Úrslit í könnun um besta íslenska lagahöfundinn

 

   Núna liggja fyrir úrslit í könnun um það hverjir eru bestu íslensku lagahöfundarnir.  Ég einskorðaði valið við þá sem eru innan marka rokkgeirans.  Þar með útilokaði ég góða vísnasöngvahöfunda og ýmsa sem falla utan rokksögunnar:  Atla Heimi,  Jón Múla,  Jón Ásgeirsson,  Hörð Torfa,  Bergþóru Árnadóttur o.s.frv.  Aðrir bloggarar verða að gera könnun um heildardæmið ef áhugi er fyrir hendi.

  Könnunin fór fram í fjórum stigum.  Fyrst fékk ég sérstaka 30 manna dómnefnd til að tilnefna þá lagahöfunda sem helst komu til greina.  Sá listi var langur og við tók grimmur niðurskurður.  Mörgum til skapraunar og ósættis.  Líka mér.  En beygði mig samt undir rök.  Þegar á reyndi voru Megas og Bubbi hnífjafnir upp fyrir 500 atkvæði.  Eftir samráð við dómnefnd og bloggara lét ég kjósa sérstaklega á milli þeirra 2ja.  Ég ætlaði að láta marktæk 500 atkvæði ráða.  En áður en ég vissi af voru atkvæðin orðin 900 og raunhæf úrslit lágu í höfn.  Niðurstaðan breyttist ekkert frá 500 atkvæðum til 9oo. 

  Þannig lýtur listinn út:

1.  Megas (63,3%)

2.  Bubbi (36,3%)

3.  Magnús Eiríksson (11,7%)

4.  Gunnar Þórðarson (11,3%)

5.  Magnús Þór Sigmundsson (4,7%)

6.  Jóhann Helgason (4,0%)

7.  Jóhann G. Jóhannsson (3,0%)

  Samkvæmt öllum forsendum marktækrar könnunar telst Megas vera besti íslenski lagahöfundur rokkgeirans.   

Athugasemdir

[Karl Tómasson, 30.7.2007 kl. 02:02]

Ég bíð spentur eftir næstu könnun á þinni vinsælu síðu Kæri Jens minn.

Bestu kveðjur frá Kalla Tomm úr Mosó.

[Jens Guð, 30.7.2007 kl. 02:13]

  Það er spurning hvað ég læt næst kjósa um.  Góð þáttaka í skoðanakönnunum á mínu bloggi koma á óvart.  Í gamla daga stóð ég fyrir allskonar vinsældavali í barna- og unglingablaðinu Æskunni.  þar hefðu 900 atkvæði talist þokkalegur mælikvarði og að ég mig minnir voru úrslit þar nokkuð til samræmis við raunveruleikann.  Þau skiluðu sér alltaf í einhverjum hundruðum (kannski 500 - 600) en ég efast samt um að þau hafi náð 900 atkvæðum eins og ofangreind könnun. 

[Karl Tómasson, 30.7.2007 kl. 02:19]

Ert þú minn kæri búinn að gleyma loforðinu?

Bestu kveðjur frá Kalla Tomm úr Mosó. 

[Jens Guð, 30.7.2007 kl. 02:26]

  Hvert er loforðið?  Minni mitt er eins og gatasigti. 

[Geðvondi geðlæknirinn (IP-tala skráð) 30.7.2007 kl. 03:09]

Asna og meistara Megas,
má vel á eyrunum þekkja.
Og Bubbi reykir gervigras,
gott hann upp að trekkja.

[Ásthildur Cesil Þórðardóttir, 30.7.2007 kl. 07:40]

Mér sýnist þessi listi bara líta vel út. Er samt pínu hissa að sjá Gunnar Þórðar í 4. sæti.  Er það ef til vill vegna þess að það hefur lítið farið fyrir kappanum um þessar mundir.  En Gunnar á að mínu mati langflestar perlur í íslenskri tónlist. 

[J. Einar Valur Bjarnason Maack , 30.7.2007 kl. 07:50]

Jens... er þetta virkilega niðurstaðan eftir talningu 134% greiddra atkvæða...?

[Einar Bragi Bragason., 30.7.2007 kl. 10:46]

Þessi úrslit sýna það að flestir sem skoða þessa síðu þína hafa ekkert vit á tónlist.

Það var verið að velja lagahöfund ekki texta ekki satt.

[Jens Guð, 30.7.2007 kl. 12:33]

  J. Einar Valur Bjarnason Maack,  könnunin fór ekki fram á einu bretti (sjá færslu).  Í fyrstu atrennu tókst ekki að fá afgerandi mun á Megasi eða Bubba í 1. og 2.  sætið.  Það breytti engu hvort 300 atkvæði voru greidd eða 584.  Rúm 60% atkvæða skiptust svo gott sem hnífjafnt á milli þeirra.  Munurinn varð aldrei meiri en 2 - 6 atkvæði.

  Til að fá raunhæfa niðurstöðu varð ég að láta kjósa sérstaklega á milli þeirra tveggja.  Þannig að 1. og 2.  sætið sýna til samans 100%.  Hin sætin sýna hvernig atkvæði féllu fyrir utan þessi rúmlega 60% sem Megas og Bubbi hirtu. 

[Jens Guð, 30.7.2007 kl. 12:38]

  Einar Bragi,  þessi niðurstaða er svipuð og þegar lítið úrtak,  kannski 30 manna,  er spurt.  Það er að segja ef úrtakið er þverskurður af fólki með mismunandi músíksmekk.  Enda breyttist röðin ekkert frá því að 50 atkvæði voru greidd og þangað til 584 höfðu skilað sér. 

  Það er rétt að verið var að velja lagahöfund.  Ekki textahöfund.  Ekki vinsælasta söngvarann.  Ég ætla að fara yfir þessi úrslit betur síðar í dag. 

[Steingrímur Helgason, 30.7.2007 kl. 23:29]

Piff, ég sagði það sama & saxi, & niðurstaðan er náttúrlega eins rétt & hægt er að komast nærri dona.

Lút höfði í auðmýkt þinni....

S.

[Birkir Viðarsson (IP-tala skráð) 4.8.2007 kl. 12:15]

"ástin og lífið.... ááástin og lífið"