Hver skrökvar?

  Jón Steinar var ekki lítið hissa á dögunum þegar hann frétti að Ingibjörg Pálmadóttir sé sambýliskona Jóns Ásgeirs.  Þetta þykir Jóni Steinari óvænt og óþægileg tíðindi.  Hann hefur nefnilega samtímis unnið sem lögfræðingur fyrir Ingibjörgu annarsvegar og hinsvegar fyrir JónGerald sem stendur í illdeilum við fjölskyldufyrirtæki Ingibjargar og Jóns Ásgeirs.

  Ingibjörg fullyrðir að Jón Steinar hafi verið fullmeðvitaður um hagsmunaáreksturinn.  Sambúð hennar og Jóns Ásgeirs hafi verið opinber og þjóðkunn.  Ingibjörg kallar Lilju systur sína til vitnis um að Jón Steinar hafi ráðlagt sér að losa sig við Jón Ásgeir á þeirri forsendu að Jón Ásgeir sé viðarrengla sem heldur uppi torfi (eða raftur eins og hann orðaði það). 

  Hreini Loftssyni stendur hreint ekki á sama um málið.  Hreinn segir það vera hreint og klárt að Jón Steinar hafi hreint út sagst vita allt um sambúð Ingibjargar og Jóns Ásgeirs.  Það var hreinlega Hreinn sjálfur sem upplýsti Jón Steinar hreinskilnislega um það og fleira um Jón Ásgeir á sínum tíma.  Hreinn fullyrðir sömuleiðis að Jón Steinar hafi vísvitandi brotið trúnað gagnvart skjólstæðingi (Ingibjörgu) og sé óhreinlyndur,  rétt eins og Davíð Oddsson og Kjartan Gunnarsson.  Það hafi einmitt verið þeir tveir sem þvinguðu Jón Steinar eins og mannýgt hreindýr til að brjóta siðareglur lögmanna á þann hátt að Jón Steinar hafi tapað trúverðugleika sem dómari.

  JónGerald stendur aftur á móti með Jóni Steinari.  Alveg eins og Jón Steinar stendur með Jóni Geraldi í stríðinu við Jón Ásgeir.  Hver skrökvar?  Ég hef Jón grunaðan.  

Athugasemdir

[Guðríður Hrefna Haraldsdóttir, 21.3.2007 kl. 23:30]

Er þetta ekki bara allt sami maðurinn? Þetta er orðið mjög grunsamlegt!

[Rannveig Höskuldsdóttir (IP-tala skráð) 21.3.2007 kl. 23:37]

Góður!! Það bara getur ekki verið annar en Jón,að vísu er ekki sama Jón og Jón

kveðja.

[Jens Guð, 21.3.2007 kl. 23:41]

Það er að minnsta kosti auðvelt að ruglast á þeim,  ekki síður en ruglast af því að hlusta á þá.  Til að rugla þetta ekki um of blandaði ég ekki Jón-ínu Ben í pistilinn.

[Jón Steinar Ragnarsson, 22.3.2007 kl. 03:59]

Ha..ég???

[Stefán (IP-tala skráð) 22.3.2007 kl. 09:52]

En hvað á Jón Ásgeir margar konur ??? Hann mun allavega ennþá vera giftur fyrrum eiginkonu sinni, þó að hann búi með Ingibjörgu. Gott ef karl faðir hans er ekki líka giftur ennþá sinni XXX þó að hann hafi nú búið með þeim nokkrum síðan ( misjafnlega frægum ).

Stefán

[Jens Guð, 22.3.2007 kl. 13:29]

Ég þekki ekki til hjúskaparmála þeirra feðga.  En tek eftir að Ingibjörg er alltaf titluð sambýliskona Jóns Ásgeirs.  Aldrei kona Jóns Ásgeirs eða eiginkona hans. 

[Stefán (IP-tala skráð) 22.3.2007 kl. 14:07]

Jón Ásgeir getur ekki skilið við ,, fyrrverandi " konu sína vegna allra auðæfanna sem yrðu þá til skipta og þar af leiðandi má eins kalla Ingibjörgu ,, hjákonu ".

Stefán