Ástarsvik eða?

  Hann er á sjötugs aldri.  Á enga vini og er ekki í samskiptum við neina ættingja.  Skapgerðarbrestir eiga hlut að máli.  Hann pirrast af litlu tilefni,  snöggreiðist og verður stóryrtur.  

  Hann er heilsulítill offitusjúklingur;  étur daglega lófafylli af pillum.  Hann er nánast rúmfastur vegna orkuleysis,  mæði,  blóðþrýstings,  brjóstsviða,  magakveisu og allskonar.

  Hann er mjög einmana.  Fyrir nokkrum árum skráði hann sig á stefnumótavefinn Tinder.  Um leið og hann skráði sig heilsaði upp á hann þrítug fegurðardís í Úkraínu.  Hún sagðist vera forfallin Íslandsaðdáandi.  Hún fagnaði því að ná sambandi við Íslending.  Þau spjölluðu vel og lengi.  Og ítrekað.  Fljótlega samdi daman um að þau myndu skrá sig af Tinder og þróa þeirra samband.

  Stúlkan er í stopulli vinnu og hugsar um veika móðir sína.  Hún er í fjárhagsvandræðum.  Að því kom að hún bað um smá peningalán.  Svo færði hún sig upp á skaftið.  Aldrei er neitt endurgreitt.  Hún fór að ávarpa kallinn sem "kæra eiginmann sinn".  Hann er uppveðraður af því.  Sýnir hverjum sem er ljósmynd af fallegu eiginkonu sinni. 

  Verra er að hann gengur nærri sér til að senda "eiginkonunni" sem mestan pening í hverjum mánuði.  Hann sveltir dögum saman og nær ekki alltaf að leysa út lyfin sín með tilheyrandi afleiðingum.

  Konunni til afsökunar má telja að hún veit ekki af heilsuleysi mannsins.  Á móti kemur að samband þeirra gefur tilveru hans lit.  Það slær á einmanaleikann. 

 

Athugasemdir

[Jóhann Elíasson, 3.7.2025 kl. 11:29]

Ég er ekki alveg viss um að "manngreyið" hafi leitað sér hjálpar á réttum stað ???????

[Jens Guð, 3.7.2025 kl. 12:13]

Jóhann,  góður!

[Stefán (IP-tala skráð) 3.7.2025 kl. 13:06]

Heyrði í hádegisfréttum það sem ég hef sjálfur upplifað á götum borgarinnar að undanförnu. Bílstjórar bólgnir af frekju og illsku ( já,  rauðþrútnir eins og maðurinn á myndinni ) flautandi á allt og alla og steytandi hnefa. Á Alþingi eru þingmenn stjórnarandsöðunnar bólgnir af frekju og illsku ( já, rauðþrútnir eins og aumingja maðurinn á mundinni ) að gera út af við landann með vita gagnslausu og heimskulegu málþófi. Það er líklegasta ástæðan fyrir þeirri ókyrrð og ofsaakstri í umferðinni. 

,, Vitskert veröld, skipuð vitskertum verum sem heyja stríð sín á milli. Ég segi skoðun mína ,,   Einar Vilberg.

,, Góðar sundlaugar-sterkt velferðarkerfi-kjósum Sósíalista ,, Einar Már Guðmundsson - Þar er líka vitskert veröld Einar Már

[Jens Guð, 3.7.2025 kl. 13:26]

Stefán,  það er allt á hvolfi allsstaðar!

[Stefán (IP-tala skráð) 3.7.2025 kl. 13:34]

Leiðrétting ,, skipuð vitstola verum ,, er rétt í kveðskap Einars Vilberg í flottu lagi frá 1970

[Sigurður I B Guðmundsson, 3.7.2025 kl. 21:42]

Held að þessi mynd af henni sé á tómatsósu frá Uganda!

[Jens Guð, 4.7.2025 kl. 08:23]

Sigurður I B,  ég gæti trúað að þetta sé rétt hjá þér!

[Guðjón E. Hreinberg, 4.7.2025 kl. 17:56]

Er hún með email þessi geðgóða stúlka? Ég er mjög einmana. Hún gæti átt systur.

[Jens Guð, 4.7.2025 kl. 18:06]

Guðjón E,  hún er áreiðanlega með e-mail.  Ég veit ekki netfangið.  Hinsvegar hlýtur hún að eiga einhverjar frænkur sem geta slegið á einmannaleika eldri karla.  Til þess er Tinder.  

[Stefán (IP-tala skráð) 4.7.2025 kl. 21:45]

Guðjón, þú ættir frekar að hafa samband við gullfallega Höllu forseta frambjóðanda og hjálpa henni úr kóngulóarvef Framsóknarflokksins. 

[Guðmundur Ásgeirsson, 5.7.2025 kl. 02:28]

Það er hægt að finna gervigreindarkærustur ókeypis á netinu ef þið kunnið leita ágætu gamlingjar. Meginreglan er að ef "hún fann þig" ert þú skotmark svika en ef þú kannt að haga þér rétt getur þú nokkuð auðveldlega forðast tjón.

[Jens Guð, 5.7.2025 kl. 12:45]

Guðmundur,  takk fyrir fróðleikinn

[Stefán (IP-tala skráð) 5.7.2025 kl. 14:52]

Fallega Halla er svo óskaplega týnd og tröllum gefin í sínum slæma félagsskap. Mér dettur í hug hafmeyja í ölduróti umkringd hákörlum. Vill einhver hugprúður maður reyna að bjarga henni frá þessum slæma félagsska áður en hún sogast alveg niður með þeim.

[Jens Guð, 5.7.2025 kl. 19:14]

Stefán (# 13),  ég fatta ekki hvaða Höllu þú vísar til.

[Stefán (IP-tala skráð) 5.7.2025 kl. 22:04]

Fallega Halla sem náði ekki forsetakjöri og lenti í skaðræðis gini Framsóknarflokksins sem sogar fólk inn í svarthol.

[Jens Guð, 6.7.2025 kl. 12:59]

Þar fór góður biti í hundskjaft!

[Jóhann Elíasson, 7.7.2025 kl. 18:28]

Ég held að Stefán eigi við Höllu Hrund Logadóttur.  Einhverjum finnst hún kannski "ísmeygileg" en það fauk veg allrar veraldar þegar hún byrjaði að tala og mín vegna getur hún lagt lag sitt við Framsókn, "einhvers staðar verða vondir að vera"...

[Jens Guð, 7.7.2025 kl. 19:50]

Jóhann,  þessi er sterkur!