Nágrannar

  Nýskipaður ræðismaður Íslands í Færeyjum,  Eiður Guðnason,  talar um Færeyinga sem "okkar næstu nágranna".  Að öllum líkindum er Eiður að vísa til þess að landfræðilega séu Færeyjar næst Íslandi af öllum löndum.  Staðreyndin er sú að Grænland er miklu nær Íslandi.  Ég hef sjálfur mælt það.

  Sá möguleiki er fyrir hendi að Eiður eigi einmitt við það:  Að Grænlendingar séu okkar fyrstu nágrannar en Færeyingar þeir næstu þar á eftir."

  Ræðismennska Íslands í Færeyjum hefur fram til þessa verið sjálfboðaliðsstarf,  unnið af áhuga fremur en öðrum hvötum.  Það eru þess vegna nýmæli að Eiður fær þokkalegan vasapening fyrir að sinna starfinu,  röska milljón á mánuði og allt frítt.  

Athugasemdir

[Ásthildur Cesil Þórðardóttir, 22.2.2007 kl. 10:45]

Ha er þetta nýtilkomið ? Ja hérna hér.  Þeir er ef til vill að skófla út þessum sendiherrum sem eru bara hér heima og hafa sennilega lítið að gera.  Betra að hafa þá í næsta nágrenni. 

[Jens Guð, 22.2.2007 kl. 11:14]

Já, þetta er nýtilkomið.  Samkvæmt lögum má sendiherra ekki vera nema í tiltekinn árafjölda á sama stað.  Utanríkisráðherrar síðustu ára hafa verið svo ákafir í að festa íslensku sendiráðin í sessi sem ruslakistur fyrir aflóga stjórnmálamenn að framboð sendiherra er orðið meira en eftirspurn.  Ræðismannsembætti Eiðs í Færeyjum er redding fyrir horn.

[Ásthildur Cesil Þórðardóttir, 22.2.2007 kl. 14:31]

Það þarf að taka til hendinni í þessu utanríkisbatteríi.  Gat ekki frú Valgerður sent konu til færeyja, þar sem hún hefur líka þessar litlu áhyggjur allt í einu út af valdaleysi þeirra ? 

[Jens Guð, 22.2.2007 kl. 22:55]

Þessar sendiherrastöður virðast fráteknar fyrir karla.  Er Sigríður Snævarr ekki eina konan í þessu embætti?  En hún tilheyrir reyndar innsta kjarna Sjálfstæðisflokksins,  gift Kjartani Gunnarssyni.