Bestu lög rokksögunnar

  Ég hef áður birt lista yfir lögin sem breyttu heiminum (í réttri tímaröð) og plöturnar sem breyttu heiminum.  Núna birti ég lista yfir bestu lög rokksögunnar burt séð frá tímasetningu.  Það var útbreiddasta poppblað heims,  hið bandaríska Rolling Stone, sem tók listann saman.  Að vísu er hann tveggja og hálfs árs gamall.  Var tekinn saman í desember 2004.  En ég merki ekki ástæðu til að uppfæra hann.  Samkvæmt þessum lista eru bestu lög rokksögunnar:

1. Like a Rolling Stone, Bob Dylan

2. Satisfaction, The Rolling Stones

3. Imagine, John Lennon

4. What's Going On, Marvin Gaye

5. Respect, Aretha Franklin

Athugasemdir

[Ásthildur Cesil Þórðardóttir, 1.7.2007 kl. 12:46]

Þetta eru allt saman flott og góð lög.

[Ásdís Sigurðardóttir, 1.7.2007 kl. 14:04]

pottþétt lög það er á hreinu.

[björn hauksson (IP-tala skráð) 1.7.2007 kl. 15:03]

Imagine,John Lennons er ekki rocklag.Oft er ruglad saman poppi & rock.Gott lag samt!

[Árni Halldór (IP-tala skráð) 1.7.2007 kl. 15:11]

Mér sýnist nú bara vera eitt lag á þessum lista sem gæti flokkast sem rokklag. :/

[Ari (IP-tala skráð) 1.7.2007 kl. 16:18]

Þetta eru allt miðlungslög og tæplega það nema Imagine. Spurning hvaða jólasveinn hefur valið þessi lög!!!!!!!!!!!!

[Jens Guð, 1.7.2007 kl. 16:47]

  Það tilheyra fleiri lög rokksögunni en þau sem falla undir þröngustu skilgreiningu á rokki.  John Lennon er eitt af stærstu nöfnum rokksögunnar.  Þess vegna tilheyra öll hans lög rokksögunni.  Líka píanóballöður á borð við Imagine. 

  Bob Dylan hefur verið rokkari síðan 25.  júlí 1965.

[Anna Ólafsdóttir (anno) (IP-tala skráð) 1.7.2007 kl. 16:50]

Veit ekki alveg með þennan lista. Imagine? pottþétt  Respect? Já - en var að hlusta á Arethu í Blúsbræðrum og finnst það lag alveg hreint dásamlegt. En BTW - kíktu aftur á færsluna um syngjandi bassaleikarann

[Egill Harðar (IP-tala skráð) 1.7.2007 kl. 18:23]

Hvar eru Bohemian Rhapsody, Smoke on the Water og Stairway to Heaven? Þau eiga klárlega heima þarna.

[Jens Guð, 1.7.2007 kl. 20:03]

  Rétt er að hafa í huga að þetta er bandarísk könnun.  Lögin sem þú,  Egill,  telur upp skora ætíð hátt í breskum könnunum.  Í þessari könnun lenti Stairway to Heaven í 31.  sæti,  Bohemian Rhapsody í 163.  sæti og Smoke on the Water í 426.  sæti. 

[Jens Guð, 2.7.2007 kl. 02:29]

  Anna,  ég hef oft orðið var við að yngri Íslendingar átta sig ekki á því hvað Aretha Frnaklin var/er merk tónlistarkona.  Það var hún sem sveigði hipparokkið inn á soul-línuna.  Hljómar,  Roof Tops og fleiri "coveruðu" lög hennar.  Frægast er Slappaðu afmeð Flowers.

  16 árum yngri bróðir minn lýsti eitt sinn undrun yfir að hún lenti hátt á lista yfir áhrifamestu tónlistamenn rokksins.  Hann er mikill músíkpælari en áttaði sig ekki á djúpstæðum áhrifum hennar á rokksöguna.  Án hennar hefði soul-músíkin ekki orðið sá stóri hluti af hipparokki sem raun varð á.  Soul-músík var einfaldlega fyrir hennar innlegg verulegur hluti af hipparokkinu.  þar fyrir utan átta margir sig ekki á að hún var/er einn besti píanóleikari fyrr og síðar.   

[Stefán (IP-tala skráð) 2.7.2007 kl. 10:02]

Þetta eru allt mjög frambærileg lög, en What's Going On er full væmið fyrir minn smekk. Kanski pirraði lagið líka eitthvað pabba Marvin Gaye, því að hann skaut soninn. Að mínu mati er Aretha Franklin besta söngkona sem fram hefur komið í dægurmúsík, meðtaldar snilldarsöngkonur úr jazz og bluesheimum. 

Stefán

[Ævar Rafn Kjartansson, 4.7.2007 kl. 23:55]

Hmmmmmmm..... Imagine er mitt faðir vor en ekki rokklag. Satisfaction næst ofspilaðasta klisja heimsins á eftir smoke on the water. En sammála því að Aretha Franklin sé einn mesti snillingur tónlistarinnar þó að Gladys Knight og Nina Simone séu álíka dívur. Marvin Gaye snillingur en ekkert af þeim er rokkari. Málið er að ég er rétt nýfarinn að kyngja jarminu í Dylan og gefa snilld hans tækifæri. Og maðurinn er náttúrulega klössum ofar................. Þó að Lennon sé minn maður.

[Jens Guð, 5.7.2007 kl. 00:24]

  Ari,  ég er þér ósammála með að önnur lög þarna utan Imagine séu miðlungslög.  Þetta eru allt hágæða snilldarlög.  Like a Rolling Stone hefur verið "coverað" af allt frá Patti Smith til The Rolling Stones.  Þetta lag á tvímælalaust heima á lista yfir þau bestu.  Klassík í flutningi Dylans.  Og athyglisvert að flutningur annarra á þessu lagi virkar best þegar tryggð er haldið við "orginal" útsetninguna.

  Ég er ekki alveg viss um hvernig var staðið að þessum lista.  En miðað við aðra svona lista hjá Rolling Stones eru það lesendur blaðsins sem koma með tilnefningar og blaðamenn tímaritsins raða upp endanlegum lista. 

  Söngstíll Dylans truflar marga.  Menn þurfa að  komast yfir þröskuld til að "ná" snilld hans sem söngvahöfundar.  Áhrif Dylans eru ómæld á rokksöguna.  Lennon er einn af mörgum sem lærðu margt af Dylan.

  Satisfactionkom mjög sterkt inn í bítlarokkið 1965.  Á þessum tíma voru "riff" ný vinnubrögð við lagasmíðar. 

  marvin Gaye er vissulega sálarpoppari (soul) fremur en rokkari.  Mörg laga hans stimpluðu sig þó inn í rokksöguna í flutningi rokkara.  Frægast er sennilega I Heard it Through the Grapewine í mögnuðum flutningi Creedence Clearwater Revival.