Ósvífin börn gerðu hróp að gömlum manni

3.1.2020 | 00:39

Ósvífin börn gerðu hróp að gömlum manni

Ég fagnaði jólunum í Edinborg í Skotlandi. Tók hvorki með mér tölvu né síma. Var bara í algjörri hvíld. Þannig hleður maður batteríin. Verra var að illa uppalin börn gerðu hróp að mér með uppnefnum. Og það í tvígang. Í bæði skiptin var um að ræða á að giska fimm ára stelpur. Í fyrra tilfellinu var ég á gangi í tívolí-garði. Skimaði þar eftir indverskum mat. Þá vatt sér að mér frekjuleg stelpa sem togaði í ermina á mér og sagði á ensku:

"Jólasveinn, komdu í heimsókn til okkar!"

Það lá við að ég gæfi barninu "fuck you" merki. En stillti mig. Veifaði bara í staðinn.

Næst var ég staddur á matsölustað. Fékk mér djúpsteiktan þorsk. Á næsta borði sat karl ásamt börnum. Hann var með bendingar á eitt barnið og hló dátt. Ég vissi ekki hvað það átti að þýða. Svo yfirgaf hópurinn staðinn. Þá snéri sér að mér stelpa sem hrópaði upp í opið geð á mér hátt og snjallt á ensku: "Hóhóhó! Gleðileg jól, jólasveinn!"

&nbsp;

Meginflokkur: Lífstíll | Aukaflokkar: Matur og drykkur, Spaugilegt, Spil og leikir | Breytt 4.1.2020 kl. 20:16 | Facebook

Athugasemdir

Það er nú varla við blessuð börnin að sakast. Þú hlýtur að kalla þetta yfir þig.

Sigurður Bjarklind (IP-tala skráð) 3.1.2020 kl. 06:26

Næst skaltu skilja "búninginn" eftir heima!!!!

Sigurður I B Guðmundsson, 3.1.2020 kl. 12:08

Ég hélt að það úði og grúði af hvítskeggjuðum körlum í Skotlandi?

Bjarni Gunnlaugur (IP-tala skráð) 3.1.2020 kl. 13:23

Ég hebdi nú hótað því að kalla á hann Leppalúða pabba minn.

Jósef Smári Ásmundsson (IP-tala skráð) 3.1.2020 kl. 14:29

Góðlegur íslenskur Jólasveinn í útrás eða þannig. Bara gaman að því, en nú á War is Over ekki við vegna þess að versti Jólasveinn í heimi Donald Trump er að búa til stríð í Mið-Austurlöndum.

Stefán Guðmundsson (IP-tala skráð) 3.1.2020 kl. 16:35

Af hverju fékk ég ekki nýja tölvu eins og þú lofaðir mér, Jólasvein!!???

FORNLEIFUR, 3.1.2020 kl. 18:16

Ég hélt að Jens Guð hefði húmor.

Hörður Þormar, 4.1.2020 kl. 17:42

hahaha ekki er ég nú hissa kæri skólabróðir. Mér finnst þú hefðir átt að lauma að þeim smá nammi og gleðjast með þeim, sem ég held þú hafir gert í alvöru. Gleðilegt nýtt ár.

Gudrun Ketilsdottir (IP-tala skráð) 4.1.2020 kl. 19:09

Sigurður Bjarklind, þetta er rétt hjá þér. Sennilega ruglaði rauða skotthúfan líka börnin í ríminu.

Jens Guð, 5.1.2020 kl. 16:00

Sigurður I B, ég mun gæta þess vel.

Jens Guð, 5.1.2020 kl. 16:01

Bjarni, nei, ég sá engan slíkan í Edinborg. Kannski voru þeir í Glasgow.

Jens Guð, 5.1.2020 kl. 16:02

Jósef Smári, ég fattaði það ekki. Enda fattlaus, eins og þú veist.

Jens Guð, 5.1.2020 kl. 16:04

Stefán, Dóni Trump og rokkmúsík virðast ekki eiga samleið. Þegar Neil Young, Adele og Aerosmith afneita honum hefur haninn galað þrisvar.

Jens Guð, 5.1.2020 kl. 16:11

Fornleifur, það var kerfisvilla. Hláleg kerfisvilla.

Jens Guð, 5.1.2020 kl. 16:13

Hörður, það er útbreiddur misskilingur. Ég veit ekki einu sinni hvað húmor er.

Jens Guð, 5.1.2020 kl. 16:14

Guðrún, gleðilegt nýár kæra skólasystir. Þið, stelpurnar í Hlíð, sluppuð betur en hinar við að ég stal nammi frá þeim. Hreinsaði ítrekað heimavist skólahússins. Það var ekki illa meint. Meira forvörn gegn tannpínu.

Jens Guð, 5.1.2020 kl. 16:20

Hér er a.m.k. einn. https://www.youtube.com/watch?v=7g_zqeXnzT4

Bjarni Gunnlaugur (IP-tala skráð) 12.1.2020 kl. 19:24