Annað leyndarmál upplýst

  Ég ætla að dæla hér inn upplýsingum um leyndarmál úr poppbransanum.  Jafnvel nokkrum safaríkum.  Ég byrjaði á að upplýsa um trommuleikinn á plötu Facons frá Bíldudal.  Um það má lesa hér aðeins neðar á síðunni. 

  Nú er röðin komin að laginu Búgívúgíelskhugi sem var B-lag á plötu Bubba & MX21,  Skapar fegurðin hamingju?  Þetta lag hefur síðar komið út sem aukalag á geisladiski með Bubba.  Ég hannaði umslagið og sá um markaðssetningu. 

   Áður en lengra er haldið vil ég taka fram að bassaleikarinn sem um ræðir er góður. Hefur gert margt gott.  Meðal annars í laginu Vegbúinn með KK.  

  Tómas Tómasson (Stuðmaður) var upptökustjóri. Á þessum árum þurfti að senda upptökur til Englands.  Þar voru þær "masteraðar" og unnar undir fjölföldun.

  Í þessu tilfelli var upptakan bókuð til sendingar til Englands að morgni næsta dags.  Um miðnætti hringdi Tómas í Ása,  sem þá var kenndur við Grammið en er í dag kenndur við Smekkleysu.  Tommi tjáði Ása að bassaleikurinn virkaði ekki.  Úr varð að Tommi ræsti bassaleikarann upp eftir miðnætti til að hljóðrita bassaleikinn að nýju. 

  Undir morgun hringdi Tommi aftur til Ása og tjáði honum að nýja upptakan hafi ekki virkað heldur.  Niðurstaðan varð sú að Tommi spilaði sjálfur bassalínuna.  Loforð voru gefin út og suður um að Bubbi fengi ekki að vita af því.  Bubbi og bassaleikarinn voru nefnilega svo góðir vinir.

  Þegar platan kom út var haldið hóf og blaðamannafundur á Hótel Borg.  Þegar platan var ítrekað spiluð þar segir bassaleikarinn sem vissi ekki betur:  "Rosalega er ég þakklátur fyrir að Tommi skuli hafa hóað mig út um nóttina.  Eins og ég var fúll yfir því.  Upptakan sem ég á á kassettu var með glötuðum bassaleik. Núna er þetta perfekt." 

 

 

Athugasemdir

[Gunnar Th. Gunnarsson, 11.9.2007 kl. 03:44]

Ææ, er bassaleikarinn að frétta þetta kannski fyrst hér, núna?

[Brynjar Jóhannsson, 11.9.2007 kl. 08:57]

Ég reyndar skil ekki afhverju Tommi var ekki látin spila alla plötuna því að musikkantar eins og hann er ekki á hverju strái. Þetta er ekki í fyrsta skipti sem Tommi hefur staðið í svona reddingum og hef ég heyrt fleirri sögur sem hann gerði tengdar Bubba í reddingum þegar Bubbi var hvergi sjáanlegur.

[Þorgerður (IP-tala skráð) 11.9.2007 kl. 09:17]

Ææ, vonandi les bassaleikarinn ekki bloggið þitt

[Guðni Már Henningsson, 11.9.2007 kl. 11:00]

Ég þarf að grafa þetta lag upp!!

[Magnús Geir Guðmundsson, 11.9.2007 kl. 11:27]

Jæja Jens minn! N'u væru hæg heimatökin hjá mér að láta Bubban vita, hann í fjölskyldutengslum núna við mig, það yrði nú alvöru "fætingur" þegar þið svo mynduð mætast og hnúar og hnefar la´tnir tala hahahahaha!

En nú er Guðni Már búin eftir þessar 25 mín. að grafa upp lagið og sér þá að bassaleikarinn heitir.....

[Ásthildur Cesil Þórðardóttir, 11.9.2007 kl. 11:43]

Ekki er alltaf allt sem sýnist í honum heimi.

[Pex (IP-tala skráð) 11.9.2007 kl. 12:18]

Þorleifur Guðjónsson liggur undir grun.

[Guðríður Hrefna Haraldsdóttir, 11.9.2007 kl. 12:22]

Gaman að svona sögum ... og takk fyrir sögurnar sem þú hefur stundum skellt inn á bloggið mitt, þær eru æði, eins og þessi með Julian Lennon! Algjör snilld!

[Jenný Anna Baldursdóttir, 11.9.2007 kl. 12:53]

Og hver er þessi glataði bassaleikari?  Aumingja maðurinn.  Muhahaha

[Jens Guð, 11.9.2007 kl. 13:40]

  Pex,  rétt til getið.  Bassaleikarinn heitir Þorleifur Guðjónsson.  Ég tek fram og ítreka að hann er fínn bassaleikari.  Hefur oft gert góða hluti sem slíkur.  En það er ekki öllum gefið að spila búgívúgí.  Það á við um píanóleikara og hvaða hljóðfæraleikara sem er. 

  Bubbi veit af þessu í dag.  En sennilega ekki Þorleifur.  En núna fréttir hann af þessu. 

  Erlingur,  ég er að leggja drög að vali á bestu íslensku lögunum.  Ætla að láta það taka við af skoðanakönnuninni á mest pirrandi íslenska laginu.  Ég ætla að leyfa 500 greiddum atkvæðum að telja þar áður en ég skipti um. 

  Gurrí,  ég dreifi þessum sögum út um allan bloggheim.  Út og suður og þvers og kruss.  Enda hefur svo margt gerst. 

[Bazia (IP-tala skráð) 11.9.2007 kl. 15:09]

Gerði Tommi þetta ekki líka á Greifaplötu? Hann og Geiri Óskars mættu alltaf á kvöldin þegar Greifarnir voru farnir heim og spiluðu allt aftur.

[Júlíus Valsson, 11.9.2007 kl. 16:34]

Merkileg saga, því flestir þekkja jú afkvæmi sín þó þeir hafi verið syfjaðir þegar þau urðu til!

[Brynjar Jóhannsson, 11.9.2007 kl. 20:22]

Þorleifur er mjög góður bassaleikari en Tommi Tomm er séní.. á því er mikill munur.... Pálmi hjá sniglabandinnu sagði að hann hefði þurft á áfallahjálp að halda þegar Tommi hætti. ekki það að bassaleikarinn sem tók við hafi verið slæmur heldur er tommi einfaldlega á miklu hærra kvaleberi. 

Eins og ég sagði... þá skil ég ekki afhverju Tommi var bara ekki látin spila alla plötuna...  

[Res (IP-tala skráð) 11.9.2007 kl. 20:58]

Bassaleikarar þurfa að kunna að grúva lög á móti trommara og það kunna ekki allir Bassaleikarar sem teljast vera bestir, oft framarlega í bítinu vegna Jazz bræðings sem þeir festast í

[Jens Guð, 11.9.2007 kl. 21:56]

  Júlíus,  það er nú allur háttur þar á.  Þegar Keith Richards kveikti á segulbandi sínu fyrir margt löngu heyrði hann þar lag sem hann kannaðist ekkert við.  Þetta lag fékk síðar nafnið Satisfactionog er eitt af þekktustu lögum Stóns. 

  Keith hafði greinilega samið lagið hálfur út úr heiminum af ölvun.  Sem heyrðist best á því að hann var ekki kominn langt með lagið á segulbandsupptökunni uns allt þagnaði og síðan tóku við þungar hrotur. 

  Annað dæmi:  Hljómsveitin Aerosmith var á hljómleikaferð.  Þetta var á því tímabili sem liðsmenn hljómsveitarinnar drukku sem stífast.  Það er eins og að mig minni að þeir hafi verið í flugvél frekar en rútu.  Nema hvað,  að verið var að spila af segulbandi blandaða ókynnta músík úr ýmsum áttum.

  Hálf dauður úr drykkju heyrir söngvarinn,  Steven Tylor, allt í einu lag sem hljómaði vel.  Hann biður félaga sína í hljómsveitinni að hlusta og segir:  "Þetta lag smellpassar okkur.  Við skulum covera þetta lag."

  Honum var snarlega bent á að þetta væru Aerosmith að flytja frumsamið lag.  Steven mundir ekki neitt eftir þessu lagi. 

[Jens Guð, 11.9.2007 kl. 22:01]

  Brynjar,  þetta var nú bara 2ja laga plata.  Bassinn var áreiðanlega góður í hinu laginu,  Skapar fegurðin hamingju?

  Res,  þetta er rétt hjá þér.  Margir af bestu bassaleikurum heims eru fönkaðir,  eins og Flea í Red Hot Chili Peppers. 

[Brynjar Jóhannsson, 11.9.2007 kl. 23:09]

Jens ... enda sagði ég að þorleifur væri mjög góður bassaleikari .