Snilld! Eða eitthvað annað?

  Bono Vox,  söngvari írsku rokksveitarinnar U2,  blandar iðulega inn í hljómleikadagskrá hljómsveitarinnar hugleiðingum um trúmál,  stríð og frið,  fátækt,  hungur,  mengun og svo framvegis.  Nýverið voru U2 með hljómleika í Glasgow á Skotlandi.  Á miðjum hljómleikunum stöðvaði Bono músíkina og bað áheyrendur um algjöra þögn.

  Bono byrjaði að klappa saman höndum.  Ekki hratt heldur einu sinni á nokkurra sekúnda fresti.  Í salnum ríkti algjör þögn í langan tíma á meðan Bono klappaði saman höndunum.  Loks tók Bono til máls og tilkynnti með þunga í röddinni:  "Í hvert sinn sem ég klappa saman höndum þá deyr barn í Afríku."

   Mjóróma rödd framarlega í salnum kallaði reiðilega á móti með sterkum skoskum hreim:  "Hættu þá að klappa,  óþokkinn þinn!" 

Bono er lengst til vinstri á myndinni.  Þarna er hann að hjálpa öldruðum rokkgeggjara og einlægum U2-aðdáanda að standa á fætur - án þess að sá gamli missi súpuskálina af höfðinu.  Gamla konan í miðið er ekki eins ánægð með Bono.  Henni þykir Bono og U2 vera orðnir alltof poppaðir og "sell out".  "Það vantar alveg gredduna í þetta hjá ykkur í dag, strákar."  fullyrti sú gamla og sá enga ástæðu til að snobba fyrir rokkgoðinu.

Athugasemdir

[DoctorE (IP-tala skráð) 13.6.2008 kl. 00:09]

Bono er klárlega búinn að missa sig í trúarvæli og snobbi fyrir vatíkani og kuflum

[Brjánn Guðjónsson, 13.6.2008 kl. 00:27]

kvasseigirru! er bónkallinn búinn að missa gredduna?

[Jens Guð, 13.6.2008 kl. 00:35]

  DoctorE,  ég ber virðingu fyrir skemmtikröftum sem láta sig varða félagsleg vandamál og það allt.  En einhverra hluta vegna hef ég á tilfinningunni að Bono sé að tapa sér í sýndarmennsku - þó vonandi sé þetta allt af góðum vilja hjá honum.  Það er nokkuð langt síðan ég hætti að hlusta á nýjar plötur frá U2 mér til ánægju.  Kannski er Bono heill í sínu dæmi og einlægur.  Ég veit það ekki.  En músíkin er orðin ansi þunn og allt heila dæmið ber keim af,  já,  sýndarmennsku.

[Jens Guð, 13.6.2008 kl. 00:38]

  Brjánn,  ja,  í sveitinni væri maður farinn að flokka Bono með geldneyti.

[Magnús Geir Guðmundsson, 13.6.2008 kl. 07:54]

Góðan og blessaðan!

Jamm, frægðin lætur ekki að sér hæða, en eitthvað hefur nú Doktorinn hérna fylgst ílla með, því andlega sinnaðir hafa nú piltarnir alltaf verið hygg ég nú og ekki farið leynt a.m.k. í tilfelli söngvarans!

Síðasta plata, átti hún ekki að vera mikið rokkstykki, en var svo hætt við? Minnir það, en á henni var þó allavega eitt þrusugott og kraftmikið lag!

[DoctorE (IP-tala skráð) 13.6.2008 kl. 09:00]

Auðvitað er fínt að menn hjálpi eins og þeir geta en Bono karlinn sem var í uppáhaldi hjá mér í den er að mér sýnist að fjara út í rugli og bulli og líka tónlistarlega séð, sem er bara sorglegt.

[Gulli litli, 13.6.2008 kl. 09:28]

Þessu trúi ég upp á þennan ofmetna ansk....

[J. Einar Valur Bjarnason Maack , 13.6.2008 kl. 15:43]

...frábær saga.

Bono er pretentious git. 

[Heimir Tómasson, 22.6.2008 kl. 05:22]

Ég held að sá gamli á myndinni sé að segja "togaðu í puttann á mér".