Grillsvindlið mikla

  Fjöldamargir - bæði Íslendingar og útlendingar - standa í þeirri bjargföstu trú að matur matreiddur utandyra sé að öllu jafna grillmatur.  Fyrir bragðið troðast þeir hver um annan þveran - eins og rollur í rétt - við að kaupa færanlegar gaseldavélar á hjólum til að "grilla" utandyra.  Raunveruleikinn er sá að matur eldaður á gaseldavél er ekki grillmatur.  Skiptir þar engu máli hvort heldur sem hann er matreiddur utandyra eða innan. 

  Gaseldavélar á hjólum eru framleiddar fyrir fólk sem býr í hjólhýsi og eldar einungis utandyra.  Þær verða ekki grill þó þær séu kallaðar gasgrill. 

  Alvöru grillmatur fær sitt góða alvöru grillbragð vegna grillkola eða trjákurls.  Annað er ósvífin blekking.  Svei attan!  

 

Athugasemdir

[Stefán (IP-tala skráð) 26.6.2025 kl. 13:39]

Lesandi um grill þá dettur mér í hug að stjórnmálaflokkar eru að reyna að grilla hver aðra á Alþingi núna og tekst misjafnlega vel við það. Ný skoðanakönnun sýnir að Kristrúnu tekst vel sem fyrr að grilla og nú gjörsamlega grillar hún Sjálfstæðisflokkinn 

[Jens Guð, 26.6.2025 kl. 14:32]

Stefán,  heldur betur!

[Sigurður I B Guðmundsson, 26.6.2025 kl. 18:09]

Nú ert þú gjörsamlega búinn að skemma alla bjórdrykkju um allt land ef konur landsins frétta þetta!!!

[Jens Guð, 26.6.2025 kl. 18:55]

Sigurður I B,  við höfum hljótt um þetta!

[Stefán (IP-tala skráð) 27.6.2025 kl. 12:34]

Óhuggulegasta grillverk sem er í gangi í heiminim núna er það sem Ísraelsher er að gera í Gaza. Að grilla þúsundir barna er viðbjóðslegt verk og sjónvarpsstöðin Omega flaggar fána Ísrael í útsendingum. Er það ekki hreinn stuðningur við voðaverkin ?

[Stefán (IP-tala skráð) 28.6.2025 kl. 18:42]

Hvað er það að vera sósíalisti á Íslandi í dag ?  Jú, það er að höggva hver annan í spað eins og víkingar gerðu forðum. Það er að vera No Borders og hata íslenska fánann. Það er að vera kvenréttindasinnaður en elska múslímska kvennakúgara umfram allt. Hver er þá munurinn á Sósálistaflokknum og Vinstri grænum ?  Jú, það er lífsmark með Sósíalistum en ekki merkjanlegt hjá VG.

[Jens Guð, 29.6.2025 kl. 07:34]

Stefán,  ég skil ekki upp né niður í þessu blessaða fólki.  Ég held að það sjálft geri það ekki heldur!