Einn góður

  Þennan heyrði ég í dag.  Þrátt fyrir andúð á ljóskubröndurum þá hló ég. 

  Rúnar vörubílstjóri var að keyra upp Kringlumýrarbraut síðasta vetur.  Frostbarinn snjór lá yfir borginni.  Þegar Rúnar bíður á rauðu ljósi við gatnamót Suðurlandsbrautar bankar ljóska á bílhurðina.  Rúnar skrúfar niður rúðuna og ljóskan segir:
 

 - Hæ,  ég heiti Dísa.  Ég var að keyra á eftir þér.  Það datt hluti af hlassinu á bílnum þínum.

  Um leið kemur grænt ljós og Rúnar brunar áfram án þess að svara Dísu.  Hann þarf aftur að stoppa á rauðu ljósi við Miklubraut.  Aftur bankar Dísa á bílhurðina.  Þegar Rúnar skrúfar niður rúðuna segir hún:

 - Hæ, ég heiti Dísa.  Það datt aftur hluti af hlassinu á bílnum þínum.

  Enn kemur grænt ljós áður en Rúnar nær að svara.  Við næstu gatnamót stoppar Rúnar á rauðu ljósi.  Hann stekkur út úr bílnum.  Hleypur að bíl Dísu,  rífur þar upp hurðina og hrópar:

 - Hæ, ég heiti Rúnar.  Ég vinn við að dreifa salti á götur borgarinnar! 

Athugasemdir

[Ragnheiður , 16.8.2007 kl. 00:21]

LOL

[Gunnar Skúli Ármannsson, 16.8.2007 kl. 00:38]

Hann er andstyggilega góður þessi.

[Halla Rut , 16.8.2007 kl. 01:05]

Jens ertu ekki að taka þátt..Trúarþrætuefi

[Jens Guð, 16.8.2007 kl. 02:00]

  Halla Rut,  linkurinn yfir á Trúarþrætuefi virkar ekki.  Ég er alltaf áhugasamur um að rífast um trú. 

[Ólafur Þórðarson, 16.8.2007 kl. 04:43]

Ljóskuhatari!

[Ásthildur Cesil Þórðardóttir, 16.8.2007 kl. 08:23]

Ha ha ha

[Guðný Linda Óladóttir, 16.8.2007 kl. 11:28]

Góður

[SigrúnSveitó, 16.8.2007 kl. 13:52]

[Nanna Katrín Kristjánsdóttir, 16.8.2007 kl. 14:00]

Einu sinni komum við ljóskurnar saman í Laugardalshöll til að afsanna þá kenningu um að við værum heimskar.  Við fengum stórar sjónvarpsstöðvar til að koma og leyfa heimnum að verða vitni af því, þegar Ljóskur afsanna að þær séu ekki heimskar.  Til að toppa allt var Logi Bergman kynnir og sá um það að spyrja nokkrar útvaldar ljóskur sem sátu í hring upp á sviði spurningar.

Logi; Ég byrja á einhverju einföldu og færi mig svo yfir í eitthvað erfiðara.

"hvað er 1+2?"

Ljóska 1: "ehh(klór í haus) hérna, sko, ef 1 er 1 og 2 2 þá hlýtur 1+2 að vera hmm.. 2?"

Og salurinn sem var fullur af ljóskum sem mættu til að hvetja hrópaði; "gefðu henni séns, gefðu henni séns...."

Logi; "rólegar, rólegar, hún fær einn séns.  Hvað er 1+2?"

Ljóska1:Ljóska 1: "ehh(klór í haus) hérna, sko, ef 1 er 1 og 2 2 þá hlýtur 1+2 að vera hmm.. 1?"

Og salurinn heldur áfram að hvetja; "gefðu hennni séns, gefðu henni séns..."

Logi; "rólegar, rólegar, okey hún fær einn séns enn.  Hvað er 1+2?"

Ljóska1:Ljóska 1: "ehh(klór í haus) hérna, sko, ef 1 er 1 og 2 2 er þá 1+2 kannski 3?"

Salurinn; "gefðu henni séns, gefðu henni séns...."

[Steini Briem (IP-tala skráð) 16.8.2007 kl. 14:45]

Jamm, ljóskur eru langt frá því að vera eins vitlausar og þær líta út fyrir að vera, Nanna mín Katrín.

[Nanna Katrín Kristjánsdóttir, 16.8.2007 kl. 14:52]

Ef það væri eitthvað sannleikskorn í svona bröndurum yrði ég sár.  Sannleikurinn er yfirleitt sárastur.  Svona vitleysa, eins og vit fari eftir hárlit fer ekki mikið í mig

[Helga Guðrún Eiríksdóttir, 16.8.2007 kl. 14:56]

LOL Sem ljóska ætti ég nú að kvarta til mbl.is yfir "særandi háði"!  PS. Ég fékk "svar".  

[Steini Briem (IP-tala skráð) 16.8.2007 kl. 16:15]

Jamm, þetta er tóm steypa, Nanna mín Katrín. Ég hef kynnst ljósku sem var klár.

[Magnús Geir Guðmundsson, 16.8.2007 kl. 16:20]

Mér finnst brandarinn hennar Nönnu eiginlega betri! Greinilega sposk ljóska sem gróska er í, eða þannig! Og Helga Guðrún svo sannarlega líka, ljóska já með "málin á hreinu"!

[Ásgeir Rúnar Helgason, 16.8.2007 kl. 20:04]

Já, það er merkilegt þetta með að "ljóskur" og "miðaldra hvítir hetrósexual karlmenn" virðast vera einu markhóparnir sem eru lögleg veiðibráð fyrir háðsglósur og niðurlægjandi brandara. Það er kannski vegna þess að þetta fólk er svo frábært að það er ekkert sem bítur á því?:

[J. Einar Valur Bjarnason Maack , 16.8.2007 kl. 20:29]

....The Aristocrats...?

[Nanna Katrín Kristjánsdóttir, 16.8.2007 kl. 20:52]

"Já, það er merkilegt þetta með að "ljóskur" og "miðaldra hvítir hetrósexual karlmenn" virðast vera einu markhóparnir sem eru lögleg veiðibráð fyrir háðsglósur og niðurlægjandi brandara. Það er kannski vegna þess að þetta fólk er svo frábært að það er ekkert sem bítur á því?:"

held þetta snúist bara meir um sterio týpur. Ljóskur sýnast bara heimskar og uppteknar af útlitinu.

En hey það er betra að sýnast heimskur og annað komi svo í ljós en að sýnast gáfaður og annað komi svo í ljós, ekki satt?

[Halla Rut , 16.8.2007 kl. 20:58]

Ha ha góður þessi.

Sorry með linkinn, var bara að sjá þetta núna, það er en verið að rífast 84 comment. http://jeremia.blog.is/blog/jeremia/entry/287235/#comments

[Steingrímur Helgason, 17.8.2007 kl. 00:25]

Ég hef á minni ævi þekkt tvær alvöru, (~ekki músargráar~) platínuljóskur. Önnur flutti til Svíþjóðar, þar sem að bannað er að gera grín að ljóshærðu kvenfólki, hin er háttsett hjá virtu fjármálafyrirtæki hérna heima, & í einhverja tvo áratugi þá hefur hún troðið í mig í trý, með nýjum ljóskubröndurum, á milli þess sem að hún neyðir mig til að spila undir söng sínum ameríkst kerlíngakántrý frá síðasta fjórðúngi síðustu aldar.

That suck's, but...

S.

[Jens Guð, 17.8.2007 kl. 01:41]

  Eins og ég tók fram þá hef ég almennt andúð á ljóskubröndurum.  Ástæðan er sú að þeir tengjast útliti fólks.  Hinsvegar hefur hugtakið ljóska víðtækari merkingu sem er ekki bundin við hárlit -  þrátt fyrir nafngiftina.  Hugtakið ljóska stendur fyrir tilteknar týpur af manneskjum.  Og vegna þess að ljóskur eru ekki kúgaður minnihlutahópur þá þykir mér í lagi leyfa svona brandara að fljóta með.  Af því að þetta er allt í góðu og meiðir engan.

  Helga Guðrún,  ég sá að Árni Matt svaraði þér og útskýrði dæmið. 

[Magnús Geir Guðmundsson, 17.8.2007 kl. 14:44]

Já, ljóskuhugtakið er víðfennt og viðkvæmt, eins og sannaðist fyrir kosningarnar er "Johnny Boy Hannibals" notaði hugtakið yfir ónefnda kvinnu úr Hafnarfirði!

Og já, frændi vor hann ÁRni Matt. svaraði, en útskýrði kannski ekki mikið þannig séð. En kamerat Jens, á ekki að gefa leti frí og skella sér á skrall um helgi!?

[Jens Guð, 18.8.2007 kl. 00:06]

  Maggi,  það er mikið um að vera um helgina.  Ég bý við Laugardalsvöll og heyrði í hljómleikum KB banka inn um gluggann hjá mér.  Luxor toppar Nylon í leiðindum.  Báðir sönghóparnir voru auðheyranlega með músíkina bara spilaða af geisladisk eða úr tölvu.  Þvílík leiðindi.  Ég missti af SSSól.  Bubbi var í góðu formi.  Stuðmenn voru tölvupopphljómsveit.  M.a.s. bassinn var spilaður á hljómborð.  Enginn gítar.

  Ég er ekki aðdáandi Stuðmanna.  En skil vel af hverju þeir eru kallaðir hljómsveit allra landsmanna (nema mín).  Deili ekki á þá sem slíka. 

  Á morgun verður mikil Færeyingaveisla.  Allan eftirmiðdaginn og fram á kvöld.  Það dæmi fer ekki framhjá mér.  Ég er samt spældur yfir því að mín góða vinkona,  Lena Andersen, skuli hafa forfallast á síðustu stundu.  Aðrir Færeyingar bæta það upp. 

[Magnús Geir Guðmundsson, 18.8.2007 kl. 00:33]

Blessaður félagi!

Þetta lítur bara vel út, Menningarnóttin bara spennandi! Vissi ekki að svona mikið yrði um Færeyinga. Annars horfði ég á Vonbrigði í kvöld í Kastljósinu, þeir verða þarna á túninu annað kvöld, alveg þrusugóir, komu mér vel á óvart!Bíð spenntur við viðtækið á morgun! VAr annars að spá hvort þeir hefðu gefið eitthvað út nú við endurkomuna, ætla að reyna að tékka á því, t.d. inn á rokk.is!

[Magnús Geir Guðmundsson, 18.8.2007 kl. 00:35]

Við erum alveg sammála um "Vallarvelluna" en Bubbi kóngur var bestur og í fínu stuði! Og Garðar Thor var flottur á sínu sviði, söng frábærlega hið þekkta stykki Granada!(eða Grenada, man aldrei hvort!)

[Jens Guð, 18.8.2007 kl. 00:46]

  Ég þarf greinilega að kynna færeysku senuna svo fólk missi ekki af Hanusi og fleirum. 

  Ég þarf líka að fletta upp á Vonbrigðum á netinu og kíkja á Kastljós.  Vonbrigði hefur alltaf verið miklu flottari á sviði en á plötu.  Mér eru einkum minnistæðir hljómleikar sem við í Gramminu stóðum að í Hamrahlíð um miðjan níunda áratuginn.  Þeir kölluðust Fjölbragðarokk.  Þar spiluðu Vonbrigði ásamt Skeleton Crew og Leo Smith. 

  Vonbrigði voru glæsilegir.  Skeleton Crew var tríó þar sem hver liðsmaður spilaði á mörg hljóðfæri samtímis.  Frábært lið sem ég kynntist lítillega.  Gítarsnillingurinn Fred Frith fremstur í flokki.  Zeena Parkins gekk síðar til liðs við Björk.

  Leo Smith var líka flottur og fékk mig til að hanna glæsilegt plötuumslag fyrir sig.  Tolli málaði fyrir mig flotta mynd af honum á umslagið.  Steini Magg gítargúrú,  bróðir Jakobs Smára,  túraði síðar með Leo um Bandaríkin.   

[Magnús Geir Guðmundsson, 18.8.2007 kl. 02:03]

Flott, er upp með mér, að geta skrúfað svona hressilega frá krananum hjá þér haha!

Meira af þessu!