Furðuleg sölubrella

  Á föstudaginn bauð 10-11 landsmönnum í kaffi- og kakóveislu.  Það gerði fyrirtækið með 2ja dálka x 40 cm auglýsingu í grænum lit í Fréttablaðinu (einkennislit fyrirtækisins).  Hvað með það?  Vel boðið.  Nema hvað.  Svo einkennilega vill til að fyrirtækið 10-11 er ekki til.  Þetta var vinsæl matvöruverslun.  Hún vann sér til frægðar að vera dýrasta búð landsins.  Svo breyttist hún í Kvikk og Krambúðina.  Þá lækkaði verðið um 25% með einu pennastriki.  Svo einfalt og auðvelt var það.  

  Þetta var hrekkur.  Langt frá 1. apríl.  Kaffiþyrstur kunningi minn ók til Mosfellsbæjar og Voga á Vatnsleysuströnd.  Honum fannst hann vera hafður að fífli.  Hvergi var ókeypis kaffi að finna.  Reyndar þurfti þetta ekki til að hann væri eins og hafður að fífli.  Hann er fífl. 

  Annað:  Rory and The Hurricanes voru stóra nafnið í Liverpool á undan Bítlunum.  Miklu munaði að Bítlarnir sömdu sín eigin lög.  Góð lög.   Bestu lög rokksögunnar.  Að auki tefldu Bítlarnir fram tveumur bestu rokksöngvurum dægurlagaheims.  Ringo var trommari Hurrycanes.  Já, og síðar Bítlanna.  Þar veðjaði hann á réttan hest.  Mestu skipti að honum þótti Bítlarnir vera miklu fyndnari og skemmtilegri en liðsmnenn Hurrycanes.  Að vera í Bítlunumn var eins og að vera í skemmtiþætti Monty Python.  Fyndnustu brandarar í heimi á færibandi.     

 

Athugasemdir

[Sigurður I B Guðmundsson, 12.4.2020 kl. 11:17]

En sá sem samdi þetta lag var ekki fífl og átti fyrir kaffi og "með því"!!

[Jósef Smári Ásmundsson (IP-tala skráð) 12.4.2020 kl. 11:28]

Ohh. Ætli maður hafi ekki heyrt þetta áður " kunningi minn". Þetta er nú eins og þegar maður labbaði inn í apótekið í gamla daga og bað um smokka." Þeir eru fyrir vin minn". Ekki reyna svona , Jens.

[Þorsteinn Siglaugsson, 12.4.2020 kl. 13:59]

10-11 var einu sinni í eigu Haga. Þá var vegferð ávaxtanna þannig: Fyrst fóru þeir í Hagkaup. Þegar þeir fóru að verða slappir fóru þeir í Bónus og verðið lækkaði. Þegar þeir voru loks orðnir óætir fóru þeir í 10-11 og verðið tvöfaldaðist. Þetta var briljant viðskiptalíkan og virkaði vel meðan 10-11 var eina búðin sem var opin fram á kvöld.

[Jens Guð, 12.4.2020 kl. 16:52]

Jóserf Smári,  láttu mig kannast við það.  Ég sagðist alltaf vera að kaupa fyrir Óla Þór.   Afi hans átti apótekið og dóttir hans afgreiddi.  Ég veit hvernig þetta var afgreitt heima fyrir.  Ég segi ekki meir.  Við vorum æskuvinir. 

[Jens Guð, 12.4.2020 kl. 16:58]

Þorsteinn,  ég hef heyrt þessa útgáfu.  Frá fyrstu hendi.  Minna fór fyrir því að kassastrákarnir í Hagkaupum báru töluleiki út í kassavís.  Hver um sig náði í tugi tölvuleikja á einu kvöldi,  Þetta var á síðustu öld. 

[Sigurður I B Guðmundsson, 12.4.2020 kl. 17:13]

Þetta er hreinræktaður Nonni vinur Palla sem á þetta lag og syngur. Ekki satt?

[Jens Guð, 13.4.2020 kl. 09:25]

Sigurður I B,  John samdi lagið að stórum hluta og syngur það. 

[Stefán (IP-tala skráð) 13.4.2020 kl. 15:33]

Held að Skeljungur/Orkan (Jón Ásgeir) eigi og reki Kvikkverslanir í dag og þeir eru því að reyna að fá fólk á eldsneytisdælur sínar með svona kaffi auglýsingum. Kaffibolli vegur ekki þungt á móti hækkaðri álagningu á eldsneyti. 

[Stefán (IP-tala skráð) 13.4.2020 kl. 15:40]

Lagið Baby You,re A Rich Man er byggt á ókláruðu lagi Johns sem kallaðist One Of the Beautiful People og Paul lagði til viðlagið. 

[Helga Kristjánsdóttir, 13.4.2020 kl. 17:34]

 Krambúð er rekin í Kópavogi, við hlið hennar er fiskbúð sem ég sæki í,en leyfi mér að skreppa inn í kramið ef vantar eitthvað smálegt; þar hitti ég aldrei á röð sem er gott fyrir fólk með hækjur.

[Jens Guð, 13.4.2020 kl. 23:09]

Stefán (# 8),  takk fyrir upplýsingarnar. Ég fór í Krambúð um daginn og var boðið kaffi.  Ég spurði hvað væri í gangi.  Afgreiðslustúlka sagði:  Það kemur eiginlega enginn inn án þess að kaupa eitthvað.  

[Jens Guð, 13.4.2020 kl. 23:22]

Stefán (# 9),  Paul átti þetta til:  Að henda inn viðlagi eða millikafla.

[Jens Guð, 13.4.2020 kl. 23:28]

Helga,  ég þarf að finna búðina.  Er búsettur í Kópavogi og hef fyrir satt að Krambúðir selji vörur sem nálgast síðasta söludag á verulegu afsláttarverði.  Að minnsta kosti Krambúð á Skólavörðustíg (ég á bara aldrei leið um Skólavörðustíg).