Hverjir hafa "coverað" flest lög eftir Bob Dylan?

 

  Þessi listi er í nýjasta hefti breska tónlistarblaðsins Uncut.  Hann tekur þess vegna fyrst og fremst mið af engilsaxneska plötumarkaðinn.  Ég hef séð í skandinavískum plötubúðum heilu plöturnar þar sem skandinavískir söngvarar syngja lög Dylans.  Eflaust eru líka til minna þekktir engilsaxneskir söngvarar sem hljóðritað hafa lög eftir Dylan.  En þannig er listinn í Uncut:

1.  Joan Baez (29 lög)

2.  Judy Collins (23 lög)

3.  The Byrds (21 lag)

4.  Greatful Dead (19 lög)

5.  Fairport Convention (17 lög)

6.  Bryan Ferry (14 lög)

7.  Joe Cocker (10 lög)

8.  Rod Stewart (9 lög)

9.  Johnny Cash (6 lög)

  Hvert lag er talið bara einu sinni þó að viðkomandi flytjandi hafi sungið það inn á plötur í fleiri en einni útsetningu.     

Athugasemdir

[Jens Guð, 28.7.2007 kl. 23:04]

  Ég man eftir þessari plötu.  Það munaði litlu að ég keypti hana úti í Svíþjóð í fyrra.  Hún var hinsvegar hlutfallslega dýrari en ýmsar aðrar spennandi plötur.  Ég hugsaði með mér:  "Hún á eftir að vera á boðstólum næstu árin og lækka í verði". 

  Vissirðu að Ågi vildi eitt sinn gera dúettplötu með Bubba?  Þetta var um miðjan níunda áratuginn.  Bubbi var svo mikil rokkstjarna á þessum tíma að honum þótti Ågi gamaldags og hallærislegur.  Enda var norskur vísnasöngur ekki "inn" hjá íslenskum rokkurum. 

  Þú þekkir betur til norska tónlistarmarkaðarins en ég og leiðréttir mig ef ég er að fara með fráleita tölu.  Mig minnir að næsta plata Åga hafi selst í 800.000 eintökum í Skandinavíu.  Nei, þetta getur varla verið rétt tala miðað við samanlagðan íbúafjölda Norðurlandanna.  En einhver hundruð þúsund eintök seldi kauði samt af plötunni og varð mun stærra nafn en við gerum okkur grein fyrir hérna á Íslandi.   

[Jens Guð, 28.7.2007 kl. 23:50]

  Norðmenn eru 4,5 milljónir eða svo.  Danir og Finnar rúmar 6 milljónir hvor þjóð.  Svíar eru 9,5 milljónir.  Þetta eru lauslegar tölur sem ég nenni ekki að fletta upp á til að vera nákvæmur.

  Norskum tónlistarmönnum munar verulega um að ná út fyrir heimalandið í plötusölu og inn á nágrannalöndin.  Ég hef séð plötur með Åga í plötubúðum í Þýskalandi og Hollandi þannig að hann hefur einnig náð áheyrn útfyrir Norðulöndin.

  Þegar sænska rapp-metal hljómsveitin Clawfinger náði fótfestu man ég eftir að það sem gerði útslagið var að fyrsta plata þeirra seldist í 600.000 eintökum í Þýskalandi.  Salan á plötunni var undir 200.000 eintökum á Norðurlöndunum.  Þýski markaðurinn skipti því sköpum.

  Ég þarf endilega að kynna mér norskan blús.  Ég veit að Norðmenn eru sterkir í djassdeildinni.  En vissi ekki af blúsdeildinni.    

[viðar (IP-tala skráð) 29.7.2007 kl. 09:17]

Blessaður ég man nú í snarhasti eftir plötu sem heitir Hollies sings Dyllan, og þar eru ca, 12-14lög. Kanski væri nú rétt af mér að telja Dyllan lögin sem að frændi minn Leon Russell hefur snarað á þrykk í gegnum tíðina.

[Ingvar Valgeirsson, 29.7.2007 kl. 16:02]

Jú, Hollies sing Dylan kom út ´69 og varð til þess að Nash hætti í bandinu í fjöldamörg ár. Seldist svo illa og þá gáfu þeir strax sama ár út plötuna Hollies sing Hollies...

[Jens Guð, 29.7.2007 kl. 17:21]

  Ansans klaufar hjá Uncut að gleyma The Hollies.  Ég man eftir þessari plötu.  Hlustaði á hana í plötubúð á sínum tíma en þótti hún vera þunnur þrettándi.  Í leiðinni rifjast upp að ég hef stundum verið að velta fyrir mér að kaupa plötu með Odettu þar sem hún syngur u.þ.b. 12 - 14 lög eftir Dylan.  Kannski er Odetta ekki þekkt í Bretlandi. 

  Talandi um Hollies þá heyrði ég Rúna Júl segja á Útvarpi Sögu frá kynnum sínum af útlendum poppstjörnum.  Hann fór fögrum orðum um Jimi Hendrix og Arlo Guthrie.  En jafn montnum manni og Allan Clarke,  söngvara Hollies,  hefur hann aldrei kynnst.  "Það rigndi upp í nefið á honum,"  sagði Rúnar. 

  Mig rámar í að hafa heyrt svipaða lýsingu á Allan Clarke frá fleirum.  Man þó ekki hverjum.  Hugsanlega hefur Rúnar áður nefnt þetta einshversstaðar eða einhver annar úr Trúbroti.   

[Ár & síð, 29.7.2007 kl. 22:56]

Ég sé að aðrir hafa nefnt Hollies Sing Dylan með 12 lögum en svo hefur Uncut líka gleymt Manfred Mann sem tók mörg lög eftir Dylan. Plata Hollies hefur þann eina kost að hún opnaði mörgum aðgang að My Back Pages en útgáfa MM á With God On Our Side er auðvitað ógleymanleg.

[Axel (IP-tala skráð) 29.7.2007 kl. 23:40]

Ég veit að Pearl Jam hefur tekið einhver lög eftir Dylan, það eina sem ég man eftir í augnablikinu er "Masters of War" sem er ádeila á vopnasölumenn í heiminum, en það væri gaman að taka saman hvað Pearl Jam hefur coverað eftir meistarann

[Jens Guð, 30.7.2007 kl. 00:00]

  Ég man eftir 4 Dylan-lögum með Manfred Mann.  En ég kann ekki katalóg hans utanað þó að eigi nokkrar plötur með honum.  Á áttunda áratugnum var hann meira í því að "covera" Brúsa Sprengjustein og Bob Marley. 

  Haf Pearl Jam "coverað" nema þetta eina lag eftir Dylan?  Kannski á hljómleikum.     

[Viddi (IP-tala skráð) 30.7.2007 kl. 00:26]

En hvað með fólk sveitina Peter, Paul & Mary, aftan á þessum eina best of disk sem ég á með þeim taldi ég 4 lög sem samin voru af Dylan, ég tel nú líklegt að þau hafi gert fleiri Dylan kover sem ekki náðu inn á þessa best of plötu.

Er þarna bara átt við lög sem tekin eru upp á plötu, því Dylan var náttúrulega vinsæll til spilunar á tónleikum hjá samtímamönnum sínum eins og Phil Ochs og Erik Von Schmidt (sem kynnti Dylan einmitt lagið Baby, Let Me Follow You Down sem Dylan gaf út á sinni fyrstu plötu auk þess sem spila það reglulega "læv", meðal annars á goðsagnakennda '66 túr).

[Jens Guð, 30.7.2007 kl. 01:35]

  Ég þori ekki að fullyrða neitt varðandi Peter,  Paul & Mary.  Þau slógu í gegn með Blowing in the Windog "coveruðu fleiri Dylan-lög.  Held að óreyndu að það sé bundið við allra fyrstu lög tríósins.  4 lög eftir Dylan er þó slatti.  Ég á yngri plötur með tríóinu sem innihalda engin Dylan-lög.  "Coveraði" Phil Ochs einhvertímann Dylan-lag?  Ég man ekki eftir því.  Þekki hans feril þó ekki í þaula.  En held að hann hafi fyrst og fremst spilað frumsamið efni.  Peter,  Paul & mary "coveruðu" erinhver lög eftir hann sem og Joan Baez (There But No Future,  sem er til íslenskri útgáfu.  Man bara ekki hvað sönghópurinn kallaði sig.  Nafnið minnir á Hálft í hvoru).   

  Ég játa fáfræði varðandi Erik Von Schmith.