Snilldar saga

  Magnús Skarphéðinsson,  músa-, hvala- og geimveruvinur,  er með allra skemmtilegustu mönnum.  Hann mætir alltaf í viðtal hjá Markúsi Þórhallssyni á Útvarpi Sögu fyrsta mánudag hvers mánaðar.  Magnús trúir á tilvist gömlu íslensku jólasveinanna og sagði sögur því til staðfestingar hjá Markúsi í dag. 

  Ein sagan var af manni sem var að keyra vörubíl fjarri mannabyggðum.  Skyndilega fylltist bílinn af sterkri hangikjötslykt.  Hún varði í klukkutíma.  Maðurinn var eðlilega undrandi þangað til hann uppgötvaði að þetta var einmitt dagurinn þegar Kjötkrækir kemur til byggða. 

Stálu sextán tonnum af skinku

Athugasemdir

[DoctorE (IP-tala skráð) 3.12.2007 kl. 20:06]

Ég heyrði í honum í útvarpinu þar sem hann staðhæfði að mynd sem hann taldi draug en kom í ljós að væri bara steinahrúga, að hann væri samt enn sannfærður um að þetta væri draugur :)
Hann er náttúrulega bara í business rétt eins og bara prestar & aðrir sem segjast trúa öllum andskotanum og fá pening fyrir ;)

[Steini Briem (IP-tala skráð) 3.12.2007 kl. 20:37]

Ég var niðri á Austurvelli um daginn og sá þar fullt af jólasveinum, 62 innandyra og einn utandyra, þannig að þeir sem ekki trúa á tilvist jólasveina eru nú sjálfir meiri jólasveinarnir! Þessi eini sem var utandyra sagðist heita Bjarni og það var hrossaketslykt af honum.

[Grimnir (IP-tala skráð) 3.12.2007 kl. 21:22]

Ég hitti mann um daginn sem sagðist hafa unnið í kjötbúðinni Borg við Laugarveg, þar sem hann kyntist Skarphéðni föður þeirra bræðra Magnúsar og Össurar og þeim sjálfum lítilega í gegnum hann.  Hann sagði að Magnús hefði alltaf verið talinn sá skarpari þeirra.    

[Fríða Eyland, 3.12.2007 kl. 21:53]

Það er spurning hvort að Gáttaþefur hafi fylgt, fylgju Ketkróks og yfirtekið (andsett) nef, bílstjórans eða að Stúfur hafi gert karlinn ímyndunarveikan er hann hugsaði um jólin. Trúlega er aðeins fyrir sérfræðinga að svara þessu.

[Hlynur Jón Michelsen, 6.12.2007 kl. 23:41]

Fólk hlær að trúgirni Magnúsar… en þetta fólk fer þó til kirkju á jóladag, lætur skýra, ferma og giftir sig fyrir augliti guðs.. Er einhver eðlismunur á trú fólks, hvort sem trúin beinist að himnaföðurnum, álfum, jólasveinum, dvergum,  tröllum eða draugum?

Það er ótrúlegur fjöldi fólks sem trúir á tilvist  guðs, álfa og drauga. Hvers vegna ekki Kjötkrók?