Sparnaðarráð sem munar um!

  Sumt fólk fær gesti af og til.  Oft má gleðja gest með því að færa honum kaldan bjór.  Aðrir gestir eru uppvartaðir með tebolla og meðlæti.  Til að mynda kökum eða nammi.  Mesti höfðingjabragur er að bjóða upp á konfekt.  Vandamálið er að konfekt er rándýrt.  Þá er til ráð:  Í stórmörkuðum fást stórir pokar af hundafóðri.  2ja eða þriggja kílóa pokar kosta álíka og minnstu konfektkassar.

  Galdurinn er að bræða hjúpsúkkulaði og dýfa hundafóðursmolunum ofan í það.  Við það verða til ódýrir konfektmolar í mismunandi lögun og mislitri "fyllingu".  Til að skerpa á fjölbreytni er upplagt að strá sykurkosnum yfir suma molana og smá kókosmjöli yfir aðra. 

  Þarna eru orðnar til margra ára byrgðir af hollu konfekti á spottprís.  Það inniheldur steinefni,  vítamín,  trefjar og fleira sem hundar þurfa á að halda.    

Athugasemdir

[Jóhann Elíasson, 29.5.2025 kl. 11:36]

En er ekki hætt við því að "súkkulaðihjúpurinn" flagni af með tímanum??????

[Jens Guð, 29.5.2025 kl. 13:18]

Jóhann,  nei hann flagnar ekki af.

[Stefán (IP-tala skráð) 29.5.2025 kl. 15:24]

Þó að þetta líti ekki út fyrir að vera girnilegt þá gæti svona fæði bjargað mannslífum, t.d. sveltandi fólki í útrýmingabúðum gyðinga á Gaza. 

[Wilhelm Emilsson, 29.5.2025 kl. 15:54]

Mér líst vel á þetta  Svo er hundamatur áreiðanlega hollari en megnið af því sem nútímafólk lætur ofan í sig. Að lokum, í Mad Max 2 borðaði Mad Max hundamat með bestu list. Hundurinn þurfti að bíða þangað til hann var búinn að borða sig saddan.

[Jens Guð, 29.5.2025 kl. 16:30]

Stefán,  svo sannarlega.

[Wilhelm Emilsson, 29.5.2025 kl. 16:31]

Leiðrétting: "lyst" en ekki "list". 

[Jens Guð, 29.5.2025 kl. 16:32]

Vilhelm,  ég hef ekki séð Mad Max en þetta er áhugavert.

[Wilhelm Emilsson, 29.5.2025 kl. 16:40]

Ég get hiklaust mælt með fyrstu tveimur Mad Max myndunum. 

[Jens Guð, 30.5.2025 kl. 07:31]

Vilhelm,  takk fyrir ábendinguna.

[Stefán (IP-tala skráð) 30.5.2025 kl. 09:34]

Frá ,, namminu ,, yfir í svakalegt viðtal sem ég var að lesa á visir.is ,, Segja ógnarstjórn ríkja á Þjóðminjasafninu ,, Svo er að sjá að þar hafi Lilja Alfreðsdóttir án auglýsingar skipað alls óhæfan stjórnanda sem yfirmann Þjóðminnjasafnsins. Eftir þennan svakalega lestur langar mig sko ekki að kíkja við þar og allra síst með börn meðferðis vegna þessa stríðsástands sem þar virðist ríkja. Minnur helst á stríðástandið sem ríkti árum saman hjá Skeljungi/Orkunni þar sem fólki var annaðhvort sparkað út í fjölda uppsögnum eða þá flúði einskonar stríðsástand vegna vanhæfra stjórnenda. Sagan er alltaf að endurtaka sig. 

[Jens Guð, 30.5.2025 kl. 10:44]

Stefán,  Þorvaldur sá sem rætt er við á Vísir.is er skólabróðir minn úr Myndlista- og handíðaskóla Íslands.  Ekki samt í sama árgangi.  Ljúfur náungi og áreiðanlega seinþreyttur til vandræða.

[Stefán (IP-tala skráð) 31.5.2025 kl. 18:45]

Alveg stórfurðulegur hópur sem kallar sig No Borders. Lítur út eins og illa gerðir trúðar og líklega margir þar búnir að reykja úr sér heilbrigða skynsemi. Lið sem kannski hefur ekkert annað að gera en safnast saman og mótmæla, en þolir ekki mótlæti án átaka. Minnir mig á illa uppalda hunda sem slefa og urra út í loftið.