Ofbeldi gegn lögreglumönnum

 Í huga sumra eru löggur harðir naglar sem þykir fátt skemmtilegra en að þenja út brjóstkassann um leið og þeir stinga þumalputtum á bakvið beltið.  Eða þá að þeir rífa upp kylfu og lemja næsta ungling.  Ég hef stundum undrast hvers vegna löggur eiga það til að lemja saklaust fólk í hausinn með kylfu bara af því að viðkomandi er á vettvangi átaka. 

  Sálfræðingur hjá embætti ríkislögreglustjóra útskýrir þetta í sunnudagshefti Moggans.  Hann hefur skilning á því að ég þekki ekki til verklags löggunnar og bætir við:  "Þetta þarf að hafa í huga til dæmis þegar lögregla beitir viðurkenndum lögreglutökum með festu til að koma í veg fyrir að lögreglumönnum sé sýnt ofbeldi."  (leturbreyting mín).

  Löggan lemur sem sagt til öryggis stelpur eða aðra sem síðar verða líklegir til að beita lögguna ofbeldi.  Fyrirbyggjandi aðgerð kallast það. 

  Sáli upplýsir jafnframt að líkamleg meiðsli lögreglumanna séu yfirleitt smávægilegt.  En það segi ekki nema hálfa sögu.  Á bakvið kaldranalegan svip slá lítil hjörtu.  Lögreglumennirnir eru með kvíðahnút í maganum.  Þeir þjást af depurð.  Þeir eru dofnir tilfinningalega.  Þeir eru haldnir hræðslutilfinningu.  Og það sem verst er:  Þeir upplifa sig sem niðurlægðar sálir.

  Sáli kallar eftir aðstoð almennings um leið og hann leggur til að löggur huggi og hughreysti hverjar aðrar.  Ég vil ganga lengra:  Láta opna lögguathvarf að hætti Stígamóta. 

  Í gær lagði ég mitt af mörkum sem almennur borgari.  Ég var niðri á Umferðarmiðstöð.  Þangað litu tveir lögregluþjónar inn.  Ég sagði hughreystandi við þá (minnugur þess hvernig ég huggaði syni mína þegar þeir voru börn):  "Þetta lagast.  Svona,  svona." 

  Önnur löggan spurði með þjósti:  "Hvað áttu við?"

  Ég svaraði eins og Þórhallur miðill þegar hann giskar vitlaust á eitthvað á miðilsfundi (sem er æði oft):  "Geymdu það með þér.  Það kemur seinna.  Takk fyrir."  Svo fór ég og fékk mér te. 

  Það er eitt annað varðandi lögguna sem þarf að endurskoða.  Þegar hún stoppar mann við ölvunarakstur,  próflausan eða eftir að hafa farið yfir á rauðu - jafnvel allan pakkann - þá byrjar hún á að segja:  "Gott kvöld."  Einmitt þegar hún er að eyðileggja fyrir manni kvöldið.   

Athugasemdir

[Eva Þorsteinsdóttir, 29.5.2007 kl. 15:01]

Hahahahaha......

[Andrés.si, 29.5.2007 kl. 16:28]

Satt að segja má  einstaklingur hér margt eða flest  alt gegn lögrelumönum.  Það má alveg reyna að fara út í hvað land sem er og reyna að vera eins gegn lögreglumönnum þar úti.  An efa væru margir fangaðir á lögreglustöðinni. 

Þott það er ekkert vinsæl að hitta lögrelumenn tek ég fram að þeir karlar hér ágætir. Mjög svo.   

[Ragnheiður , 29.5.2007 kl. 17:01]

hehehehe oj þessi er eitraður !

[Ásthildur Cesil Þórðardóttir, 29.5.2007 kl. 20:14]

Góður og hittir naglan á höfuðið, svona eiginlega alveg.

[Skonsan (IP-tala skráð) 30.5.2007 kl. 12:06]

Er maður ekki sjálfur búin að eyðileggja fyrir sér kvöldið með að taka þessa áhættu og brjóta lögin?? bara spyr? annars gaman að lesa þetta blogg. 

[Sigurður Axel Hannesson, 31.5.2007 kl. 09:47]

Bráðskemmtilegt!