Ofbeldislausri viku að ljúka

  Nokkrir þekktustu heimilisofbeldismenn Árborgar tóku sig saman á dögunum og samræmdu vikulangt hlé á barsmíðum sínum.  Þeir virkjuðu bæjaryfirvöld í Árborg með í átakið á þann hátt að bærinn kostaði dreifingu á orðsendingu inn á öll heimili í Árborg.  Þar voru íbúar hvattir til að styðja ofbeldismennina í þessu erfiða verkefni.  Ögra þeim ekki né reita til reiði.  Krakkar beðnir um að hafa hljótt á meðan ofbeldismaðurinn horfir á sjónvarp og láta lítið fyrir sér fara.  Konur beðnar um að gera ekkert sem vakið geti afbrýðisemi.

  Átakið hófst 8.  mars og stendur til 15.  mars.  Það hefur tekist vel það sem af er.  Sumir viðurkenna að hafa stundum verið nálægt því að springa á ofbeldisbindindinu.  Eftir samráð við hina í átakshópnum fékk einn útrás fyrir ofbeldisáráttuna með því að sparka í hundinn sinn.  Að mati hópsins var það ekki talið til heimilisofbeldis.

  Verslanir í Árborg hafa birgt sig upp af plástrum og sárasmyrslum til að vera við öllu viðbúnar 16. mars.    

Athugasemdir

[Stefán (IP-tala skráð) 14.3.2007 kl. 12:13]

Það má þá líklega búast við því að allt verði brjálað þarna þegar vikunni lýkur og uppsöfnuð reiðin brýst út á ný.

Stefán

[Jón Steinar Ragnarsson, 14.3.2007 kl. 23:35]

Þeim hefur ekki dottið  í hug að innleiða þumalfingursregluna? Rule of thumb er úr lögum frá 17. öld á Englandi, þar sem mönnum var bannað að berja konur sínar með breiðara priki en samsvaraði ummáls þumals þeirra.  Þar hallaði að sjálfsögðu á konur sem voru giftar stórgerðum mönnum. Lögin geta jú ekki alltaf gert öllum til hæfis.

[Jón Steinar Ragnarsson, 14.3.2007 kl. 23:37]

Já ég setti inn smá leiðbeiningar í gestabókina þína, ef þú hefur ekki kíkt á hana nýlega.

[Jens Guð, 15.3.2007 kl. 01:29]

Þumalfingursreglan er snilld!  Hehehe!