4 vísbendingar um að daman þín sé að halda framhjá

29.10.2024 | 10:43

4 vísbendingar um að daman þín sé að halda framhjá

Íslendingar eru ekki áberandi trygglyndir. Allir þekkja marga sem hafa haldið framhjá maka sínum. Munur á konum og körlum er óverulegur á þessu sviði. Í flestum tilfellum er sá kokkálaði grunlaus. Enda er framhjáhaldarinn lúmskur og hugmyndaríkur. Ef vel er að gáð þá kemur ýmis hegðun upp um dömu sem er að halda framhjá.

Dæmi 1: Sími hennar hringir. Hún hleypur með hann inn á baðherbergi. Þaðan berast hláturskellir í góðan tíma. Að því loknu kemur hún flissandi út úr herberginu og segir að þetta hafi bara verið vitlaust símanúmer. Þetta endurtekur sig dag eftir dag. Rautt flagg: Símasamband á baðherberginu er afleitt.

Dæmi 2: Hún segist þurfa að skreppa til útlanda í tveggja vikna vinnuferð. Rautt flagg: Hún er ekki í neinni vinnu.

Dæmi 3: Hún segist vera ólétt. Rautt flagg: Þið hafið ekki sofið saman í tvö ár.

Dæmi 4: Hún kemur heim með ungan mann; segir hann hafa ofkælst í frosthörku í strætóskýli í næstu götu. Hún verði að hátta hann í hvelli ofan í rúmið ykkar og halda á honum hita. Rautt flagg: Eina veður þessa dagana er steikjandi sól. Ekkert strætóskýli er í næstu götum.

&nbsp;

Flokkur: Tónlist | Breytt s.d. kl. 17:03 | Facebook

Athugasemdir

Úps, ég er lukkunnar pamfíll að þurfa ekki að hafa áhyggjur af þessu.........

Jóhann Elíasson, 29.10.2024 kl. 11:19

Svo vitnað sé í Bibbuna, fólk er lýgið og svikult og líður best þegar það er kvalið.

Bestu kveðjur.

Guðjón E. Hreinberg, 29.10.2024 kl. 11:24

Jóhann, heppinn!

Jens Guð, 29.10.2024 kl. 11:39

Guðjón, það er margt til í því!

Jens Guð, 29.10.2024 kl. 11:40

Þetta minnir mig á þegar tveir íslenskir nemar í Kaupen voru á kvöldgöngu. Þá segir annar: Ég er svo graður núna að ég verð að fá mér mellu. Þeir skunduðu í Ístengaden (frb) og vinurinn hljóp inn í melluhús en hinn beið fyrir utan. Svo líður smá stund þá kemurinn vinurinn út alveg brjálaður. Hvað gerðist spurði vinur hans? Jú, helvít.. mellan byrjaði að fitla við lillan á mér og ég missti úr honum og þá sagði hún að þetta væri búið og rak mig út.!!!(þú hendir þessu bara út ef þetta er of gróft!)

Sigurður I B Guðmundsson, 29.10.2024 kl. 17:08

Sigurður I B, svona fyndinni skemmtisögu hendi ég ekki út!

Jens Guð, 29.10.2024 kl. 20:26