Enn eitt leyndarmálið upplýst

  Við eftirvinnslu á plötunni Konu með Bubba þurrkaðist fyrir mistök hluti af söng hans út í einu lagi.  Bubbi var kominn í meðferð og átti ekki heimangengt næstu vikurnar.   Platan var bókuð í masteringu og fjölföldun úti í Englandi eftir örfáa daga.  Nú voru góð ráð dýr.  

   Svo vildi til að söngvari Bara-flokksins frá Akureyri,  Ásgeir Jónsson,  sá um áslátt á plötunni.   Hann gerði sér lítið fyrir og söng þann sönghluta lagsins sem hafði þurrkast út.  Hermdi bara eftir Bubba svo glæsilega vel að munurinn heyrist ekki.   

  Ásgeir er góður í söngeftirhermum.  Hann hermir léttilega eftir David Bowie og Freddie Mercury þegar sá gállinn er á honum.  Þar er erfitt að greina á milli eftirhermu og fyrirmyndar.  

  Lagið sem um ræðir á Konu-plötunni heitir Seinasta augnablikið.     

Athugasemdir

[Steini Briem (IP-tala skráð) 15.9.2007 kl. 15:20]

Mér hefur alltaf fundist skrítið hvað "Bubbi" hefur gefið út margar plötur.

[Guðríður Hrefna Haraldsdóttir, 15.9.2007 kl. 15:32]

Frábær saga. Ásgeir ætti að fá Stefgjöld.

[Markús frá Djúpalæk, 15.9.2007 kl. 15:36]

Það  gæti verið gaman að heyra Ásgeir taka "Under Pressure" á tónleikum með röddum beggja.

[Res (IP-tala skráð) 15.9.2007 kl. 16:56]

Sá Bara flokkin á you tube....kom á óvart

[Heimir Lárusson Fjeldsted, 15.9.2007 kl. 17:00]

Bara gott.

[Ásthildur Cesil Þórðardóttir, 15.9.2007 kl. 17:31]

Skemmtileg saga.

[Magnús Geir Guðmundsson, 15.9.2007 kl. 20:52]

Þú segir ekki!

Geiri nú ágætur söngvari og eitthvað hafði ég í gamla daga heyrt af ýmsum "Stælum" hans, en ekki Bubbastælingum!

En hræddur er ég um að ósk Gurríar Skagadrottningar gætu ekki ræst, nema hann hafi fengið eitthvað fyrir ásláttin annað en eingreiðslu!(raulið hefur þá bara verið innifalið í henni!)

[Steingrímur Helgason, 15.9.2007 kl. 22:31]

Hann tók líka ágætar eftirhermur af merkilegri söngurum en Ásbirni, til dæmis átti hann ágætann Bryan Ferry í fórum sínum & David Byrne lék alveg sem talandi höfuð í raddböndum hans líka.  Bara flokkurinn er einhver vanmetnasta hljómsveitin í óskrifaðri rokksögu landsins.

S.

[Ævar Rafn Kjartansson, 16.9.2007 kl. 00:14]

Naiv Baraflokkurinn en já einhver vanmetnaðasta....... sammála því kommenti

[Jens Guð, 16.9.2007 kl. 02:05]

  Ég hef ekki heyrt Geira herma eftir Bryan Ferry eða David Byrne.  En það er næsta víst að hann getur afgreitt þá líka.  Það sérkennilega er að Geiri er með hása og hvíslandi talrödd.  En þegar hann syngur þá ræður hann við allar raddir og raddbeitingar. 

  Hann vill ekki segja mér hvaða söngkafli það er sem að hann syngur í umræddu lagi.  En annar sem til þekkir segir mér að það sé þar sem söngurinn hljómi líkastur Bubba. 

  Hvort að Bara-flokkurinn sé ein vanmetnasta hljómsveit íslensku rokksögunnar veit ég ekki.  Í mínum kunningjahópi er hljómsveitin frekar hátt skrifuð. 

  Á sínum tíma tilheyrði Bara-flokkurinn pönksenunni.  Var í slagtofi með Egói,  Fræbblunum,  Q4U og þannig hljómsveitum.  En var samt meira sítt-að-aftan 80´s hljómsveit.  Ég á uppáhaldslag með Bara-flokknum.  Það heitir Catcher Coming.

[Steini Briem (IP-tala skráð) 16.9.2007 kl. 04:08]

Bubbi hefur gefið út um fimmtíu plötur með um fimm hundruð lögum og hefur selt hér fleiri plötur en nokkrir aðrir tónlistarmenn, fleiri en til dæmis plötur með Bítlunum, Rolling Stones og Elvis. Og mörgum sinnum fleiri en Björk og Sigur Rós til samans.

[Jens Guð, 16.9.2007 kl. 04:56]

  það eru mörg ár síðan Bubbi fór langt yfir 100 platna mark.  Á fyrstu árunum - um og upp úr 1980 -  söng hann að meðaltali inn á 5 plötur ár ári.  Kallinn hefur að vísu róast mikið eftir að kókneyslan hjaðnaði.  En ég ætla að óreyndu að plötur með söng hans nálgist 200.  Að minnsta kosti held ég að það séu yfir 10 - 15 ár síðan plötur með söng hans voru komnar yfir 100. 

  Bítlarnir voru virkir í plötuútgáfu bara í 6 ár (1963 - 1969).  Að vísu kom Let It Be út 1970 og innihéld eldri hljómleikaupptökur.  Ef að frá eru taldar seinni tíma útgáfur með Bítlunum þá komu út með Bítlunum um 200 lög á meðan hljómsveitin starfaði.  Að Let it Be meðtalinni.

[Steini Briem (IP-tala skráð) 16.9.2007 kl. 06:40]

Ég hef þetta eftir Óla Palla, þannig að hann reiknar þetta einhvern veginn öðruvísi. Það er hins vegar athyglisvert og ekki einleikið hversu gríðarlega afkastamikill Bubbi hefur verið, hvort sem það er nösin eða eitthvað annað sem veldur.

[Steini Briem (IP-tala skráð) 16.9.2007 kl. 07:26]

Hér er hægt að sjá yfirlit yfir plötur sem Bubbi hefur sungið inn á:

http://www.bubbi.is/greinar/200608/molinn.php

[Jens Guð, 16.9.2007 kl. 15:56]

  Sko til.  Ég var nálægt réttri tölu þegar ég sagðist ætla að Bubbi kæmi við sögu á nálægt 200 plötum.  Á listanum sem linkurinn vísar á teljast þær vera 189. 

[Steini Briem (IP-tala skráð) 16.9.2007 kl. 17:54]

Gott að þetta er ekki bara í nösunum á honum.