Uppáhalds tónlistarstílar

Fyrir nokkru efndi ég á þessum vettvangi - minni bloggsíðu - til skoðanakönnunar um uppáhalds tónlistarstíla lesenda.  Þetta er ekki skoðanakönnun sem mælir músíksmekk almennings - vel að merkja.  Einungis músíksmekk lesenda bloggsíðunnar.  Niðurstaðan speglar að lesendur séu komnir af léttasta skeiði eða þar í grennd.  Það gerir könnunina áhugaverðari fyrir minn smekk.  Mér kemur ekkert við hvaða músík börn og unglingar aðhyllast. 

  Nú hafa 1000 atkvæði skilað sér í hús.  Stöðuna má sjá hér til vinstri á síðunni.  Niðurstaðan kemur að mörgu leyti á óvart.  Og þó.  Hún er þessi:

1. Þungarokk 16.1%

2. Djass 15.5%

3. Pönk/nýbylgja 15%

4.  Reggae (world music)  13,2%

5.  Þjóðlagatónlist (órafmögnuð)  10,8%

6.  Blús  7,6%

 

7  Rapp/hipp-hopp  6,2%

8  Skallapopp/píkupopp  6,1%

9  Sítt að aftan/80´s  5,8%

10  Kántrý  3,8%

  

Athugasemdir

[Stefan (IP-tala skráð) 30.4.2021 kl. 09:22]

Það vantar Classic Rock ?

[Jósef Smári Ásmundsson (IP-tala skráð) 30.4.2021 kl. 09:28]

Vantar progrokkið og klassíska tónlist. Eru þetta einhverjir gamlir unglingar sem settu saman þennan lista?

[Jens Guð, 30.4.2021 kl. 10:01]

Stefán,  þetta eru svona helstu músíkstílar.  Þungarokk er fulltrúi classic rock.  Það vantar harmónikumúsík,  kórsöngva,  sinfóníutónlisrt og 500 fleiri stíla.

[Jens Guð, 30.4.2021 kl. 10:14]

Jósef Smári,  hálf sjötugur gamlingi setti upp þennan lista.  Fyrirmyndin er hliðstæðir listar sem erlendir tónlistarmiðlar hafa sett upp.  Svona í grófum dráttum.  Ég hefði tekið vel í athugasemd/tillögu ef hún kæmi fyrr fram.

[Sigurður I B Guðmundsson, 30.4.2021 kl. 10:51]

Ekkert BÍTL!!

[Stefan (IP-tala skráð) 30.4.2021 kl. 11:49]

I minum huga er classic rock t.d. Beatles, Stones, Kinks, Pink Foyd, Clapton, Bowie, Roxy Music, Grateful Dead, Doors, CCR, Smiths, Radiohead.

[Jens Guð, 30.4.2021 kl. 13:56]

Sigurður I B,  Bítlarnir eru ekki einn músíkstíll.  Bítlarnir spiluðu þungarokk,  djass,  reggí,  órafmagnaða þjóðlagatónlist,  blús,  kántrý og allskonar. 

[Jens Guð, 30.4.2021 kl. 14:01]

Stefán, rokkaðri lögin með þessum eru á öllum classic ROCK listum,  ásamt Black Sabbath,  Deep Purple,  Led Zeppelin,  Hendric,  Ac/Dc...