Tvífarar Saddams Husseins

  Fyrir innrásina í Írak birtust af og til frásagnir í fjölmiðlum af tvíförum Saddams Husseins.  Þeir voru ýmist sagðir 5 eða 7.  Þetta voru menn sem höfðu líkst Saddam í útliti.  Þeir voru þvingaðir til að gangast undir skurðaðgerðir þannig að þeir yrðu nákvæmir tvífarar einræðisherrans.  Hlutverk þeirra var að koma fram opinberlega í hlutverki Saddams.  Líkur voru taldar á að einhver myndi skjóta Saddam.  Þess vegna var þessi háttur hafður á til öryggis.

  Hvað varð um alla tvífara Saddams?  Það hefur ekkert til þeirra spurst í háa herrans tíð.   Af hverju dugðu ekki 1 - 2 tvífarar?  Af hverju þurfti 5 - 7?       

Þetta er einn tvífarinn.  Hann heldur á plastriffli.  Riffillinn getur spúið eldi og brennisteini til að hræða börn.

 

Þetta er annar tvífari og jafnframt sá lélegasti.  Þrálát móða á gleraugum lýtalæknisins er talin hafa átt þátt í útkomunni.   

Það má glöggt sjá að þetta er sitthvor tvífarinn.  Það sést meðal annars á því hvað þeir eru í ólíkum fötum. 

Þarna hélt Donald Rumsfeld sig vera að heilsa besta vini Bandaríkjanna 1983.  Donald færði honum eiturefnavopn að gjöf frá Ronaldi Reagan,  þáverandi forseta Bandaríkjanna.  Ef myndin er vel skoðuð má sjá að Donald er í raun að heilsa lélegri eftirlíkingu af Saddam.  Hún var ekki einu sinni fullkláruð.  Það vantar megnið af vinstri hendinni á hana.  

Athugasemdir

[Ásthildur Cesil Þórðardóttir, 14.5.2007 kl. 12:41]

Það sagði mér austurrískur blaðamaður, að það vær mál manna að það hefði verið einn af eftirlíkingunum sem var drepinn.  Hinn rétti sé einhversstaðar annarsstaðar.  Svo má spyrja hver er réttur og hver er rangur ?

[Guðrún Finnsdóttir (IP-tala skráð) 14.5.2007 kl. 18:38]

Einn af þeim er í felum í Vestmannaeyjum ... kannski er það bara sá eini sanni?!?

[Guðríður Hrefna Haraldsdóttir, 14.5.2007 kl. 19:15]

Las einu sinni þrælfína spennubók um tilræði við Saddam. Munurinn á Saddam og tvíförunum var sá að alvörusaddaminn var ætíð vopnaður, hinir óvopnaðir eða með gervibyssur, eitthvað slíkt. Man því miður ekki hvað þessi bók hét en hann var ekki orðinn óvinur Bandaríkjanna númer eitt þá ... eitthvað farinn að nálgast það þó. Frábærar tvífaramyndir hjá þér.