Plötunar sem breyttu heiminum II

  Í gær birti ég lista yfir þær plötur sem lentu í 5 efstu sætum yfir plöturnar sem breyttu heiminum,  samkvæmt niðurstöðu 100 þekktra tónlistarmanna:  Bjarkar,  Chris Cornells og fleiri.  Það er breska tónlistarblaðið Mojo sem birti niðurstöðuna.  5 áhrifamestu plöturnar eru:

1.  Little Richard:  Tutti Frutte

2.  Bítlarnir:  I Want to Hold Your Hands

3.  Elvis Presley:  Heartbreak Hotel

4.  Bob Dylan:  The Freeweelin´ Bob Dylan

5.  Kraftwerk:  Autobahn

  Í næstu sæti raðast eftirtaldar plötur:

6.  Robert Johnson:  King of the Delta Blues Singers (1961,  löngu eftir fráfall Roberts)

  Jack White í White Stripe segist hafa tekið með fyrirvara þjóðsögunni um sölu Roberts Johnsons á sálu sinni til djöfulsins í staðinn fyrir tónlistarhæfileika.  En þegar Jack fór að hlusta á Robert útilokar hann ekki sannleiksgildi sögunnar.  Snilldin sé ofar mannlegum skilningi. 

  Blaðamaður Mojo bætir við að án Roberts Johnsons hefði breska blúsbylgjan aldrei orðið til,  né pönkrokkið eða lag The Rolling Stones Sympathy for the Devil.

7. The Velvet Undergroundand Nico:  The Velvet Undrground (1967)

  Vitnað er í Brian Eno sem sagði:  "Fáir keyptu plötuna á sínum tíma en allir sem keyptu hana stofnuðu hljómsveit."

  Blaðamaður Mojo segir:  "Án þessarar plötu væri enginn Bowie,  Alice Cooper (átta mig ekki á samhenginu við Cooper.  Innskot mitt),  framúrstefnurokk,  krátrokk,  pönk,  goth,  Sonic Youth,  Jesus & Mary Jane, C86 indie eða lo-fi.

8.  Ýmsir:  Anthology of American Folk Music (1952)

  Ég þekki ekki þessa plötu.  En af ummælum virðist þetta vera safnplata með bandarískri þjóðlagamúsík,  Blaðamaður Mojo segir:  "Án þessarar plötu væru menn hvorki að "covera" Woody Guthrie og Pete Seeger né Bog Dylan."

9.  Ray Charles:  What´d I Say (1959)

  Þarna varð soul-músíkin til.

10.  Sex Psitols:  God Save the Queen  (1977)

  Án Sex Pistols hefði pönkbyltingin ekki orðið til. Hvorki The Clash né Green Day.  Stefán,  plöturnar/hljómsveitirnar sem þú nefndir eru handan við hornið. 

 

Athugasemdir

[Örn Jónasson (IP-tala skráð) 1.6.2007 kl. 10:57]

Sæll

 Nokkuð athyglisverður list, en hvar er plata Bítlanna; "Sgt. Peppers Lonly Hearts Club Band"?  Breytti þessi plata ekki tónlistarsögunni?  Í dag; 1. júní, eru nákvæmlega 40 ár síðan plata þessi kom út, en hún kom út 1. júní 1967 og markaði hún tímamót í popsögunni. Til gamans birti ég nokkrar staðreyndir um plötu þessa:

• Það kostaði 25.000 GBP að gera plötuna, (sem var mikið fé árið 1967).
• Það tók 700 tíma að hljóðrita plötuna.
• Platan átti að vera að tvöföld, en Bítlarnir höfðu ekki nógu mikið tónlistarefni á takteinum fyrir þau tímamörk útgáfunnar sem EMI setti þeim.
• Listamennirnir sem gerðu myndina á framhlið plötunnar fengu 1.500 GBP fyrir og átti sú upphæð að dekka allan kostnað við tökur og myndsetningu plús laun til þeirra sem unnu að verkinu.
• Þetta var fyrsta plata Bítlanna þar sem að söngtextar voru prentaðir með.
• Fyrstu lögin sem hljóðrituð voru fyrir plötuna voru "Strawberry Fields Forever" og "Penny Lane" sem voru tekin upp í nóvember 1966, en EMI fór fram á að þessi lög yrðu gefin út á lítilli plötu fyrir jólin 1966, því þeim fannst að of langur tími liði á milli útgáfu laga hjá Bítlunum og EMI vantaði því "hit" frá þeim fyrir jólin.  Þess vegna voru þessi lög ekki með á Sgt. Pepper albúminu.
• Sir Paul McCartney var hugmyndafræðingurinn að plötunni, og hann vildi að hún yrði í Victoríenskum stíl.  Voru því laglínur í sumum lögunum með gamaldags ensku að ásettu ráði t.d "...Indicate precisely what you mean to say..." í laginu; When I´m Sixty Four" - og "....Splendid Time is Guaranteed For All..." í laginu; For the Benefit for Mr. Kite"
• "Lucy in the Skyes with Diamonds" er ekki um LSD, heldur fékk John Lennon hugmyndina að laginu þegar hann sá mynd sem Julian sonur hans hafði teiknað af Lucy nokkurri sem var með honum í leikskóla, en hún var að fara í frí með flugvél.

Þetta eru svona helsu staðreyndir um Sgt. Peppers Lonly Hearts Club Band, svona til gamans.

Kveðja:

 Örn Jónasson

[Stefán (IP-tala skráð) 1.6.2007 kl. 11:01]

Eins og ég skrifaði í gær, þá hlutu Soul-kóngurinn Ray Charles, punk-prinsarnir Sex Pistols og Velvet Underground að vera næstir handan við hornið á eftir þeim 5 efstu. Velvet Underground er einfaldlega næst áhrifamesta hljómsveit rokksins á eftir The Beatles.

Stefán

[Jens Guð, 1.6.2007 kl. 13:16]

  "Sgt.  Peppers..." lenti í 16. sæti og "Revolver" í 40.