5 tíma svefn er ekki nægur

  Sumt fólk á það til á góðri stundu að hreykja sér af því að það þurfi ekki nema fimm tíma nætursvefn.  Þetta hefur verið rannsakað af New York háskóla í læknisfræði.  Dr. Rebecca Robbins leiddi rannsóknina.  Niðurstaðan er sú að hugmyndin um að fimm tíma svefn sé ekki aðeins bull heldur skaðleg.   

  Þetta stuttur nætursvefn eykur mjög líkur á fjölda lífshættulegra heilsubresta,  svo sem hjartaáfalli, heilablóðfalli og almennt ótímabærum dauða.  Fólki er ráðlagt frá því að horfa á sjónvarp fyrir háttatíma.  Jafnframt er upplýst að neysla áfengra drykkja undir svefn rýri svefngæði.  Frá þessu segir í The Journal Sleep Health en ekki hinu:  Að heppilegast sé að stunda morgundrykkju samviskusamlega.  

  Rannsóknin byggir á yfir 8000 gögnum.   

 

 

Athugasemdir

[Þorsteinn Briem, 3.7.2019 kl. 01:20]

Morgunstund gefur Egils gull í mund, segir Miðflokkurinn þegar hann skríður út af Klausturbarnum á morgnana.

[Jón Valur Jensson, 3.7.2019 kl. 03:38]

Naumast tekur nokkur mark á Steina Briem nema í versta falli Jón Frímann.

En ertu í alvöru að ráðleggja okkur, Jens minn, að kneyfa rauðvín á morgnana, skvetta í okkur brennivínsstaupi eða drekka jafnvel drjúgt af bjór fyrir hádegið?  

[Sigurður I B Guðmundsson, 3.7.2019 kl. 08:28]

En að fá sér "kríu"? Gleymdist að athuga það?? P.S. Á ekki lagið: I´m only sleeping með Bítlunum vel við.!

[Stefán (IP-tala skráð) 4.7.2019 kl. 14:07]

Ég veit ekki Þorsteinn Briem ... mér er sagt að það lið sem þú nefnir sé meira og minna skríðandi þarna út og inn allan opnunartímann, já jafnvel skríðandi.

[Jens Guð, 4.7.2019 kl. 17:45]

Steini, ég vil heldur Föroya Bjór Gull.

[Jens Guð, 4.7.2019 kl. 17:45]

Jón Valur,  ekki í alvöru.

[Jens Guð, 4.7.2019 kl. 17:46]

Sigurður I B,  Bítlalög eiga alltaf vel við!

[Jens Guð, 4.7.2019 kl. 17:49]

Stefán,  barinn hlýtur að blómstra fjárhagslega.