Stam

  Í síðustu viku var ég í viðtali á Útvarpi Sögu,  hjá Pétri Gunnlaugssyni.  Nokkru síðar hringdi í mig kunningi.  Hann var þá búinn að hlusta á spjallið í tvígang og hafði gaman af.  Hinsvegar sagðist hann taka eftir því að stundum komi eins og hik á mig í miðri setningu,  líkt og ég finni ekki rétta orðið.

  Ég upplýsti hann um að ég stami.  Af og til neita talfærin að koma strax frá sér tilteknum orðum.  Á barnsaldri reyndi ég samt að koma orðinu frá mér.  Þá hjakkaði ég á upphafi orðsins,  eins og spólandi bíll.  Með aldrinum lærðist mér að heppilegri viðbrögð væru að þagna uns ég skynja að orðið sé laust.  Tekur aldrei lengri tíma en örfáar sekúndur. 

  Þetta hefur aldrei truflað mig.  Ég hugsa aldrei um þetta og tek yfirleitt ekki eftir þessu.


« Síðasta færsla | Næsta færsla »

Athugasemdir

1 identicon

Sæll Jens, ég hlusta oft á Útvarp Sögu. Ég hef oft hlustað á viðtöl Péturs Gunnlaugs. við þig, og mér finnst þau yfirleitt fróðleg og áhugaverð. Og alltaf gaman að heyra frásagnir þínar frá Færeyjum. Maður veit allt of lítið um Færeyinga. 

Já, og nú er gott að vita að þú stamir, skv. því sem þú sagðir kunningja þínum, sem var að pæla í talsmáta þínum. Fólk talar og tjáir sig á mismunandi hátt, án þess að maður sé að pæla eitthvað sérstaklega í því.

En ég hlakka til að hlusta á næsta viðtal við þig á Sögu.

Ingibjörg Magnúsdóttir (IP-tala skráð) 5.12.2018 kl. 00:39

2 identicon

Formaður Miðflokksins verður undirleitur og tafsandi ( stundum nánast óskiljanlegur ) þegar hann reynir að klóra sig sem mest út úr síendurteknum heimatilbúnum vandræðum. Þannig verður hann afar ósannfærandi og aðeins örfáar villuráfandi sálir virðast fylgja honum í dag. Þetta hefur auðvitað ekkert með náttúrulegt stam að gera, en þíð Óli Palli á Rás 2 eigið það tvennt sameiginlegt Jens, að vera stamarar en samt frábærir útvarpsmenn. 

Stefán (IP-tala skráð) 5.12.2018 kl. 07:21

3 Smámynd: Jens Guð

Ingibjörg,  takk fyrir hlý orð.

Jens Guð, 5.12.2018 kl. 09:16

4 Smámynd: Jens Guð

Stefán,  takk fyrir þessa lýsingu á okkur Óla Palla.

Jens Guð, 5.12.2018 kl. 09:18

5 Smámynd: Sigurður I B Guðmundsson

Ég stamaði sem krakki og var látinn á "stamnámskeið" ásamt mörgum öðrum krökkum sem stömuðu líka. Eftir ca. tíu skipti og æfingar sem ég átti að gera heima (og gerði)var ég orðinn góður en man vel hvað ég skammaðist mín fyrir að þurfa að vera á þessu "námskeiði"!!!

Sigurður I B Guðmundsson, 5.12.2018 kl. 18:00

6 Smámynd: Jens Guð

Sigurður I B,  ég vissi ekki að fólk geti vanið sig af stami á námskeiði.  En gott mál.  Alltaf lærir maður eitthvað nýtt í landafræði.

Jens Guð, 5.12.2018 kl. 18:47

7 identicon

Í dag afstamar fólk sig ( þá helst krakkar ) hjá talmeinafræðingum.

Stefán (IP-tala skráð) 5.12.2018 kl. 20:22

8 Smámynd: Jens Guð

Stefán,  ég þekki það ekki.  Eflaust er þetta rétt hjá þér.

Jens Guð, 5.12.2018 kl. 20:29

9 identicon

Talandi um málfar ... hvað skeði eiginlega fyrir Vigdísi Hauks, sem nú virðist í fyrsta skipti ekki geta tjáð sig ?

Stefán (IP-tala skráð) 6.12.2018 kl. 19:52

10 identicon

Burtséð frá efni málsins þá fékk ég vægt nostalgíukast yfir laginu í spilaranum. Dásamlegar minningar frá þessum árum.

Sigurður Bjarklind (IP-tala skráð) 7.12.2018 kl. 06:49

11 identicon

Ó, eðli málsins skal það vera. Biðst afsökunar.

Sigurður Bjarklind (IP-tala skráð) 7.12.2018 kl. 16:39

12 Smámynd: Jens Guð

Stefán (# 9),  hún er kjaftstopp.

Jens Guð, 7.12.2018 kl. 19:18

13 Smámynd: Jens Guð

Sigurður Bjarklind,  þú hefur væntanlega tekið eftir því að Roger Daltrey stamar í söngnum.

Jens Guð, 7.12.2018 kl. 19:19

14 identicon

Já Jens, Simmi ætti að taka Vigdísi til fyrirmyndar og þegja.

Stefán (IP-tala skráð) 8.12.2018 kl. 14:33

15 Smámynd: Jens Guð

Stefán (#14),  Vigdís bíður róleg á hliðarlínunni;  bíður eftir því að Sigmundur hrökklist úr formannsstólnum.  Þá er hennar tími kominn.

Jens Guð, 9.12.2018 kl. 19:39

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.