Herferð gegn píkum

  Þegar ég kom fyrst til Færeyja,  fyrir 10 - 12 árum,  vakti athygli mína límmiði í afturglugga margra bíla.  Á miðanum stóð "Herferð gegn píkum".  Þetta þótti mér sérkennileg herferð - þangað til ég komst að því að þarna var verið að berjast gegn notkun nagladekkja (eða píkudekkja eins og Færeyingar segja).  Herferðin skilaði góðum árangri.  Nagladekk sjást ekki undir bílum í Færeyjum í dag.  Og eyjarnar eru algjörlega lausar við svifryksmengun. 

 

Athugasemdir

[Jón Steinar Ragnarsson, 2.3.2007 kl. 15:03]

Klámtúrista hysterían var nú það sem mér kom í hug við lestur þessa upplýsandi pistils.  Tillar eru jú inklúderaðir í okkar herferð, enda getum við varla verið eftirbátar Færeyinga.

[Ásthildur Cesil Þórðardóttir, 2.3.2007 kl. 16:29]

Já ætli netlöggan komi ekki núna að skoða þetta  ertu ekki annars gildur limur í ríðingafélaginu?

[Jens Guð, 2.3.2007 kl. 19:32]

Ég er ekki gildur limur í neinu ríðingafélagi.  En það er alveg satt að þannig er textinn á félagsskírteinum færeyskra hestamanna:  Að viðkomandi sé gildur limur í Ríðingafélagi Klaksvíkur (eða annarra staða).  

[Ásthildur Cesil Þórðardóttir, 2.3.2007 kl. 19:54]

Já það er margt ólíkt og skondið í málum okkar frændþjóðanna.  Eins og ein auglýsing á hóteli þar sem stóð "Kamrinum lokað kl. hálf tólf"

[Jens Guð, 2.3.2007 kl. 21:56]

  Fyrir þá sem kunna ekki færeysku er rétt að upplýsa að færeyska orðið kamar þýðir herbergi.