Ný metsölubók

  Benni páfi sendi í gær frá sér splunkunýja bók.  Hún seldist í 50 þúsund eintökum.  Ég hafði ekki gert mér grein fyrir því hvað bækur þurfa litla sölu til að teljast metsölubækur.  Þess eru mörg dæmi að plötur seljist í yfir milljón eintökum á fyrsta degi.  "Draumalandið" eftir Andra Snæ hefur selst í 18 þúsund eintökum.  Að vísu yfir lengra tímabil.  En íslenski markaðurinn er aðeins minni en heimsmarkaðurinn.

  Samkvæmt mbl.is kallar páfinn bókina "Jesús frá Nasaret".  Það er merkilegt að páfinn skuli hafa íslenskan titil á henni.  Hann er augljóslega að herma eftir bókartitlinum "Jón frá Bægisá". 

  Það er ekki á hverjum degi sem páfinn sendir frá sér bók.  Hann er vanari að tefla.  Það væri forvitnilegt að vita um hvað þessi bók er. 

Nýja bók páfans rokseldist á fyrsta degi

Athugasemdir

[Gulli (IP-tala skráð) 21.4.2007 kl. 21:19]

Skv. skilgreiningu á orðinu met þarf bókin að seljast í fleiri eintökum en bækur sem hafa komið út á undan. Hins vegar ákvað einhver mannvitsbrekkan að kalla listann yfir söluhæstu bækurnar "metsölulistann" og gerði því orðið "metsala" marklaust með öllu í bókabransanum á Íslandi.

[Jens Guð, 21.4.2007 kl. 21:46]

Þetta er góður punkur,  Gulli.  Og hárréttur þegar betur er að gáð.