Góð saga

  Ég var að kenna skrautskrift á Selfossi í kvöld.  Þar var mér sögð ansi skemmtileg saga af sýslumanninum,  Ólafi Helga Kjartanssyni.  Hann gætir þess umfram ýmsa stéttarbræður sína að klæðast fullum skrúða dags daglega.  Skrúði sýslumanna er miklu flottari en löggubúningur.  Það eru fleiri strípur,  borðar,  gullhúðaðir hnappar og glingur á honum.  Gott ef að búningurinn er ekki grænlitur en alla vega virkilega glæsilegur.

  Eitt sinn kom Ólafur Helgi að þar sem að vandræði voru á Hellisheiði.  Það var vonskuveður að vetri til.  Bílar festust í snjó og umferðarhnútur hafði myndast.  Ólafur tók af sinni alkunnu röggsemi á málum og fór að stjórna umferð til að leysa umferðarhnútinn.  Þá hringdi fullorðinn maður í lögguna á Selfossi og tilkynnti:  "Það er allt í rugli hérna uppi á Hellisheiði.  Maður í lúðrasveitarbúningi er úti á miðri götu að fíflast í umferðinni!"

Athugasemdir

[Steini Briem (IP-tala skráð) 3.10.2007 kl. 02:24]

Ólafur Helgi uppi á Heiði,
umferðin blés í lúðurinn,
assgoti mikið var arbeiði,
öllum til sýnis snúðurinn.

[Jenný Anna Baldursdóttir, 3.10.2007 kl. 08:56]

Hahaha, góður.

[Kristín Björg Þorsteinsdóttir, 3.10.2007 kl. 11:02]

[HerdíZ (IP-tala skráð) 3.10.2007 kl. 11:43]

Hahaha ég skellti upp úr í tíma þegar ég las þetta.. Mætti vera trúðurinn í staðinn fyrir snúðurinn í ljóðinu

[ari (IP-tala skráð) 3.10.2007 kl. 13:32]

Það hefði nú verið skemmtilegra ef löggan hefði komið, stuðað hann með rafbyssu þannig að hann gæti ekki talað og útskýrt málavexti, svo sett hann á geðdeild.

[Kolgrima, 3.10.2007 kl. 13:39]

Þessi er góður

[Fríða Eyland, 3.10.2007 kl. 14:12]

[Magnús Paul Korntop, 3.10.2007 kl. 14:36]

hahahahahahahahahahaha,þessi saga er fín.

[Jóhann (IP-tala skráð) 3.10.2007 kl. 16:48]

Held við værum betur sett ef hann stjórnaði lúðrasveit en ekki lögreglusveit.

[Jóhann Elíasson, 3.10.2007 kl. 18:18]

Hann Ólafur Helgi er þekktur fyrir dálæti sitt á "uniforminu" þær eru nokkuð margar sögurnar sem eru til af honum frá því að hann var sýslumaður á Ísafirði.

[Ásdís Sigurðardóttir, 3.10.2007 kl. 20:29]

Já, hann elskar uniformið sitt. Þessi saga er snilld og ég held meira að segja að hún sé sönn, þeir eru skondnir austanmenn.

[Steini Briem (IP-tala skráð) 3.10.2007 kl. 20:57]

Mick Jagger hélt að sýsli væri geimvera út af græna júníforminu þegar hann hitti litla græna kallinn "fyrir tilviljun" á Ísafirði um árið og veigraði sér því við að taka í höndina á honum. "Ég tók ekki sénsinn," var haft eftir Jaggernum í lauslegri þýðingu í Bæjarins besta en hann er haldinn geimverufóbíu.

http://rollingstones.blog.is/blog/rollingstones/

[Ævar Rafn Kjartansson, 3.10.2007 kl. 22:37]

I cant get no Satisfaction (unless in the uniform)? Nei held að þrátt fyrir þvagleggsmálið séum við með góðan mann þarna. Þrátt fyrir búningafetishið. Skyldi konan hans þá vera hjúkka?

[Steini Briem (IP-tala skráð) 3.10.2007 kl. 23:05]

Ólafur Helgi Kjartansson, formaður Blóðgjafafélags Íslands, fæddist í Reykjavík árið 1953. Hann lauk stúdentsprófi frá MR 1972 og varð cand. jur. frá HÍ 1978. Ólafur Helgi hefur einnig lagt stund á MPA-nám við HÍ. Hann var dómarafulltrúi 1978-1984 hjá sýslumanni Árnessýslu, skattstjóri Vestfjarðaumdæmis 1984-1991, sýslumaður á Ísafirði 1991-2001 og skipaður sýslumaður á Selfossi 2002. Ólafur Helgi hefur einnig fengist við kennslustörf. Kona hans er Þórdís Jónsdóttir auglýsingastjóri og þau eiga fjögur börn.

http://landmannalaugar.info/artwork/All101portret/pages/%D3lafur%20Helgi%20Kjartansson.html

[Jens Guð, 4.10.2007 kl. 01:38]

  Ævar,  mér þykir meiriháttar frábært að sýslumaður rúmlega miðaldra skuli hafa þennan áhuga á Rolling Stones.  Sjálfur er ég mikill Stóns-aðdáandi (les = Keith Richard aðdáandi).  Ég met mikils alla aðra Stóns-aðdáendur.  Ég á sennilega hátt í 20 plötur með Stóns og hef fylgst með þessari hljómsveit frá upphafi. 

  Ásdís,  við mig var fullyrt að sagan væri sönn.  En þó að svo væri ekki þá er sagan góð engu að síður. 

[Einar Bragi Bragason., 4.10.2007 kl. 17:32]

he he sagði Sýsla á Seyðis þessa sögu í dag og hann skelli hló...þetta er góð saga