Víkverji veitist að Erpi

 

 Á dögunum lýsti Víkverji Morgunblaðsins yfir undrun sinni á því að Erpur Eyvindarson væri álitsgjafi í söngvakeppni sjónvarpsins.  Það var ekki rökstudd frekar heldur lagði Víkverji blessun sína yfir að hinir álitsgjafarnir séu Selma Björnsdóttir og Þorvaldur Bjarni Þorsteinsson.

  Ég ætla ekki að reyna að geta í ástæður þess að Víkverji er ósáttur við Erp.  Erpur hefur yfirgripsmikla þekkingu á músík.  Hann hefur formlega verið sæmdur titlum á borð við poppstjarna ársins og sjónvarpsmaður ársins.  Lög hans og plötur hafa trónað á toppi vinsældalista.  Ein hljómsveitin hans sigraði í Músíktilraunum Tónabæjar og á feril sem geymir titla á borð við söluhæsta plata ársins og hljómsveit ársins.  Til viðbótar er Erpur afskaplega orðheppinn og hress.  Það gustar alltaf af honum.

  Hann hefur allt til að bera sem heppilegur álitsgjafi í söngvakeppni sjónvarpsins. 

Athugasemdir

[Gulli litli, 25.10.2007 kl. 16:42]

sammmmmmmmmála

[Halldór (IP-tala skráð) 25.10.2007 kl. 16:54]

Þarna er ég hjartanlega sammála þér og svo má kannski við þetta bæta að hundurinn er líka mjög vel gefinn.  Hann á miklu frekar heima þarn heldur en dansdrottningin en samt fínt að hafa svo ólíka einstaklinga sem álitgjafa á þessari annars ágætu keppni.

[Sigurður Viktor Úlfarsson, 25.10.2007 kl. 16:58]

Sammála.

Gleymum hins vegar ekki að grundvallaratriðið í opnu samfélagi er að menn megi hafa skrítnar skoðanir og jafnvel rangt fyrir sér og halda að það sé rétt svo lengi sem aðgát er höfð í nærveru sálar.

[Jens Guð, 25.10.2007 kl. 17:14]

  Ég er ekkert að banna Víkverja að hafa þessa skoðun.  Langt í frá.  Hinsvegar þótti mér rétt að benda á að Erpur er eins og klæðskerasaumaður í þetta hlutverk. 

[Anna Ólafsdóttir (anno) (IP-tala skráð) 25.10.2007 kl. 17:31]

Algjörlega sammála Þér. Mér finnst Erpur einmitt gott mótvægi við hin tvö og alveg bráðskemmtilegur þar að auki.

[Haukur Nikulásson, 25.10.2007 kl. 17:34]

Mér finnst nú samt einhvern veginn að Erpur Eyvindarson og Eurovision eigi frekar litla samleið þótt allt byrji þetta á E-i.

[Steini Briem (IP-tala skráð) 25.10.2007 kl. 17:37]

Hann er afar heimskur penni,
helvískur úti í Móa og ómenni,
ég held ég fari og hann berji,
hann er algjör api og Víkverji.

[Jens Guð, 25.10.2007 kl. 17:54]

  Anna,  ég kynntist Erpi fyrir 10 - 12 árum vestur á Ísafirði.  Hann var potturinn og pannan í öllu félagslífi unga fólksins á staðnum.  Og það er alltaf þannig að ef maður er einhversstaðar og Erpur mætir á svæðið þá breytist stemmningin samstundis.  Hún lifnar öll við.  Fjörið og hressileikinn taka völd.  Það er einmitt sú stemmning sem þátttaka hans í álitsnefndinni laðar fram.  Erpur þarf ekkert að setja sig í neinar stellingar eða rembast við að vera stuðbolti.  Honum er svo eðlislægt að vera hressi gleðigjafinn.

  Haukur,  ég get tekið undir það að Erpur er ekki fyrsta nafn sem kemur upp í hugann þegar Eurovision ber á góma.

  Steini,  þær eru alltaf vel þegnar þessar stökur þínar. 

[Magnús Geir Guðmundsson, 25.10.2007 kl. 18:54]

Erpur er flottur strákur já og vel gefin, karl faðir hans, Eyvindur P. sömuleiðis mjög góður rithöfundur. En svona bara til að móðga ekki gamlan kunningja, þá er "Flissarinn og brosboltinn" Tod Þorvaldsson, ekki Þorsteinsson!

[Jens Guð, 25.10.2007 kl. 19:14]

  Magnús,  takk fyrir að leiðrétta faðerni Þorvaldar Bjarna.  Eyvindur er margverðlaunaður rithöfundur.  Eyvindur gerir töluvert af því að kveða rímur.  Hann gerði plötu með Hilmari Erni Hilmarssyni fyrir nokkrum árum.  Þeir feðgar,  Erpur og Eyvindur,  eru skemmtilega ólíkir í framkomu.  Eyvindur er hægur og lágvær en Erpur ör og hávær.    

[Einar Bragi Bragason., 26.10.2007 kl. 00:54]

sammála Víkverja