Nemendamótið á Steinsstöðum

  Flest okkar mættu í Steinsstaði á föstudagskvöldinu.  Margir gistu í skólahúsinu og sumir í "gamla fjósinu".  Ýmsir tjölduðu eða gistu í húsbíl.  Við röltum á milli til að kanna hverjir voru hvar.  Víða urðu fagnaðarfundir.  Svo brast á með söng inn á milli.  Nokkuð var liðið á nótt þegar kyrra tók og gengið var til náða.

  Á laugardeginum hófst dagskrá klukkan 1 eftir hádegi.  Veðrið var dásamlegt alla helgina.  Veðurfræðingar höfðu spáð rigningu.  Ég hef aldrei kynnst jafn þurri og sólríkri rigningu.  Guðni ljósmyndari og öryggisvörður í Mjódd hélt glæsilega ljósmyndasýningu fyrir utan skólahúsið.  Síðan var rölt um svæðið og alla leið til Varmalækjar þar sem nývígð reiðhöll Bjössa var skoðuð hátt og lágt.

  Aðal dagskráin hófst með borðhaldi klukkan 8 í Árgarði.  Hópurinn taldi um 100 manns.  Rúnar frá Sölvanesi var veislustjóri.  Hann fór á kostum og rúmlega það.  Reitti af sér brandara og lék á alls oddi.  Einnig las hann sitthvað upp úr blogginu mínu.  Það endaði með því að ég var klappaður upp á svið.  Þar rifjaði ég upp skrítnar minningar úr skólanum. 

  Maturinn,  framreiddur af listakokkum í Lýtingsstaðahreppi,  var alvöru veisla.  Að borðhaldi loknu var slegið upp dansleik og dansað fram á rauða nótt.  Þó að dansleikur tæki enda var haldið áfram að spjalla og rölt um svæðið fram á morgun.  Sunnudagurinn var hvíldardagur.       

 

 

Athugasemdir

[S. Lúther Gestsson, 9.6.2008 kl. 22:28]

Sem sagt bara týpiskt nemendamót sé ég.

[Haraldur Bjarnason, 9.6.2008 kl. 22:48]

Mikið djö...hafið þið verið afslöppuð þarna á sunnudeginum, Jens. Þetta hefur verið alvöru!!!!

[Jenný Anna Baldursdóttir, 10.6.2008 kl. 00:18]

Þú ert stundum fyndinn.

[Gulli litli, 10.6.2008 kl. 00:34]

Mér sýnist thetta allt vera Húnvetningar á myndunum.....

[Sigurður Þórðarson, 10.6.2008 kl. 07:46]

Það hefur verið mikið stuð á ykkur.

[Siggi Lee Lewis (IP-tala skráð) 10.6.2008 kl. 14:19]

Flottur þessi sem sofnaði með andlitið ofaní pissuskálinni......Hver ert þú af þessum myndum?

[Jón Ragnarsson, 12.6.2008 kl. 13:48]

Ég er ástfanginn....

[Vilborg Traustadóttir, 15.6.2008 kl. 22:46]

Þarna geta glöggir menn þekkt gömlu skóklasystkinin hvert af öðru. Jói og Mundi á Korná, Þormar, Heiða á Álfgeirsvöllum, Bjössi í Neðra Ási, Maggi á Vindheimum, Þormar og þú! Gott að "sendifulltrúi" minn villtist af leið og var drepinn, sá hefði komist í feitt!