Mennirnir eru fundnir.  Þeir eru í Malmö í Svíþjóð.  Málið er þó ennþá dularfullt.  Af hverju mættu þeir ekki í innritun á Kastrup?  Af hverju stungu þeir af til Malmö?  Af hverju hefur verið slökkt á símum þeirra?  Af hverju létu þeir ekki áhyggjufulla ættingja ekki vita af sér dögum saman?

Athugasemdir

[Guðmundur Brynjólfsson (IP-tala skráð) 23.6.2018 kl. 11:34]

Ekki góð tíðindi.

[Stefán (IP-tala skráð) 23.6.2018 kl. 16:10]

Malmö er orðin einskonar miðstöð glæpagengja í Norður-Evrópu, hvort sem þessir drengir tengjast slíku eða ekki ? Hitt veit ég að færeyingar eru hörðustu stuðningsmenn okkar íslendinga á HM, enda alltaf okkar bestu og traustustu vinir. Hvenar höfum við avo launað færeyingum fyrir greiða og tryggð ? 

[Sigþór Hrafnsson (IP-tala skráð) 23.6.2018 kl. 16:57]

Þeir voru að smygla heitu lofti til Svíþjóðar 

[Sigurður I B Guðmundsson, 23.6.2018 kl. 21:08]

 Mæli með að láta "inspector Clouseau" í málið!!!

[Sigurður I B Guðmundsson, 24.6.2018 kl. 18:26]

Óvart að letrið varð svona stórt og svart!!

[Jens Guð, 25.6.2018 kl. 17:16]

Guðmundur,  það er eitthvað gruggugt við þetta.

[Jens Guð, 25.6.2018 kl. 17:20]

Stefán,  Færeyingar hafa bara fengið ruddaskap frá Íslendingum,  samanber þegar togarinn Næraberg varð vélarvana en náði með herkjum til Reykjavíkurhafnar.  Hafnarverðir meinuðu áhöfninni að fara frá borði.  Máttu ekki einu sinni skjótast eftir mat og drykk. 

[Jens Guð, 25.6.2018 kl. 17:21]

Sigþór,  góð tilgáta!

[Jens Guð, 25.6.2018 kl. 17:22]

Sigurður I B,  hvernig er hægt að stækka letrið svona.  Ég vil gjarnan kunna þann möguleika.

[Sigurður I B Guðmundsson, 26.6.2018 kl. 09:41]

Ekki hugmynd!!!