Viðskiptavinir ráða verðinu

  Í París er veitingahús sem verðleggur ekki réttina á matseðlinum.  Viðskiptavinir fá sjálfir að verðleggja réttina.  Ekki er gerð nein athugasemd þó að viðskiptavinir borgi kjánalega lítinn pening fyrir veisluréttina.

  Forsaga þessa uppátækis nær mörg ár aftur í tímann.  Veitingahúsið átti afmæli.  Til hátíðabrigða fengu viðskiptavinir sjálfir að verðleggja matinn á afmælisdaginn.  Við kassauppgjör um kvöldið uppgötvaðist að gestirnir höfðu að meðaltali borgað meira fyrir veitingarnar heldur en ef farið hefði verið eftir verðlista. 

  Eigandinn ákvað þá að framlengja afmælisfagnaðinum um viku.  Sagan endurtók sig alla dagana:  Gestir verðlögðu veitingarnar hærra en eigandinn.  Vegna þess hvað útkoman var góð þá hefur matseðill veitingahússins verið án verða síðan. 

  Íslensk veitingahús mættu taka upp þennan hátt.  Og íslenskar verslanir.  Líka bifreiðaverkstæði.   

Athugasemdir

[Jón Steinar Ragnarsson, 21.2.2007 kl. 22:35]

EKki slæm hugmynd og vert að láta reyna á hana.  Þetta sannar einnig að fólk er í heildina litið trútt sjálfu sér og hreinskiptið, þó ómerkilegir nirflar finnist innan um.

[Jens Guð, 21.2.2007 kl. 23:53]

Sumir borga víst lágar upphæðir en það jafnast upp og gott betur af því að flestir verðleggja réttina á sléttri tölu fyrir ofan það sem var áður verðlagt á lægra verði.  Ef við yfirfærum þetta á íslenskar krónur þá myndi á matseði einhver réttur vera verðlagður á 890 kall en viðskiptavinurinn kvitta fyrir sig með 1000 kalli þegar hann gerir upp.

Annað:  Mikið er gaman og fróðlegt að lesa pistla þína um Grænland.  Ég hvet lesendur minnar bloggsíðu að fletta upp þeirri skemmtilegu lesningu.   

[Jón Steinar Ragnarsson, 22.2.2007 kl. 00:13]

Takk  félagi.

Það er mér mikil hvatning og gleði  að fá svona fallegar og góðar undirtektir.

[Stefán (IP-tala skráð) 22.2.2007 kl. 10:56]

Hér á landi er það aðallega hinn steingeldi Framsóknarflokkur með Guðna Ágústsson í broddi fylkingar sem stjórnar verðlagningu á landbúnaðarvörum, sem veldur því að við búum við heimsins hæsta verð á landbúnaðarvörum. Það viljum við auðvitað ekki búa við til frambúðar og sniðgöngum því Framsóknarflokkinn í kosningunum í vor.

Stefán

[Jens Guð, 23.2.2007 kl. 00:03]

Framsóknaróværan nær alltaf að redda sér fyrir horn á síðustu metrum kosningabaráttu.  Framsóknarhræið er alltaf með snjallasta auglýsingafólkið á útopnu.  Á níunda áratugnum var það ég sem stimplaði flokkinn inn á malbikið í Reykjavík.  Þá var almennilegt fólk í forystu flokksins.  Þar fyrir utan þá skipti það mig litlu máli hver var viðskiptavinur auglýsingastofunnar SGS sem ég vann þá hjá.  Vann bara mitt verk út frá metnaði gangvart því að markaðssetning skilaði árangri.  Burt séð frá því hvort það var til að efla sölu á súkkulaði,  bílum eða öðru.