Samkeppni um nöfn

  Í fyrra efndi MS (Mjólkursamsalan) til samkeppni um nýtt og ferskt nafn á fyrirtækið.  Glæsileg verðlaun voru í boði fyrir besta nafnið. 

  Um svipað leyti efndi VR (Verslunarmannafélag Reykjavíkur) til samskonar samkeppni.  Félagsmenn jafnt sem aðrir voru hvattir til að finna nýstárlegt nafn á félagið.  Nýja nafnið átti að hljóma nútímalegt og spennandi.

  Góð þátttaka var í báðum tilfellunum.  Frumleg og nýtískuleg nöfn streymdu inn.  Af mörgum góðum tillögum voru valin og verðlaunuð þessi nýju nöfn:  MS og VR.

Athugasemdir

[Jón Steinar Ragnarsson, 27.3.2007 kl. 14:16]

Þvílík andagift!  Það er ljóst að snillingar leynast undir yfirborðinu ef þeir eru lokkaðir fram með rausnarlegum fjárhæðum.  Sumt fer ekki eins vel. Samkeppni um myndverk við Þjóðarbókhlöðuna, skilaði til dæmis engum árangri, þar sem nefndinni bárust engar tillögur, sem samræmdust því sem leitað var að.  Fólk með svo fullmótaðar hugmyndir ætti náttúrlega bara að slá til og gera þetta sjálft.

[Björg F (IP-tala skráð) 27.3.2007 kl. 16:28]

Já við Íslendingar getum verið svo frumleg með eindæmum...  Hver ætli sé hinn skapandi höfundur?

[Guðríður Hrefna Haraldsdóttir, 27.3.2007 kl. 16:54]

Einu sinni efndu Flugleiðir til svona keppni um nöfn á vélarnar sínar. Nöfn með endingunni FARI urðu fyrir valinu. Pabbi sendi inn einhver ósköp af Dísar-nöfnum sem okkur þótt náttúrlega snilld. Ekki svo mörgum árum seinna datt einhverjum starfsmanni þar í hug að nefna vélarnar dísarnöfnum ... þurfti enga samkeppni það skiptið. Góður?

[Jón Steinar Ragnarsson, 27.3.2007 kl. 16:56]

Svo hér einn góður Gítarleikari, fyrir tónlistarunnandann.

[Jens Guð, 27.3.2007 kl. 20:16]

Strákurinn sem spilar á gítarinn hefur alla burði í að verða dúndur góður gítarleikari.