Skondið atvik

14.8.2007 | 22:10

Það eru margir ágætir þættir á Útvarpi Sögu. Meðal þeirra eru þættir þar sem hlustendur hringja inn og spjalla. Ásgerður Jóna Flosadóttir er með vikulegan þátt þar sem ýmis fyrirtæki gefa hlustendum eitt og annað: Út að borða, snyrtivörur og gönguferð fyrir einn upp á Esju.

Í síðasta þætti hringdi inn gamall blindur maður, Páll Stefánsson. Hann er einn af fastahlustendum Útvarps Sögu. Hringir inn í alla símatíma. Það er oft gaman að honum. En í þessu tilfelli var það ekki heldur var Ásgerður Jóna óvart fyndin. Hún var greinilega eitthvað utan við sig þegar Páll hringdi inn. Ásgerður spurði:

- Hvernig líst þér á að ég bjóði þér á Sögusafnið í Perlunni?

Páll minnti Ásgerði á að hann er blindur. Hún spurði þá;

- En keyrir þú bíl?

Flokkur: Sjónvarp | Breytt 19.10.2007 kl. 11:06 | Facebook

Athugasemdir

Ásthildur Cesil Þórðardóttir, 14.8.2007 kl. 22:27

Mér finnst þetta ósköp eðlileg spurning hjá Ásgerði Jónu. Hér hljóta flestir ökumenn að vera blindir, ef litið er á fjölda árekstra. Í miðborg Rómar sá ég hins vegar engan árekstur eða beyglaðan bíl í heila viku, þrátt fyrir að göturnar þar séu flestar miklu þrengri og umferðin mun meiri en hér í Reykjavík.

Steini Briem (IP-tala skráð) 14.8.2007 kl. 22:31

Ég hlustaði ekki á þetta en gef mér að þetta hafi verið hann Palli í Bárunni, eins og hann var kallaður á Króknum á yngri árum. Og hann er Hallgrímsson.

En það var líka á Króknum sem ötull sölustrákur bankaði uppá hjá Sveini blinda og bauð honum Ljósberann til kaups. "Það gengur ekki góði minn ég er blindur og get ekki lesið" sagði Sveinn. Stráksi gafst ekki upp: "Þú getur þó minnsta kosti skoðað myndirnar!"

Árni Gunnarsson, 14.8.2007 kl. 22:59

Vá, hún er svona týpa sem hvíslar þegar hún talar við fólk sem hefur misst röddina útaf hálsbólgu eða öðru..!

Maja Solla (IP-tala skráð) 14.8.2007 kl. 23:03

Árni, þessi er Stefánsson. Frábær sagan af stráknum.

Maja Solla, Ásgerður Jóna hefur silkimjúka rödd. Var söngkona á unglingsárum. Man bara ekki hvað vinsælt lag með henni hét. Hinsvegar hefur útvarpsstjórinn örlítið hása rödd sem er ekkert verra fyrir okkur sem höfum dálæti á Janis Joplin.

Jens Guð, 14.8.2007 kl. 23:21

Halla Rut , 15.8.2007 kl. 00:33

Ég man eftir sögunni sem Árni sagði, hló svo mikið að ég fékk hlaupasting! En við eigum öll/allar okkar "blond" móment. Mitt ljósasta var þegar ég fór með bílinn í skoðun uppá Höfða fyrir velnokkrum árum. Á meðan bíllinn var rannsakaður sat ég inní kaffistofu ásamt nokkrum fjölda af biðukollum og var niðursokkin í slúðurblað þegar skoðunarmaðurinn kom inn, rétti mér lyklana og sagði glaðlega: "Flott hjá þér! Allt í toppstandi, nema það vantar bremsuljósið vinstra megin". Ég stóð upp, brosti á móti og spurði: "-Aftan eða framan?"