Guðleysi - nýstofnað félag

3.9.2008 | 23:35

Guðleysi - nýstofnað félag

Fyrst þegar ég heyrði af fyrirhugaðri stofnun félagsins Guðleysi hélt ég að óreyndu að þarna væru óvinir mínir að sameinast í félagsskap. Þegar á reyndi og félagið hefur nú verið stofnað formlega og skráð liggur fyrir að félaginu er ekki beint gegn mér - að því er best verður ráðið. Stefna og markmið félagsins er að rjúfa samþættingu trúarbragða við stjórnmál í Færeyjum.

Íslendingar sem ferðast til Færeyja verða fljótlega varir við að trúmál spila miklu stærri rullu í færeysku samfélagi en við eigum að venjast. Í umræðum á færeyska lögþinginu er iðulega vitnað í bókstaf Biblíunnar. Mörgum þótti þetta keyra um þverbak í umræðunni fyrir jól 2006 þegar lagt var fram frumvarp á lögþinginu sem bannaði ofsóknir gegn samkynhneigðum. Eftir miklar umræður og harðvítug átök náði frumvarpið fram að ganga. Við kirkjur eyjanna var flaggað í hálfa stöng þegar frumvarpið varð að lögum.

Hópur ungra Færeyinga hefur stofnað félagið Guðleysi. Það er mikið hitamál í Færeyjum þessa dagana. Mörgum er brugðið og viðbrögð við félaginu eru hörð. Greinar með og á móti félaginu eru áberandi í færeysku dagblöðunum. Sprengju hefur verið varpað inn í umræðuna með stofnun þessa félags.

Eftir því sem mér skilst er félaginu ekki beint gegn trúarbrögðum sem slíkum heldur hefur félagið skorið upp herör gegn því að bókstafur Biblíunnar sé ráðandi í umræðu og afstöðu til samfélagsmála í Færeyjum. Félagar í Guðleysi eru ekki einungis trúlausir heldur einnig þeir sem aðhyllast önnur trúarbrögð en kristni.

Flokkur: Trúmál og siðferði | Breytt s.d. kl. 23:46 | Facebook

Athugasemdir

Ég mæli með því að Jens Guðlausi stofni útibú hér.

Ég er með

Þórður Helgi Þórðarson, 4.9.2008 kl. 10:51

Ég óska mönnum tilhamingju með þetta, alltaf gamað að sjá fólk vakna upp og standa gegn mesta bulli mannkyns.

Ég ætti kannski að stofna söfnuð sem trúir því að allir guðir séu ekkert nema Hitler grýla fornmanna....

Annars er ég búinn að vera að buffa trúarbrögð í hvað... 3 ár kannski, ég sé rosalega mikla breytingu, fólk um allan heim er að sjá hversu HEIMSKT þetta er, hvernig fólk getur aldrei sameinast sem bræður og systur á meðan fólk trúir á kexruglaða ímyndaða geimgaldrakarla og fjöldamorðingja.
Trú = Mesta sjálfselska í heimi... trú snýst ekki um guð, hún snýst um þann trúaða... takið upplognu verðlaunin með extra líf BANG enginn trúir á guð... no reward = no religion

DoctorE (IP-tala skráð) 4.9.2008 kl. 11:50

Stoltur af frændum vorum.

Áfram Guðleysi!

J. Einar Valur Bjarnason Maack , 4.9.2008 kl. 11:53

Flottir Færeyingarnir.

Helga Magnúsdóttir, 4.9.2008 kl. 11:56

Guðleysi er t.d allsráðandi í Rússlandi . Segir það ykkur eitthvað ? Nei, auðvitað sjáið þið aldrei samhengið . Sjáandi sjá menn ekki, og heyrandi heyra menn ekki .

conwoy (IP-tala skráð) 4.9.2008 kl. 12:33